دولة عشق

١١

ام محمد الجبوريه
دولة عشق

رجعنا ويانا رنا للبيت بالطريق نمت ع كتف رنا
الي صعدت ويانا خالي بالصدر
وكنان يسوق
واني ورنا كعدنا بالكشن الاخير

نايمه وحسيت شخص يباع عليه فتحت عيوني كنان يباع عليه بالمرايه

خزرته وعدلت نفسي

عوذه شلون عيون

خالي حجه بويه اذا شفت مطعم اوكف

صارلنا ٣ ساعات نمشي خلي نرتاح شويه
وناكلنا لكمه

كنان :تامر خالي

وصلنا المطعم كنان اشر للمحمد يصفط

نزلنا رحنا اني ورنا للحمامات غسلنه وعدلنا شالاتنه

رجعنه لطاوله

خالي كالنا بويه شنو تاكلان

رنا كالت كص اني باوعت ع كنان

لان حسيته شايط من محمد ابن زوج امي

خاصه من كال محمد اني وحنين كباب

كنان :حنين تردين كباب حجاها بنتره

َحنين :جاوبته لا اريد كص ويه رنا

عاد اجه الطلب كنان مسوي تشكيله كص وكباب الي يعرفني احب الكباب
بس كلت كص لان محمد حجه بدالي وخفت يطلعها بيه بعدين

اكلنا وشربنا جايات وطلعنه

صعدنا اني ورنا خالي جابلنا موز وزع ع الكل

وكنان جاب موطه الي والرنا

مشت السياره بس كملت الموطه

سحبت رنا قربتها الي ونمت ع متنها

شاورتني رنا اكلج مانايمه انت البارحه

كتلها منين يحصره بسبب ابن عمتج شفت النوم اني غمضلي جفن
رنا :احجي بشرفج اسويتو تحمست
حنين :منحرفه وين راح بالج ماسوينه شي بس تعاركنه
رنا عوجت حلكها مامصدكه
وكالت من نوصل تحجيلي كلشي وبالتفصيل الممل

باوعت ع كنان وهو باوع عليه بالمرايه

اذكرت البارحه من جابر جاب الفراش

للبراني

حنين :انت من عقلك انام يمك

كنان :بكيفج اطلعي حتى الكل يعرف الزواج لعبه

وابشرج عندج اربع ولد عم بعد مو عبالج خلصتي

باوعت عليه  شنو يعني بكيفهم لعبه هيه

موكافي رنا بسبب خبالاتهم تورطت بجابر  الارعن

كنان :علكيفج عيني رنا تحلم يجيها انسان مثل جابر زلمه معدل
الي صار اي واحد يسوي شمدري رنا مو بت عمه معوده ولد العم حتى يغسلون عار بنات عمهم هو ماسوه شي بس رجعها المكانها الصح مثل ماجان متوقع
شمدري هيه مو حنين