البارت3
🌸💗روايات سجو💗🌸
🌸حياة مظلوم 🌸
طلعت و سكرت الباب
سلوى :- احسن،، امشي افتكينا منك😏
(بابا تلفت و لقي المالقي متع المية محطوط فوق الطاولة)
بابا :- و هذا المالقي شن وصله هني 🙁
سلوى :- اه اه 😳 هذا اه هذا اني كنت نشرب
بابا :- 😒 (خش الدار و سكر الباب بقوة)
____________________
اني (ماشي شاد الشنطة😔 و نكر فيها و ناس كلها تشبحلى ، وقفت تاكسي 🚕و كان املي الوحيد هو عمتي فاطمة ، المهم اوصلت لحوش عمتي فاطمة ، رحبت بيا و ماقصرت 🙏)
عمتي فاطمة كيف لبست عبايتها و ماشية لبابا 😡
اني :- وين ماشية يا عمتي 😟
عمتي فاطمة :- ماشية للفعة الي اسمها سلوى والطرطور الي معها 😤
اني :- خلاص يا عمتي انسي ، اصلاً بابا كان يحبني مفروض لحقني و ماخلنيش نمشي بروحي 😢
عمتي فاطمة :-تي و الله لما نوريه،،، وتو يشوف
اني :- عمتي بالله عليك خلاص
عمتي فاطمة :- به مش ماشية لكن والله ماني مبردتهاله ال......... شن بقول فمي توا
عمي محمود :- اهدي يا فاطمة و تو نتفاهموا معاه بعدين ☹️وانت يا مروان هذا حوشك و اني و عمتك اعتبرنا من اليوم بوك و امك و انت ولدنا من اليوم
(مشيت احضنت عمي محمود نبكي 😭)
فاطمة :- مسكين هالوليد تعذب من صغره 😫
_____________________
اليوم لبعده مشيت اني و عمتي ، خديت ملفي من المدرسة و حطيته في المدرسة اللي بحدا حوش عمتي فاطمة ، المهم قريت ادكا اليوم و روحت
و لما وصلت للحوش ، نسمع في عمتي تعارك في بابا في تلفون و لما خشيت انهت الموضوع و سكرت التلفون ،
اني :- السلام عليكم
عمتي فاطمة :- و عليكم السلام كيف حالك حبيبي اليوم
اني :- باهي😔
فاطمة :- و شن جو المدرسة
اني :- حلوة 😔
عمتي فاطمة :- به الحمد لله ، برا غير حوايجك لابين ما جهزت صفرة الغدي
اني :- به
عمتي فاطمة :- اه حقا ميروو ، بكري عمك محمود جابلك كل حوايجك و كتباتك
اني:- شكراً 😔 (بعدين وليت وحضنت عمتي)
اني :- صحيتي عمتي كان مش منك،،، راني ملوح في الشارع توا
عمتي فاطمة :- حبيبي انت ولدي و كل شي في حياتي و لما ناخدلك حقك من اللفعة اديكا و تو تشوف
__________________
بعد ايامات مشت عمتي فاطمة لسلوى و عطتها طريحة عجنتها عجن 😂 وهيا طالعة دفلت علي خوها قالتلها عيب تكون راجل😎
المهم روحت عمتي للحوش و حكيتلي اللي صار و اني بصراحة فرحت 😁، صح بوي و صح المفروض مانرضي فيه شي بس هو عذبني هلباا 😩 و كل مانشوف اثر الحرقة💥 الي في يدي يزيد حقدي اتجاهه اكثر و اكثر 😡
_____________________
تسريع للاحداث ❤️🔥
قعدت مع عمتي فاطمة سنتين ، و بابا خلاص انسي ولده اللي اسمه مروان😢 ، و حتا كان تلقينا اندير روحي ماريتاش
وصل عمري 17 سنة ف قررت ندور علي عمل لكن،،،، من غير مانقول لعمتي ولا لعمي 🤐
وفي مرة مروح من المدرسة الثانوية اني و صاحبي على ،
اني :- علي اسمع اني نبي عمل
علي :- كيف تبيه يعني 🤔
اني :- تي اي حاجة ، محل ، مكتبة ، كوشة تي حتا محل خضرة عادي 😞
علي :- 🤔🤔 اهاا
اني :- شني 😯
علي :- صاحب عمي كريم
اني :- خيره🤔
علي:- عنده ورشة و اكيد مع الواسطة يخدمك.
اني :- بجديات 🤤🤤باللهي عليك قوله كان تعزني قوله 🤗
علي :- تي خلاص تم الموضوع 🙏اني اليوم نقول لعمي يتصل بيه و يشوفه☎️
اني :- به و بعدين اتصل بيا و قولي شن صار
علي :- تمام ، هي سلام
اني :- سلامات👋
____________________
أنت تقرأ
حياة مظلوم
Sonstigesاني مروان ولد حلو و طيوب 😍بس الدنيا ظلماتني هلباا ، و كل ما نحاول نطلع من مشكلة نطيح في مشكلة ثانية 😔و الهم اللي اسمه الحب زادني و كرهني في حياتي💔 🍒بنكون اني :- بطل الرواية🍒 الرواية :- حزينة😭 ، رومانسية من النوع المحترم ❤️ ( رواية بأختصار:...
