دولة عشق

١٨

ام محمد الجبوريه

دولة عشق

وصلنا البيت اهل ابوي

تلكونا كلهم بالصلوات والبنات رناد ورد

حارو شلون يريحونا

بس اني من وصلت وسلمت ع الكل وعلى والدي

باوعت اكو مره واكفه باب المدخل مال البيت

بس ياربي كلبي لزمني منها

تكول العجوز الشمطاء

من دخلنا اريد اعرف هيه منو بس عيب اسأل
واني كلبي لعب منها عيونها بيها شر وحقد عبالك كاتله واحد من عشيرتها

كاعدين وايهم نام ع رجلي ومينا خبصتني حمام حمام

اجت رنا اخذت ايهم تنومه بغرفه ورد كالتله اكو غرفه فوك نيمي بيها
واني اخذت مينا للحمام

من رجعت لكيت هذي المره وحدها كاعده وعوجيتها بيدها تكول من هذني الساحرات الي بفلام كارتون

كعدت بدلت المينا ومشطت شعرها
فزيت من حاجتني
مستحره البنيه لازم

ومن تحجي تبقه تلوج بحلكها مااعرف هيه هيج لو جاي تاكول شي

كتلها اي بيبي هيه محرار اله ابردلها

شويه نامت مينا

بس الحجيه كل شويه تسألني

واني اجاوب

اكلج همه صدك ولدج لو ولد خالتج
كتلها لا ولد خالتي
ها همه ولد هاي الي ماصار عدها بس ولد مو

اي بيبي ولد خالتي ام كنان

اكلج هو ابو كنان عاف الخير كله الكنان مو

شلون بيبي ماجاي اعرف شتقصدين
شو هاي المره ضربتني بعوجيتها وصاحت
ولج ماتعرفين قصدي لو انتن لاعباتها صح انتي وامج ام العشك وتمعشك

اخذتي الولد لان عنده املاك
جاما خفتي ربج من خربتي بينه وبين خطيبته الي يكولون يموت عليه
وهيه رايده تنتحر لان عافها
بسحورجن تخبلن الزلم
عيوني انترسو دمع ياربي راح ابقه طول
عمري اعاني من هاي السالفه وفوكها اهل ابوي كلهم يعرفون يعني صرت عار بالعشيره
بعدني اريد ارد سمعت صوت ابوي كالها
ماخفتي ربج انتي

بيوم فرقتيني عن امها جان يمشي بثكل

حجت بنتر شفرقتك هيه عافتك جانت عاشكه ابو بغداد
متعلمه تتختل وتتعشك
هاي النساوين تطلك اسنين محد يدك بابها هيه بس كملت عدتها ازوجت
بس انت مسطور راجدي معدل منها
كامختك ام السحوره

ابوي كام يصيح فقد تقريبا وخرط الاكو والماكو

على صوته نزل جابر من فوك
ودخلو فهد وليث جانو بالمضيف

كالها ابوي انتي شيطانه وطول عمرج اضلين شيطانه

اني اعرف موتت ام رناد انتي السبب بيها
واعرف موتت ابني بطن امه وشالو رحمها انتي