حياة مظلوم

🌸حياة مظلوم 13🌸

وبعدما جت روى لزهور
روى :- خيرك خيرك شن فيه خلعتيني😳
زهور :- هاك تفضلي شوفي الفيديو 😫
(روى بعد ما شفاته)
روى:- يا روحي😭 ، و اللهي يسخف بجد😩 ، هذا كله منك انتي😡 ، قداش ما نصحتك و قلتلك الولد مش متع الدوة هذي و حظرتك ما اقتنعتيش
زهور:- تي باه توا شن الحل😖
روى:- حبيبتي 😏اما حل هذا
زهور :- قصدي مع مروان
روى:- هه مع مروان 😏 حلوة حتا هذي😎 ، يا ماما متنسيش روحك متزوجة توا
زهور:-😢😢
روى:- انتي من هو اللي تحبيه اكثر معاد و لا مروان
زهور :- اه 😨😨
روى:- جاوبي
زهور :- اني اني 😰مش عارفة
روى:- امممم 😒انت تحبي مروان 😏 كان تحبي معاد اكثر راهو قولتلي من الاول مرة نحب معاد و متكونيش مترددة 😏ونقولك انتي زواجك و علاقتك بمعاد اساساً عبارة عن تفشيك علي مروان وبس 😏
زهور:- شوفي اني حبيت معاد بعد انفصالي بمروان😫 و اصلاً انفصالي بمروان كان لسبب مجهول و عرفت قبل عرسي بأيامات وبعدين قلت يلا نتزوج معاد مرات ينسيني في مروان و نفس الوقت قلت بزوجي بنخلي مروان يكهرني ومعش يحبني لكن للاسف لا
روى:- ايه و باه
زهور:- اني لازم نشوف مروان و نطلب منه يسامحني علي اللي درته فيه و ياريت تساعديني في الموضوع
روى:- كيف بنساعدك
زهور :- نبيك غدوة كان مشيتي الجامعة تقوليله زهور تبي تكلمك و نتلاقو في كافي و انت معنا طبعاً
روى:- به تمام 👍حقا من بعتلك الفيديو🤔
زهور :- اسمه ايهاب منعرفاش🙁
روى:- اهاا هذا ايهاب صاحب مروان
زهور :- اني مش رده عليه و اندير روحي مريتاش الفيديو😣 لكن انتي كيف عرفتيه صاحب مروان
روى :- زهور انت صح سيبتي مروان و معش تكلمي فيه و مش عاطيته وجه 😒لكن اني لا 😎قعدا نكلم فيه و معتبراته زي وخيي
زهور:- اممم باهي😒 المهم زي ما قلتلك غدوة
روى :- باه تمام تمام🤗خلاص اني بنمشي توا
زهور :- لا لا مفيش مشي لن نتغدوا مع بعض
روى :- لا لا مرة ثانية ان شاء الله
زهور :- اسكتي من غير نقاش
روى:- يا زهور لا لا فوتيها المرة هذي
زهور:- اسكتي 😠و هيا ننزلوا لوطى بحدا مرة عمي ، و بالله عليك متتكلميش على موضوع مروان لوطى ، تمام
روى:- تي باه تمام
زهور :- يلا ننزلوا
______________________
اني :- تي شن صار ردت عليك
ايهاب :- شبحت الفيديو لكن مردتش🤷‍♂️
اني :- معناها الكلب ادكا بحداها 😠
ايهاب :- و مرات هيا منبيش ترد
اني :- لا لا معتقدش
ايهاب :- زهور هذي توقع منها كل شي ، لكن متخافش يا برو اكيد حتتصل بيك
اني:- مش هامتني اصلاً
ايهاب :- ايوووا نشطلي روحك و خليك قوي متوريلهاش مزلت تحبها ، تمام حبي
اني :- خلاص اصلاً اني رسمي معش نحبها و عفتها بعدما تزوجت 😏 تو هيا تحسابني مزلت مروان الحنين و ألطيب ادكا
ايهاب :- آيووا المهم منوصيكش يا برو قيم القدر 😏اني توا بنمشي لحوشي ، بعد ماتأكذت حالك كويس و امورك تمـــام
اني :- علاش بتمشي و تخليني بروحي اقعد معاي😢 و اللهي تعودت عليك
