🌸💗روايات سجو💗🌸
🌸حياة مظلوم🌸
البارت 9
مشيت الكافيتريا بناخد قهوة
عشان راسي بيتفجر من الصداع و منسرح الدكتور🤕
خشيت الكافيتريا خديت طاسة الكافي☕️ و نتلفت و نشوف الصدمة 😳اللي ما كنتش متوقعها ابداً ابداً😩
زهور مقعمزة مع ولد عمها معاذ و يهدرزوا و مدايرن جو رومنسي كأنهم في مطعم سبع نجوم و الاخ ينكت و هي قريب تموت من الضحك و واضح عليهم مرتبطين و في علاقة حب
قعدت نشبحلها عيوني دمعو 😢و فجاءة ماندريش على روحي طاحة مني الطاسة كافي 😰 طلعت من الكفيتريا مقهور و زعلان و عيوني يصبو دموع و مشيت الحمام قعدت نبكي بصوت حتى اللي خشوا التوليت لاحظوا فيه حد يبكي المهم طلعت من تواليت و ماشي بنروح😔 و لما وصلت باب الجامعة نتلقى مع معاذ😕 (لكن هو ميعرفنيش عشان زهور محكتلاش عليا🤷♂️ و لا عمره شبحنا مقعمزين مع بعض😶 )
شفته وقفت في مكاني😶 و قعدت نشوفله بغضب و كان نلقى نعطيه طريحة 😡
معاذ لابس نظارات الشمسيات😎 :- فيه حاجة يابرو خيرك تشبحلي قريب تاكلني🙁
اني :- اني شبحتلك توا😒
معاد:- لا لا نتخايل باهي 😐شن العالم العبيط هذا😏
( غير مش على وعيي😵 و لا كان هذا راه عطيته طريحة على كلمة عبيط😡 )
و كيف بيمشي رن تلفونه
معاد :- ايوا زهورة روحي😍
لا لا قاعد في الجامعة🤗
ايه توا نجيكم بعدين في العشية 🙂و نشوفلك الاب توب
تمام تو نجيبه لاب توب متعي
يلا باي زوزو حبيبتي😍
اني (نسمع في المكالمة و عيوني كيف تعبو دموع😢)
مشيت بسرعة و للسيارة 😫روحت الحوش خشيت لداري طحت علي سرير طول و قعدت نبكي😭 بأعلى صوتي😩 و بعدين قررت ننتحر😰 عشان ما شفت شي يفرح في حياتي 😔 حتا قلت مرات الحب يفرحني ينسيني الهم اللي كنت عايشه بس للاسف زادني هم علي همي الاحرف 😪
خشيت الكوجينة خديت موس🔪 و مشيت طول للدار و مصمم على الانتحار😥 حطيت الموس علي يدي كيف بنقطع العروق😩
رن الفون 🤦♂️😰
اني :- الو😔
عمر :- وينك يا ولدي اليوم🤔
اني :- يا عمي شوفلك ولد تاني يخدم عندك☹️ اني خلاص معش نبي شي من الحياة الغبرة هذي😩
عمر :- خيرك يا مروان 😨خيرك شن فيك😧
اني :- كل مصايب دنيا فوق راسي زي العادة 😫
عمر :- تي شن تقول يا ولدي 😲وين انتا توا في الحوش😩
اني :- في الحوش لكن شوية بنطلع😔
عمر :- به اني جايك😦
اني :- لا لا بنطلع يلا سلام😞
سكرت التلفون و قمت الموس و بنكمل موضوع الانتحار
بعدين فقت لروحي😳 لوحت الموس و طلعت من الحوش😟
مشيت للمقبرة و قعمزت علي قبر امي😥 و قعدت نبكي نبكي 😭و نحكي لامي علي كل شي زعلني 😔و على كل حد جرحني😪💔
( سجو:- الولد وجعلي قلبي الهم 💔😢)
روحت الحوش ، و اني قاعد زعلان و مضايق😢 كيف زهور اللي حبيتها تفوتني هكي😩 و هيا تعرف كنت مخطوف
كيف و كيف و كيف معش فهمت شي اني🤧 ؟
أنت تقرأ
حياة مظلوم
De Todoاني مروان ولد حلو و طيوب 😍بس الدنيا ظلماتني هلباا ، و كل ما نحاول نطلع من مشكلة نطيح في مشكلة ثانية 😔و الهم اللي اسمه الحب زادني و كرهني في حياتي💔 🍒بنكون اني :- بطل الرواية🍒 الرواية :- حزينة😭 ، رومانسية من النوع المحترم ❤️ ( رواية بأختصار:...
