ام محمد الجبوريه
#دولة عشق
اسمع وعقلي مامصدك
كنان الي ازامط بي دوم
كنان الي يحجي وياي اهددهم بي
كنان عمري ماحطيته بغير خانه
كنان الحامي والسند والعزوه
ربيت ويا من صغري صح جان يهيني
يعاملني بجحود بس لمن كبرت وفهم اني ماازاوده على حب خالتي صار يعاملني غير شكل
كنان يحجي ودموعي تجري
شكد جنت حاقده على امي وابوي
اليوم حقدت اكثر عليهم
ليش بس اني هيج امي ماتحملت ابوي ازوج عليها
وابوي ماكدر يحافظ على بيته من تخطيط اهله وامه بالذات الي ماحبت امي اصلا
واني الي صرت مخده رزايل للي رايح والجاي
مرة خالي من صغري راوتني نجوم الظهر رغم اني هدئه مو حركه
وكنان مو اقل منها بس اختلف من كبرنا صار يعاملني بحترام
وهسه رجع واقسى من قبل
كنان :شوفي حنين اني اعرف انتي شنو غايتج عبالج بتصرفاتج هذي ومخليه الجهال متعلقين بيج اترك كفاء وازوجج تحلمين
ولج انتي تضحكين على فقرها على اقل ماباقيه بالبيوت مثلج
ولج عيشتج ودراستج خلف الله على خالي اسماعيل متكفلها
لعد انتي مصدكه ابوج ينطي نفقه
هو حتى مايعرف عمرج شكثر صار
وأمج الي عدها رجلها ولده اقدس منج
عبالك عار تريد تخلص منه
باعي حنين من باجر اجيب مربيه الاخوتي ومااريد اشوف خلقتج هنا
شلون صلافه نزل ويدبج ع السطح
يالله والي حقيره شكد محترمج بس انتي مو مال احترام متعوده ع التكفخ
بنفس اليوم رجعت لبيت اخوالي ماعرف شحجي بس كرامتي اهم من لدنيا كلها
خالتي تسألني شبيهن عيونج
ماعرف شأرد
شكول كنان طرني وذكرني بكلشي
عشته من طفولتي لسه
حتى المي الي اشربه هو مو حقي
اني لفو عليكم
بس مثل كل مره اكتم بصدري وسكت
صدك بعد يومين جاب كنان وحده اداري الجهال
بيبي بقت يمهم ماتامن عالجهال
تتصل بيه تكولي مياكلون ولا ينامون
يردوج مينا تبجي تريد ماما انين
تقصد حنين
وايهم صاير عدواني حته يعض
بعد اسبوع كمل كنان الخطبه مالته والاسبوع الجاي المهر
يكول البيبي فدوه حنين لاتوصل مالي خلك مشاكل خلي اخلص بسلامه
وكليلها تشيل كفاء من راسها لان حتصير ام بيتي والي يجي يجي خطار يحترم نفسه
شكد حجت بيبي عليه
كتلها حقه بيتهم وهم احرار بي
أنت تقرأ
دولة عشق
General Fictionالقصه تتكلم عن العلاقات العائليه والعاطفيه وايضا عن الحب الذي يولد بظروف صعبه ويكون حب يتصف بالتضحيه بالذات مقابل راحت المحبوب وحب مادي غير معنوي يتصف بخذلان الحبيب ابطالنا عاشو القصه ووصوفوها بطريقتهم يارب تستمتعون معهم لنبدا الرحله معهم
