ام محمد الجبوريه
دولة عشق
كنان بعد يومين للعرس
والرقم مابطل يتصل
حاولت اطلع الرقم بس لازم اقدم شكوه
وقرار من القاضي تركت الموضوع
بس اليوم اتصل نفس الرقم
فتحت خط
الو.... الوو
ماكو جواب
بعدين فتح نفس التسجيل
اني احجي بي
واصنف على حنين
بس هذي المره بي تكمله لمن كلت ماتعفن لابسه صايه وحجاب ٢٤ ساعه
ماكو احد يعرف باتصالي بس كفاء
طلعت من البيت ورحت عليهم
واني فاير
دكيت الباب طلع ابوها
خير شتريد بعد من عدنا
عمي اني مااريد شي وانت تعرف اني تنازلت عن بتك
وهسه جاي شتريد حجه ابو كفاء
عمي كفاء وين عندي حجي وياها
شوف كنان كفاء من طلعت من السجن مانعرف وين وشكد دورنا ماكو بتي بسببك يمكن انتحرت مدري شنو صار بيها
طلعت الرقم وكتله هذا رقمها
باوع عليه بس ماحسيته انصدم او تغير شي بيه يعني مايعرف الرقم جاوبني بكل برود مااعرف
وراد يسد الباب
كنان لزمت الباب وكتله اني رفعت دعوه للقاضي الرقم جاي يهددني
وخليته واكف بمكانه ومشيت مااعرف الي سويته صح لو غلط من كتله اشتكيت
واني اعرف ابوها طماع يبيع عشيرته على ١٠ الف
لو متفق ويا جان كلي على مكانها
رجعت للبيت خالتي ام حنين وخالتي ام رنا ورنا يرتبن بالغرفه والبيت
شويه ودك الجرص طلعت
هلوووو بالظلوع جانو جاين ولد خوالي
مهدي: اي قشمرنا ظلوع اجنحه وهو محشم ولد عم حنين يوكفوله ماستحيت مو احنه اقرب الك
مسلم: مو عار بعده مامصدك احنه صرنه عقال ماعليه بحنين وتنازلنا اله
مصطفى: اكلك كنان بداعت الخوه اني عاقل والله وماعليه بحنين عليه بغير وحده
تاخذني للقاعه مو الله عليك وسوه حركه الهنود من يتوسلون
كنان خربان ظحك تعالو عارات باقين بس تكركرون مثل النسوان
عدنا شغل يالله بسرعه تحركو
وانت عيني مهدي شنو اشو جاي بنطرون وبالك عنه
أنت تقرأ
دولة عشق
General Fictionالقصه تتكلم عن العلاقات العائليه والعاطفيه وايضا عن الحب الذي يولد بظروف صعبه ويكون حب يتصف بالتضحيه بالذات مقابل راحت المحبوب وحب مادي غير معنوي يتصف بخذلان الحبيب ابطالنا عاشو القصه ووصوفوها بطريقتهم يارب تستمتعون معهم لنبدا الرحله معهم