ايهاب :- اممم🤔 مرات نجيك في الليل
اني :- مش مرات تعالا ضروري😠
ايهاب :- انت رسمي تحبيني و معتبرني صاحبك🙄
اني :- لا لا خطي مش رسمي 😆تي انت وخيي مش صاحبي بس 💙و اني ماعندي حد غيرك😍
ايهاب جي احضني :- ربي يخليك يا غالي💕💖💞
اني :- الحمد لله ربي رزقني بأخ يساندي و يوقف معاي في حياتي😍
ايهاب :- وعد مني 🤗مش حنخليك بروحك لين انمووت😍
اني :- صحيت يا وخيي يا غالي😘
ايهاب :- هههه مش حاسس انك من بكري وانت حاضني و اضغط عليا لن اعيوني قريب يطلعوا😏
اني :- هههه😅 اسف لكن هذا من كثر حبي ليك بس💖💕💞
ايهاب :- هههه عسلل عسل انت🤗
اني :- مش بتمشي ولا😏
ايهاب :- حي علي اللزان حي 😧 به اصبر علينا شوية يا خونا😕 بناخد تلفوني و مفتاح و طالع
اني :- ههه نبصر عليك 😅و نستني فيك بعدين
ايهاب :- تمام 😉رد بالك علي روحك حبي🙃باي
اني :- سلامات يا برو😍
______________________
زهور ، روىء ، زينوبة ، مقعمزين علي طاولة و يتغدو
زينوبة :- ديما تعالي تغدي معنا يا بنتي😍
روى :- صحيت يا خالتي☺️
زهور :- عجبك الغدي ، مدايرته عمتو😋
روى:- تسلم ايديها يهبل مشاء الله😌
زينوبة :- صحتين يا بنتي 😚كولي كولي ❤️كولي زهورة
زهور:- ناكل يا عميمة😍
(علي خشت معاد الصايع اللي لتوا قعدا معرفتش حقيقته زهور هانم🤦‍♀️)
معاد( يغني) :- الليل الليل كثر خيره لقيته حنون و خيرلي ...... صحة صحة😎
زينوبة:- تسكت و انت زي سكران😠
معاد :- اصلا من قالك اني مش سكران😎
زهور :- معاد😆
معاد:- هلا بريحة هلي 😍هلا
زينوبة :- اسكت تحشم بحدا الضيفة مداير العار😡
معاد :- وينها الضيفة 🤔 اهاا و الله ما ريتك سامحينا ههه😅
روى:- ههه عادي عادي😌
زهور :- معاد هذي روى صاحبتي 😍اكيد ريتها معاي في الجامعة
معاد :- نذكر فيها نوعاً ما😎
زينوبة:- تبي تتغدا😒
معاد:- مش توا بعتالي يا مامي
زينوبة :- تمام
معاد :- يلا سلامات بنمشي نرقد 😎
زهور :- برا روحي😍
معاد راكب الدروج و يغني
زينوبة :-كان حد شافه بالحالة هذي يقول واخد حاجة و لا سكران😤
زهور :- هههه سلمته مودي😍
روى:- ههههه🙂
زينوبة :- ههه حالته حالة😡
______________________
اني :- ووواك😔 خليت مكانك يا ايهاب كنت مالي عليا الحوش 😫 لكن يلا ! تو نطلع و نغير جو
{ مشيت الجردينة و نصورفي بث مباشر ، خطمت بحدايا بنت صغيرة عمرها في حدود9 سنين ، و قعدت تشبحلي سكرت البث و قعدت نشوفلها و مستغرب و حسيت روحي نعرفها 🙄و مشكلة البنت فيها شبه كبير مني 🤔
و صدمة مش هني ، نسمع في راجل ينادي عليها
راجل :- لينا تعالي بابا
اني :- لينا 😨
( زي ما يقولو الدم يحن )
و فجاءة نتلاقا اني و راجل هذا
راجل :- مروان😳
اني :- بابا 😮هه باه اللي عرفتني ،
راجل (خالد ):- كيف حالك
اني :- هه😏 مش لازم تسألني علي حالي مادمك مخاليني و مش معدل عليا
بابا :- و الله اشتحشتك و نتمني نهدرز عليك
اني :- هه علي شن بنهدرزو😒 اه علي شني ؟ علي لزانك ليا و و لا علي اهتمام الزائد بيا و لا علي عمتي فاطمة اللي ماتت بالقهرة و لأعلي شن بنهدرزو 😒اه رد عليا خيرك سكتت
