دولة عشق

٢٠

ام محمد الجبوريه

دولة عشق

كنان :عقلي وكف منو هذا وليش هيج يعلق
دخلت ع الصفحه ماكو شي يخليني اعرفه
كلشي مزيف
دخت
ياربي دخيلك استرها ويانا

اني خايف من كفاء لان الحد هسه ماحصلت خبر عنها

حسيت نفسي دخت هم من التفكير وهم من التعب والنعاس

رحت نمت يم الجهال وحنين بعد ماتاكدت من البيبان والكلوبات الزايده طفيتهم
حنين نايمه وبحضنها مينا وايهم بصف مينا اجيت اني نمت يم ايهم وحضنتيه
ياربي احرسهم بسور من عندك
سقفه محمد واركانه الحسن والحسين وابوابه علي واقفاله الف الف باب
يادافع البلاء ادفع عنهم البلاء بحق
فاطمه وابيها وبعلها وبنيها والسر المستودع فيها
جنت اسمع امي تقره هذا الدعاء على روسهم
وهسه اسمع حنين تقرا
باوعت الحنين
اوف شوكت تحنين عليه
فدوه الهذا الوجه
وبدون شعور مني ايدي راحت ع خدها

ماحسيت اله نايم كعدت ايهم ومينا يضربون ع وجهي وايهم يكلي بابا ادعد
ومينا تظرب ع وجهي وترجع تبوس لمكان الي ضربته  اني
كاعد بس اريد اشوفهم شيسون
مينا كامت تهلس بشعري العرمه
وايهم يكلها عوفي نام ويسحل بيها
كعدت سحبت مينه بحضني واعضعض وادغدغ بيها
وايهم يريد يسحبها مني
يكلي خطيه اني مو هيه
بعد عمري الزلمه من هسه يدافع عن اخته
ويذب السالفه براسه

حنين :يالله عيني صح النوم الساعه ب١٠
حاجتني وهيه جايبه الريوك وخلت الصينيه ورجعت اجيب الجاي
رحت غسلت ورجعت لكيتها توكل بالجهال

سحبت ايهم يمي وكتلها اكلي اني اوكل ايهم

كملنا كمت بدلت كتلها

عيني اليوم ماارجع لليل اقفلي الباب ولا تفتحي ابد اله اشوفين منو بالكامرات

حنين :ليش لليل مو من عوايدك تتأخر هيج

كنان :ياعيني صار ٣ ايام تارك المعرض
والغسل مااعرف شنو ماشنو
اكمل شغلي وهم عندي شغله يم ولد صاحبي بالكي اخلصها اليوم
واسوك للبيت
حنين :اي هم صحيح لبيت فارغ
وعفيه من تجي حليب مو تنسه الي عندي يمشيني اليوم
مديت ايدي وكرصتها من خدها
معدله مريتي ماتنسه شي
شفتها رفعت حاجبها وعوجت حلكها ماعاجبها كلامي
ضحكت وكتلها يالله حبي في امان لله
حنين :الله وياك
طلع كنان قفلت البيت وحتى الشبابيك قفلتهم
وشغلت الكامره ع الشارع
والجهال انطيتهم ايبدات مالتهم
كملت شغلي وطبخت لجهال شوربه
واني هم اكل وياهم احبها كلش
هاي الشوربه خالتي جانت اسويها تمن عنبر ومي طماطه وتثرم بصل ناعم وكرفس ناعم وبتيته ناعمه اذا مو عضام خلي عليها  اجنحه مال دجاج  تطلع اجنن وكلها فوائد لطفل
وسويت تشريب احمر
خاف يرجع كنان لو يجي احد

ورجعت كعدت يم الجهال
اكلب بالمبايل
ماعرف ليش دخلت ع صفحة كنان
شفت المنشورات الي ناشرهم هو وايهم
فدوه يخبل بالشماغ والعكال
تالي عفت المبايل
ورحت صبيت شوربه وجبت وياها صمون
كعدت وكلتهم واكلت وياهم
جانت تقريب الوحده الظهر
من كملو اخذتهم  للحمام كبل غسلتلهم وبدلتهم وفرشت بالصاله ونيمتهم وانطيتهم مماتهم
شويه مينا نامت وايهم يغفي
شفت بالكامره بيبي اجت هيه ورنا
كمت بسرعه فتحت الباب قبل
لا يدكون الجرس ويكعدون الجهال
دخلو
رنا :يمه منج مسويه البيت مال نوم
لا شبابيك ولا بردات
حنين :رنا والله اخاف من ابقه وحدي البيت يخوف اسدد كل البيبان والشبابيك
واخنس اني والجهال
بيبي ليش ماترجعين هنا يمنه فدوه