دولة عشق

١٤

ام محمد الجبوريه
دولة عشق

ليث طلعت من المخزن اجيت امشي سمعت ابن عمتي سعديه عمار يحجي ويه ورد

رزلته شتريد منها وكتلها دخلي جوه

اني ليث الولد الوحيد لابوي وامي

ابوي من الفوارق المظحكه مزوج ٤ مخلف بس ٣ هيه لو اربعه نكول كلو وحده مهدف مره وحده 😂

حنين الي عمري ماشايفها بس اسمع بيها وابوي دوم يوصيني عليها حتى اكثر من رناد يكلي اذا متت حنين بامانتك
يعني احنه اخوه ٣ كل واحد من ام

مرته الرابعه وهيه حامل اتخربطت لمن وصلو المستشفى طلع عدها واحد من المبايض مفجور الطفل مات والرحم قلعو

اني من وعيت على الدنيا حبيت بت عمي ورد جان عمري ٨ سنوات وهيه اسجلت بالمدرسه وعود اني الجبير اخذها ورجعها وياي ومن اشوف احد ياذيها ماكو تفاهم اسحله

الجنطه مالتها مايوم تركتها تحملها
يوميتي اخلصها عليها

شكد افرح من جانت تكلي احبك ليث
عبالك تنطيني جائزه وهيه طفله حبها يختلف يعني تحبني برائه
واني هم بس من كبرت لا حبي اختلف

ورد فرق كثير بينها وبين اخوتها
لهذا تعلقت بيه اكثر

صح رناد اختي جانت اكبر منها بسنه
بس امي تبعدني عن رناد ابد ماقربتنا

ماحبيتها مغروره وخاصه جدي مدللها زياده بس من كبرت فهمت ليش جدي مقربها اله
رناد امها ميته وابوي مايسأل عليها اصلا

هو بالاصح مايسأل علينه اثنينا بس حنين عقله يمها كلشي حنين فكره بدراسه حنين شكد نقهر من ماطلعت طبيه وهو حلمها مثل مافهمني بس هيه ماقبلت تدخل دروس ابد من هيه زغيره
اخذلها بيت وسجله بسمها
فلوس يدز الخالها

حتى لمن عرف تريد طبيه حاول بكل جهده بس خالها كاله ماتقبل تدخل دروس

وانت تعرف اني عايش ع الراتب والمحلات اني واخوي اذا ادفع ملاين
يصير سؤال وجواب وراح تعرف امها انت الي ادز فلوس

تركها على هواها

اني ناوي ع الطبيه مااعرف يمكن اريد اسرق حلم حنين لو اريد اثبت لبوي اني احسن
من صار عمري ١٢ سنه فهمت امي حاقده ع اخواتي وخاصه حنين بدون ماشوفها  بديت اقرب رناد الي صدك اخت وحبيبه من رادو يزوجوها الجابر اتصل بيه ابوي طلعناه اني وفهد وحافضنه ع السر

من صرت ١٣ صرت اتبع جابر مثل ضله حتى كلها
تكول يشبه جابر بكلشي

جابر فهمني ليش امي تكره الكل وخاصه رناد

لان ابوي ازوج ام رناد عليها

بس ماقتنعت بعدين بقيت ابحث ع الحقيقه
وعرفت كلشي