ام محمد الجبوريه
# دولة عشق #
خالو مو هيج فدوه ماترهم
اسمعي بويه اني من يوم الحادث مالت الجهال
اتفقت ويه كنان تبقين انتي والحجيه هنا
وامج اعترضت على دوامة كالت شلون هيه اخر سنه وهذا مستقبلها
هذا نص الحوار قبل كم يوم
ام حنين: ياخويه لا تزعل مني الله يخليك يعني مو بتي تكسر ضهرها على الجهال
و هذي اخر سنه الها
وانت شفت بعينك من كلنا الكنان ازوجها ماقبل فضل كفاء عليها اضيع شبابها ومستقبلها هيج
ابو رنا: ياخويه يعني شنسوي والله الجهال كسرو ضهرنا
مانعرف الحل ماعدنا غير هيج وهيه اذا الله قسملها مانمنع قسمتها
كنان خالي اني مستعد اسجل المشتمل باسم حنين حتى اذا ازوجت تبقه قريبه ع الجهال
ولك ياخالي شنو هذا الحجي ليش ماتزوجها انت
واخوتك متعلقين بيها وهيه هم
كنان والله خالي انت تعرف الي صار مو هين عليه صدكني ٥ سنوات ماافكر بالزواج بعد
هذا الحجي صار بوكتها واتفقنه اذا الله قسملج هديه زواجج المشتل علمود تبقين قريبه على الجهال
اني صافنه عليهم وبيبي لازمه ايدي
زين خالي ليش هسه قررتو كنان يعقد عليه شنو السبب
وكلكم مقتنعين وحتى كنان نفسه هم مقتنع وامي شنو الي استجد
شوفي خالي ابوج البارحه اتصل بيه
ابن عمج اسمه جابر بعمر كنان
موكفيله اختج من ابوج
بس البنيه ماتريده
وقبل يومين كاعدين مالكينها
البنيه طالعه لابوها لسعوديه
بس اعمامج ميعرفون طبعا هدرو دمها
ولان ماعندج اخت بعد مامزوجه
اعمامج يردون ياخذوج الجابر رد اعتبار اله
لطمت وجهي
خالي فدوه شتحجي شنو هو طماطه هاي زينه وهاي ممروده
بعدين اني شعرف منهم
هو حتى ابوي ماشايفته انوب اهله
ام حنين يمه فدوه اروحلج وافقي والله علمودج ياخذوج ماتعرفيهم همج ولج ايدهم والسلاح والغدر يمشي بدمهم
بس بهذي الطريقه نحميج
شوفي خالي همه بعد كم يوم يجون ياخذوج
حنين :شنو ياخذوني بكيفهم هيه
الخال :اي بكيفهم اعمامج ومالنه سيطره عليهم بطريقه وحده نوكفهم نعقدلكم
أنت تقرأ
دولة عشق
General Fictionالقصه تتكلم عن العلاقات العائليه والعاطفيه وايضا عن الحب الذي يولد بظروف صعبه ويكون حب يتصف بالتضحيه بالذات مقابل راحت المحبوب وحب مادي غير معنوي يتصف بخذلان الحبيب ابطالنا عاشو القصه ووصوفوها بطريقتهم يارب تستمتعون معهم لنبدا الرحله معهم
