الفصل (14)
في البيت
بعد يومين خرجت والدته نور من المستشفي
نور...ها كده مرتاحه
زينات..بهمس ايوه ،فين سليم
شمس..بارتباك في الشغل
زينات...طيب
نور...أنا همشي ياماما عشان الحق الشغل قبلت رأسها ورحلت شمس لو حصل حاجه كلميني وانا هتابع معاكي التليفون مع السلامه
......
هديه..يلا ياحبيبي هتتاخر
حسام...انا همشي عاوزه حاجه
هديه...مش هتفطر
حسام...لا هفطر في الشغل دماغي مصدعه ومليش نفس
زهره..بخبث مصدعه اوووي يا ماما
حسام..بنظره زاجره
زهره...عارفه ياماما السهر والتفكير بيتعبو خصوصا اللون الاسود
هديه...سهر ايه واسود ايه
حسام...خبط زهره علي رأسها ول حاجه ياماما بنتك هبله
زهره..اشارت لحسام لكي ينحني لمستواها هتجبلي شكولاته ول اسيح ليها ع وقفه البلكونه
حسام...استغلاليه حقيره
زهره...ياماما
حسام...خلاص هجيب منك لله ياظالمه
هديه...بتتدودو علي ايه
زهره..ولا جاحه ياماما
حسام...مع السلامه
هديه..بت ياموكوسه
زهره...بت وموكوسه في جمله وحده طب احترميني طااا
هديه...اتنيلي اقعدي
زهره...طيب
هديه...مالو اخوكي
زهره...مالو يا ماما مااهو شحط قدامك اهو
هديه...بت بلاش تلفي مالو
زهره...هتكتمي السر ول هتعرفيه ويعلقني
هديه...التقطت الشبشب ،هتنطقي ول
زهره... هنطق يولع بقا الأخ عاوز يتجوز
هديه...لووووولي
زهره...ههههههه أم غريبه
هديه...رمت الشبشب اتجاها انا غريبه طب تعالي
زهره...لا ياحاجه متاخديش في بالك بصي اوعي تعرفي ابنك عشان هتشربي قهوه عليا
هديه...القت الشبشب الاخر أمشي من وشي
زهره..انا طالعه لنور ورحمه سلام
هديه...بعد رحيل زهره ربنا يفرحك يابنتي ويرزقك الزوج الصالح
زهره..ادخلت رأسها من الباب سمعتك ياحاجه بس احيات عيالك اشيخه ادعي بضمير
هديه..يلا يابنت
زهره...اغلقت الباب مسرعه
.....
في شقه رحمه
زهره...يا أهل البيت افتحو
هدي...مالك يابت ع الصبح اتهدي
زهره...قبلت خدها في ايه ياجماعه مش طايقيني ليه طااا فين رحمه
هدي..ادخلي
مريم...زهه«زهره»
زهره...اقتربت تحملها قلبي ياناس
أحمد..انتي كدابه يازهره
زهره..ليه ياحج احمد
احمد...انتي قلتي انا قلبك ودلوقتي بتقولي روما قلبك انتي عندك قلب واحد
رحمه..أتت تضع الفطار شوفي ياستي اهو هيطلع لمض لزهره
زهره...ياحبببي
احمد..أنا مش حبيبك روما حبيبتك بس
زهره...بضحك ههههه خراشي ياناس،لا حبيبي
احمد..ممممم
زهره...انت وروما حبايبي بس امك رخمه
أحمد...مؤيد زهره ايوه
رحمه...عليه العوض عيالي هيبوظو بسببك
زهره...يلا روح العب مع روما ، ووجهت نظرها لرحمه نور قالت أنك مبوزه ليه ياختي
هدي..بطلي دوشه وكلي وبعدين نتكلم
زهره..جلست بجوارهم هاكل واتكلم عادي ها
رحمه..اخبرتها بالمحضر
زهره..هتعملي ايه
رحمه..نور هتشوفلي محامي
زهره...ايه رأيك اخلي حسام يكلموا يمكن يقنعوا
رحمه...بلاش عشان ميحصلش مشاكل
.....
أمام الشركه
نور..نزلت من التاكسي مسرعه الو
رحمه..ايوه
نور...أنا حددت معياد مع المحاميه الساعه 5 وانتي هتقابليني ف•***،اتصدمت بشخص اااه مش تفتح ايه الغباء دا
غيث..رفع حاجبيه غباء انتي الي ماشيه مش مركزه وبتتكلمي ف التليفون
نور...بعصبيه وانت مالك اركز ول مركزش وفرت سريعا
غيث...بهمس مجنونه
....
نهي...افندم
نور.. انا نور مندوب الضرائب
نهي.. اتفضلي
نور..شكرا
نهي.تشربي ايه
نور...كل حاجه
نهي..ثواني هبلغ مستر ليث
نور..حركت رأسها .انشغلت بالهاتف
نهي...مستر ليث
ليث...نعم
نهي.... موظفه الضرائب بره
ليث...خلي يدخل
نهي...يافندم تقصد خليها
ليث...هي ست
نهي...ايوه
ليث..رقع هاتفه انت يازفت
الساعي...ايوه
ليث...انت مش قلت اسمو نور
الساعي..ما انت حضرتك قفلت قبل ما تعرف انها وحده
ليث...اووووف واغلق الهاتف ،ستات ايه وزفت ايه
نهي..يافندم
ليث...خليها تستني غيث انا مش فايق لدلع وقرف
نهي..رحلت معقد وغبي ،أمام المكتب حضرتك هتستني مستر غيث
نور..رفعت حاجبها باستفهام
نهي...المدير التنفيذي لشركه
نور...بضجر ازاي هو مفيش معياد انا عندي شغل
نهي...يا مدام معلش هو داقائق ويكون هنا
نور...بهمس انا مالي ومال الشركات وزفت والله لطلعو عليك
غيث...في ايه وايه الدوشه دي
نهي...مدام نور يافندم موظفه الضرائب
نور..رفعت عينها
غيث..انتي
نور..انت
غيث...اتفضلي علي مكتبي ورحل قبلها دون انتظار
نور...نظرت لنهي
نهي..اخر الممر علي اليمين
غيث..دخل المكتب وجلس باريحيه
نور...دخلت دون رد
غيث..باستفزاز مش تقولي سلام عليكو
نور...وقد نفذ صبرها دون رد
غيث... مد يده ليسلم عليها
نور...جلست وقالت بسماجه مبسلمش وحينها دخل حسام
حسام...يمسك الملف غيث المفروض،وفع عينه نور بتعملي ايه هنا ومد يده
نور...قامت وصافحته عندي شغل انا موظفه الضرائب
غيث...واضح أنكو تعرفو بعض
حسام... نور جارتي وزميله اختي وبعدها اخبره بأمر الملف ورحل
غيث..تمام ..وببرود واضح أنك مبتسلميش
نور...فين الملفات.
.....
نكمل بكره بقا
....
بقلمي
رانيا صلاح
أنت تقرأ
الأنثي والغريب ،«مُكتملة»
Misterio / Suspensoأقوال مجتمع سادي ____ معاناة الأنثى في المجتمع،وكيفيه نظره الجميع لها بداية من الآنسة ونهاية بالأرمله ..،حياة مصرية لما يحدث في منازلنا.