لينا :- من هو هذا يا بابا
بابا :- 🤐🤐
اني :- رد عليها خيرك سكتت ، قوللها هذا خوك اللي عمري ما فرحته و حستته بشعور الابوة حتا لما كانت امه حية😠 و قوللها هذا خوك اللي لزيته زي الكلب برا و من يومهاا معش سألت عليه ولا دورته😠
لينا :- قصدك انت خويا😨
بابا :- ايه هذا خوك😔
لينا :- به خيرها ماما متقولناش عليك🤔
اني :- هه 😏امك
بابا :- اسكت به قدام البنت☹️
اني :- اصلاً اني ساكت من يوم اللي خليتني فيه امتى تكلمت و لا فتحت فمي😖 و اني ماشي باش ترتاح
( مشيت و خليته و لينا مش مصدقة اللي صار قدامها)
لينا :- هذا خوي
بابا:-ايه و بري كملي لعبك مع داني خير ما نقولك هيا انروحوا
( لينا مشت جري ل داني )
لينا :- داني يا داني
داني :- نعم😩
لينا:- توا ريت خونا
داني :- ااااه😳 قصدك مروان
لينا :- حتا انتا تعرفه 😮و ما قلتليش عليه
داني :- ايه😧وينه وين مشي
لينا:- مشي من اديكا الجهة
داني ( مشي جري باش يلحق عليا )
اني ( كيف بنركب في السيارة)
داني :- مروان يا مروان😯
اني ( الصوت مش غريب عليا 🤔لما نتلفت نلقاه داني )
اني:- داني😧
داني :- مروان😮 اشتحشتك
وجي حضني💖
اني :- داني مشاء الله كبرت😍( عمره 12 سنة )
داني :- اشتحشتك يا مروان و اللهي قداش ليا ندور في رقمك ما حصلتاش و ديما كنت ندعي باش نشوفك😘
اني :- عارفك عارفك يا داني😊
داني( قاعد حاضني و يبكي ) :- و الله اشتحشتك يا مروان😅
اني :- حتا اني يا وخيي😍
علي جيت لينا و قعدت واقفة و مستغربة🙄
داني :- لينا لينا تعالي سلملي على مروان هذا خونا الكبير😍
لينا( جت جري و حضنتني💛 ) :- انت خوي الكبير
اني ( خلوني نبكي من الموقف😭)
لينا :- خيرك تبكي🤔
اني :- لا لا شي فرحان بشوفتكم😍
داني :- حتا احني 😍مروان اعطيني رقمك باش ديما نتصل بيك
اني :- تمام سجل عندك
بابا( يدور في لينا و داني )
داني :- خلاص تو نتصل بيك ديما يا مروان هيا باي😍
لينا :- باي يا مروان😘
اني:- باي😍
( ركبت للي سيارتي و نبكي من الموقف اللي صار)
_______________________
عند ايهاب
طق طق طق
ايهاب :- باهي
فادي :- باه اللي عبرتنا شوية
ايهاب :- شن جاي تبي مني😒
فادي :- متخافش يا برو اني جيت نبي البضاعة اللي عندك بس 😎
ايهاب :- اني معندي شي😏
فادي :- كيف معندك شي 🤔و اخر مرة شرينا مع بعض البضاعة هلباا
ايهاب:- هههه بضاعتك هذي ، مشيت احدفتها في البحر😇
فادي :- شني😳
ايهاب :- شني معش تسمع ، قتلك لوحتها في البحر ، برا دور عليها 😏
فادي :- حي علي غبو حي🤦‍♂️ ، تعرف قداش تجيبلك البضاعة هذي لو بعتها 😒
ايهاب :- ميهمنيش قداش تجيب 😒و لو سمحت اني نحس في راسي صداع و نبي نرقد
فادي :- تلز فيا قصدك
ايهاب:- 🤗زي ما تبي تفهمها افهمها يا برو
فادي :- تمام يا ايهاب ، اوكي
ايهاب :- مع السلامة
(خش و سكر الباب بقوة )
