🌸💗روايات سجو💗🌸
🌸حياة مظلوم 🌸
البارت 4
اني :- السلام عليكم 😳
محمود :- مروان😨
اني (في خاطري نقول حي ام علي الفضيحة🤦♂️)
عمر :- تعرفه هذا يا محمود🤔
محمود :- هذا ولد نسيبي و اني نربي فيه
عمر :- مروان قصدك محمود راجل عمتك اللي يربي فيك
اني :- اي
محمود :- باهي علاش هكي يا مروان😩 ، اني نقصت عليك حاجة ، خاطرك في حاجة و ماخديتهالكش غير بيقولوا الناس مقصر عليه 😤
اني :- لا يا عمي انت موفرلي كل شي و اني ما يهمنيش كلام الناس😎
محمود :- به علاش ؟ ولا متقوليش لفلوس تبي ادير بيهم حاجة ثانية😡 ؟
اني:- زي شني يا عمي ☹️
محمود:- مخدرات دخان حشيش😡
اني :- عمي انتا تربي فيا و قاعد عندك اكثر من سنتين و تعرفني مليح مش تع الكلام هذا 😌😌
محمود :- و هذي المشكلة اني نعرفك😡 باه قولي علاش تخدم و مسيب قرايتك فهمني😡
اني :- لا لا مش مسيبها القراية ، نمشي نقرا بعد نجي هني و نخدم و نروح
محمود :- اخ يا ربي علاااش 🤦🏻♂️
عمر :- خلاص برا شوف شغلك يا مروان ، و محمود تعال المكتب بنتكلم معك
(خشوا المكتب و احكي عمي عمر الموضوع كله لعمي محمود و بصراحة عمي محمود تأثرهلباا من حكاية خدمتي و بعدين طلعوا من المكتب )
محمود :- مروان يا مروان😒
اني :- نعم يا عمي😔
محمود :- هيا تعال بنروحوا
اني :- مكملتش شغلي يا عمي 💁♂️
عمر:- برا مع عمك يا مروان ركبنا في السيارة
( و احساسي كان يقولي ان عمي محمود قال لعمي عمر معش تخدمه عندك )
اني :- 😔
(وصلنا الحوش ، خشيت لداري طول حتى ما نسلم علي عمتي ، سكرت الباب بالمفتاح و رقدت ، و في المغرب نسمع في عمتي طق على الباب)
فاطمة :- مروان مروان
اني :- ايوا😒
فاطمة :- نوض مغرب ، نوض صلي المغرب و كول حاجة يا ولدي
نضت و اني نفكر هل عمي محمود قال لعمتي او لا 🤔؟
صليت المغرب و فتحت الباب و طول للكوجينة باش ميشوفني حد
فرح :- مروان
اني :- اه فروحة خعلتيني😬
فرح :- ههه خيرك😁
اني :- لا لا شي ، وين عمي و عمتي
فرح :- بابا مهناش و ماما في الصالة
اني :- اه باهي😔
فرح :- قالتلي ماما لما ينوض مروان نديهولي
اني :- اه نديهولي 😳 باهي قالتلك شن تبي مني ؟
فرح :- لا لا و الله منعرف🤷♀️
اني :- به تمام شوية و نمشيلها
(مشيت لعمتي و لقيتها مقعمزة)
اني :- السلام عليكم
فاطمة (جت حضنتي بقوية) :-اخ خوفتني عليك يا يا وليدي
اني :- عمتي خيرك شن فيه 🙁؟
فاطمة :- علاش مسكر الباب دارم من بكري خوفتني عليك😢 ؟
اني :- تي ما فيا شي يا عمتي بس كنت راقد😩 شوية
فاطمة :- به به و مرة ثانية معش تعودها يا ولدي خوفتني عليك
اني :- تمام ،،،عمتي
فاطمة :- اه حبيبي🙂
اني :-قالك عمي محمود حاجة
فاطمة :- اي قالي ، شن قصتها الخدمة هذي😒
اني :- خدمة ورشة عادية يا عمتي
فاطمة :- باه علاش مقلتش نخدم من الاول😒 اني كنت حاسة فيك حاجة ، كل يوم تتهرب من الحوش زعميتك ماشي لصاحبك علي و انتا ماشي تخدم ، و حسيتك تغيرت هلبا بس ماحبيتش ندخل و قلت مرات من ضغوطات الامتحانات و انتا ماشي تخدم و فاتحلي ورشة🚗⚒🔧
