ام محمد الجبوري
دولة عشق
&&&&&&&&&&
السلام عليكم
يارب يزيل هذي الغمه عن هذي الامه
يارب ان مااصاب العالم الا هو جند من عندك يارب انا نتحصن بحصنك المنيع
_________________
&&&&&&&&&&
زفونا للفندق وبدخولنا حسيت حنين
باردة وعبالك بعالم اخر
اول مادخلنا للغرفه كعدت ع الجربايه وفتحت مبايلها وسمعت البصمه
ياربي اشجاب هذي البصمه الها
اريد احجي اعتذر
بس حنين بكل برود خلت المبايل ع الميز
ودنكت نزعت حذائها
وكان تكلي حذائي اهم منك
بعدين حجت
حنين :شوف كنان اني اعرف الطابع الي ازوجنه بي و ليش ازوجنا اصلا
عمري ماحسبت بيوم اصير زوجه الك
لان اني اعرف اني شنو ومنو وانت شتنظر الي نظرتك الي بدايه حياتنا وطفولتنا كأني محتل احاول اسرق حب اهلك منك وهتمامهم
ولمن كبرنا صرت تعطف عليه كأني لاجئ خسر كل مايملك بحرب ماله بيها اي ذنب
بعد ما صار الحادث الخالتي وابوك صرت تنضر الي المنقذ من اجل اخوتك
ماالومك شنو جنت تحجي عليه قبل
بس ياريت تخلي الي احترام لان اني انسان والي كرامه واحساس
اني مو حيوان يربطو بحبل ويمشو بكيفهم واذا شفتني قبلت فهو مجرد رد جميل الخالتي اربي جهالها الي لمن تركتهم جان ماتو على ايد وحده انت فضلتها من البدايه عليه
كنان:حنين بس اسمعي والله هذي من زمان جنت اريد اقنع كفاء حتى لا تتعارك وياج
حنين :كنان مااريد تبرير
وكتلك اعرف نظرتك الي من زمان
بس اريد نرسم حدود الكلشي من هذي الحظه
كيان :حدود؟ حدود شنو
حنين :اي حدود لان علاقتنا راح تكون مختصره ع الجهال بس غيرها ماكو
ومن يكبرون ويعتمدون ع نفسهم
كل واحد يروح بطريقه
واذا تريد تزوج بهذي الفتره ماراح امنعك
ازوج الي تعجبك وماتحس بيها مصننه مثلي
ولا جنها كدع مصري بكلبيه
كنان: جنت اباوع عليها شلون تحجي بثقه بس مانطيتها مجال لان اني نيتي نكون عائله مو زواج على ورق بس
تقربت يمها اي خاتون وبعد
حنين :ماكو شي بعد بس وها من نرجع للبيت انام بغرفتي القديمه
واريد اداوم بالمستشفى مو تمنعني بالتالي هذا مستقبلي
وانت تعرف اني ملطلطه ع كولتك لا ام ولا اب على الاقل راتب اعيش منه يكون عندي ماابقه استجدي منكم تالي عمري
أنت تقرأ
دولة عشق
General Fictionالقصه تتكلم عن العلاقات العائليه والعاطفيه وايضا عن الحب الذي يولد بظروف صعبه ويكون حب يتصف بالتضحيه بالذات مقابل راحت المحبوب وحب مادي غير معنوي يتصف بخذلان الحبيب ابطالنا عاشو القصه ووصوفوها بطريقتهم يارب تستمتعون معهم لنبدا الرحله معهم