ايهاب :- حيوان الصايع متع المخدرات 😡 امشي سحيقة زي ما قالت جداي 😂 اه ميرو مكلمتاش ؟ زعما شن ايدير توا
_______________________
روحت الحوش و فرحان هلبا بشوفت خوتي الصغيرين
ترن.ترن ترن
اني :- ايو🤗
ايهاب :- حبها تي وينك😍
اني :- كيف خشيت الحوش 🙂
ايهاب :- تطلع و متقولش هكي يا برو🙁 تي باه باه
اني:- طلعت و صارلي موضوع فرحني هلباا💛
ايهاب :- اووو شن هو الموضوع ؟ متقوليش تلقيت مع اديكا الكلبة و هزبتها😁
اني :- تي لا لا 😂اليوم تلقيت مع خوتي الصغيرين
ايهاب :- بجديات😮
اني :- ايه تعالا بعدين و نحكيلك اللي صار بتفصيل😍
ايهاب :- باهي مية ميه 👍هههه و بنطيبلك بيتزا اليوم
اني :- ههه شني يا برو خشينا حتا علي بيتزا😁
ايهاب :- ههه😅 لا لا من زمان اندير فيها
اني :- اه به به غير تعالا بكري باش اطيبها بكري و نتفرجو عل الفيلم الرعب👻 في عقاب الليل
ايهاب :- تي مية مية شوية و نجيك🙂
اني :- باه تمام 👌يلا سلامات دير بالك علي روحك
ايهاب :- سلام يا غالي😽
_____________________
عند زهور
معاد :- زهورة خيرك زعلانة😳
زهور (سرحانة):- اه شن قلت😟
معاد :- قلتلك خيرك😕
زهور:- لا لا مافيا شي😟
معاد :- اهاا به به
معاد :- تعالي ننزلو لوطى
زهور :- لا لا برا انزل انت اني نحس في روحي بنرقد
معاد :- به باي😐
زهور :- باي
زهور في خاطرها :- غدوة شن بنقوله لمروان🤔 ؟ اسفة علي الل صار😖 ؟ و لا اني زي الغبية مصدقتكش😩؟ و لا اني مزلت نحبك💔؟ و لا شني ياربي😰 ؟
________________________في الليل
ايهاب :-شن رايك في البيتزا يا غالي🤔
اني :- بسم الله مشاء الله الحق😋
ايهاب :- صحيت و الله ارفعتلي معنوياتي شوية😌
اني :- هههه😂
ايهاب :- هههه😆
ايهاب :- كلماتك اديكا المعفنة
اني :- مني زهور
ايهاب:- ايه
اني :- لا لا اصلاً مش محتاج اتصالها تمشي تملح 😒
ايهاب :- و الله صدقت 😏
_____________________
اليوم اللي بعده اتصلت بيا روى
اني :- اهلين روى كيف حالك
روى:- الحمد لله كيف حالك انت
اني :- تمام🤗
روى:- مروان عادي نتلاقو اليوم في كافي نبي نتكلم معاك😟
اني :- اوكي لكن شن السبب🙁
روى:- امممم 😐بتجي معاي زهور و تبي تقولك حاجة
اني :- اممم زهور🤔
روى:- ايه زهور ، شن قلت😬 ؟
اني :- اوكي تمام👍
روى:- خلاص نتلاقو في كافي *****ساعة اربعة و نص
اني :- به🙏
______________________
عند زهور🌹🌺🌸
زهور :- ايو روى شن صار😟
روى:- قال باهي
زهور:-به ساعة قداش نتلاقو ؟
روى:- ساعة اربعة و نص في كافي****
زهور :- باه تمام ، مع 3:30 اخطمي عليا😌
روى:- تمام
زهور :- يلا باي😘
روى:- باي❤️
(زهور سكرت التلفون ومشت لمعاد )
زهور:- مودي😍
معاد :- اه زهورة😏
زهور:- روى اتصلت بيا قالتلي تمشي معاي للسوق بنشري شوية حاجات🙄🙄 نمشي معاها عادي
معاد:- امم عادي بري زهورة 😎 هذه صاحبتك و لازم توقفي معاها لما تحتاجلك و لما تطلب منك حاجة🤗
زهور:-وووووي 😃 انت عسل عسسسسسل ❤️صحيت. يا احلا مودي
معاد:- هههه😄 عفواً
______________________