اني :- يا عمتي افهموا عليا اني نبي نعتمد على روحي و نصرف علي روحي😢 ، اني نبي نتعود علي خدمة من صغري الله غالب ربي معطنيش الاب و الام اللي يصرفوا عليا صح انتي و عمي و الله ماكم مقصرين معاي في حاجة😓 بس يا عمتي فيه فرق كبير لما تكون مع امك و بوك و يصرفوا عليك و لما تكون مع عمتك و عمك 😭😭بالله عليك يا عمتي افهمي عليا
فاطمة :- لكن يا ميرو انتا وليد خوي زي وليدي😢 ، حنصرف عليك و مش حنقصر معاك في شي مادمت حية😍 ، صح مش حناخدوا مكان امك و بوك بس الله غالب 😔ضروف
اني :-صحيتي يا ميمتي ❤️مش يا عمتي
فاطمة :- الله عاودها تاني ميمتي😍❤️
اني :- يا ميمتي يا حنينة❤️
فاطمة :- محلاها من فمك زي العسل 🍯
اني :- ربي يحفظك و خليك ليا
فاطمة :- سلمه وليدي الحلو ،، تعالا اعطيني بوسة
اني :- عمتي اني كبرت شن بوسة🙁
فاطمة :- انتا في نظري قاعد ميرووو الصغيرون
اني :- عمتي
فاطمة :- باه خلاص 😂
اني :- عمتي😔
فاطمة :- نعم
اني :- بنقولك على حاجة 🙁
فاطمة :- خير ان شاء الله 🤔
اني :- بكري عمي محمود حسيته فهم خدمتي بالغلط😢
فاطمة:- كيف يعني🤔
اني :- حسيته يحسابني نخدم باش نشري مخدرات و هكي
فاطمة :-هو قالك هكي😐
اني:- اي ، و الحق زعلت منه هلباا 😣
فاطمة :- متزعلش منه ، هو خايف عليك بس و متنساش الموضوع جاه فجاءة و مسكين معش فهم شي
اني :- اي بس هو. لتوا قاعد يحسابني نخدم علي خاطر هالشيء☹️
فاطمة :-لالا عمك عمر قاله على كل شي متخافش
اني :- اهاا به الحمد لله
فاطمة :- لكن من اليوم انسالي موضوع الخدمة 😎
اني :- لا يا عمتي بالله عليك😲
فاطمة :- بالله عليك انتا يا مروان انسالي هالموضوع😤
اني :- بي يا عمتي😨
(علي خشت عمي محمود)
محمود :- السلام عليكم😍
فاطمة :- و عليكم السلام تعالا يا محمود
محمود:- اه شن فيه🤔
اني :- عمي انتا بجديات مش موافق علي خدمتي😦
محمود:- اي يا ولدي مش موافق انتا مزلت صغير و مزال بكري علي خدمة☺️
اني :-😔😔
محمود :- مروان سامحني على خاطر خيبت ظني بيك بكري😔
اني:- عادي يا عمي ماصار شي 🙂باه عادي نكمل الخدمة🤔
محمود :- لا😎
فاطمة :- لكن اتفقنا علي شي
اني و عمك😔
اني :- شن هو😮
فاطمة :- انتا توا في الثانوي ، و لما توصل لجامعة علي راحتك ادكا الوقت تبي تخدم او لا
اني :- بجديااات 😍
محمود :-ايه علي راحتك😉 و يكون في علمك اني و عمتك زي بوك و امك و حنصرفوا عليك لن تبدا شيباني 😂
اني :- 😂😂
فاطمة :- و زعما بنقعدوا الى ادكا الوقت 😂
اني :- بعيد السوء عليكم ، ربي يطول في عمركم و يخليكم لينا😍 ، اني و اختي فروحة😉
فاطمة :- حبيبي😍
محمود :- ربي يحفظك يا ولدي😍
اني :- ويحفظك يا عمي ☺️☺️
أنت تقرأ
حياة مظلوم
Casualeاني مروان ولد حلو و طيوب 😍بس الدنيا ظلماتني هلباا ، و كل ما نحاول نطلع من مشكلة نطيح في مشكلة ثانية 😔و الهم اللي اسمه الحب زادني و كرهني في حياتي💔 🍒بنكون اني :- بطل الرواية🍒 الرواية :- حزينة😭 ، رومانسية من النوع المحترم ❤️ ( رواية بأختصار:...
