حياة مظلوم

🌸حياة مظلوم18🌸

💗🌸روايات سجو🌸💗
🌸حياة مظلوم🌸

في البارت السابق🌈✨
في البارت السابق معاد كلمه صاحبه ضياء و قاله مرتك زمان كانت متعرفة على واحد اسمه مروان و كانوا يحبو بعض هلبااا ، و معاد بعد ما عرف قال لصحابه بروله و اعطوه طريحة وخلوه بينه وبين موت شعرة ، بمعنى اقتلووه 😣

و اني كيف مروح من العمل و كيف نزلت من السيارة و انكلم في ايهاب بتلفون وقفوا عليا جماعة ملثمين و مش ناوين الخير ،المهم ضربوني هلبااا و بعدين مشوا ، و ايهاب بعد ما جي لقاني طايح في الشارع و رفعني طول للمستشفى
( سجو:- كان مزال تبي تفهم تفاصيل أكثر علي الجزء هذا اقرأ نهاية البارت 17 )

New 💖✨

ايهاب :- اه يا دكتور طمني خيره وخيي؟😩
الدكتور :- خوك متعرض لضربات قوية و صارله نزيف داخلي 😫و كلوته حتا هيا مضروبه و رجله مكسورة و توا ان شاء الله بنبدوا في العمليات☹️
ايهاب(يبكي😭 ):- قداش عملية؟
الدكتور:- 2 و الثلاثة بسيطة
ايهاب :- بالله عليك يا دكتور رد بالك عليك😩
الدكتور:- ادعيله ربي ينوضه بسلامة لان عمليات 2 خطيرات، فيه احتمال كبير انه😔 ......
ايهاب :- انه شني؟😨
دكتور:- يموت😔
ايهاب:- اااه😨 شني ؟ انتا شني تقول يا دكتور
دكتور :- بنديروا كل جهدنا و باقي علي ربي
أيهاب:-😭😭
دكتور:- عن إذنك توا
( وبعد ما خش الدكتور لحجرة العمليات )
ايهاب (يبكي بصوت عالي😭 ) :- مروان يا وخيي بالله عليك متخلينيش😭 و اللهي نموت بعدك كان خليتني😰متخلينش بروحي 😭😭

(نص ساعة و اني قاعد في حجرة العمليات💉 ، و المسكين ايهاب قاعد علي نااار😣 و دموعه موقفوش 😭 )

ايهاب :- اني بمن نتصل توا😩 ؟نكلم بوه زعما
( اتصل ايهاب بداني )
داني :- الو مروان😍
ايهاب :- هذا اني ايهاب مش مروان😔
داني :- اهلاً ايهاب😍
ايهاب :- بوك وين😔
داني :- بابا قاعد في الحوش
ايهاب :- اعطيهولي
داني :- حاضر
( و بعد ما عطي داني التلفون لبوه )
داني :- بابا بابا ايهاب صاحب مروان يبي يكلمك🙂
بابا :- خير ان شاء الله 😕
بابا :- السلام عليكم
ايهاب :- و عليكم السلام انتا بو مروان😔
بابا :- ايه😟
ايهاب :- مروان في مستشفي في حجرة العمليات و حالته خطيرة هلبااا😭
بابا :- ااااه 😱 خيره ولدي شن فيه
ايهاب :- تعالا المستشفى و نحكيلك كل شي😣
بابا :- باهي باهي مسافة طريق😱
داني :- بابا خيره مروان😦
بابا :- في المستشفى
داني :- علاش خيره😱
بابا :- مش عارف قالي ايهاب، مروان في حجرة العمليات😣
( علي جيت سلوى و لينا )
سلوى :- خيرك خيرك شني الدوشة اللي نسمع فيها😕
داني :- مروان في المستشفى و اديروله في عملية
سلوى:- اللطف خيره😏
لينا ( ناضت تبكي😭 )
بابا :- مش عارف اني بنمشي نشوفه
داني :- بابا ارفعني معاك
بابا :- باهي تعالا هي
لينا :- اااااه😩 حتا اني اارفعوني معكم😭 نبي نشوف مروان😭
بابا :- لا لا انتي اقعدي مع ماما
بابا :- هيا يا داني😕
______________________
عند ايهاب
ايهاب :- ياربي ياربي ساعده😫 يارب ما يصيرله شي😩 ياربي و اللهي نموت بعده لو صارتله حاجة 😭😭
تلفوني :- ترن ترن
ايهاب :- ووواك و اللهي ما وقتها هذي 😰
ايهاب :- الو😔
رؤى:- اهلاً ميروو😍
ايهاب :- اني ايهاب😔
روى:- هلا ايهاب كيف حالك😍 و وين مروان
ايهاب( يبكي ):- 😰مروووان
روى:- ايه😧 وينه مروان 😳
ايهاب:- ضربوه عصابة كلاب قريب قتلوله😩 و هو توا في حجرة العمليات و عمليته خطيرة هلباا😫
روى:- ااااه😱 ميرووو حبيبي😱💔
ايهاب ( سمعها شن قالت😳 و فات الموضوع لان مش وقته توا😕 ) :- الدكتور قال مرة يعيش و مرات لا😞
روى:- هيييي😱 يا ربي، اني جاية توا مسافة الطريق و نكون عندك
ايهاب :- باهي
_______________________
لبست روى حوايجها و كيف بتطلع مشي شبحت الساعة لقتها 10:30 في الليل مشي اتصلت بزهور باش تقوللها و يمشوا مع بعض
روى:- زهوور😣
(زهور مقعمزة في الصالة بحدا زينوبة و ادكا الصايع)
زهور :- اهلين روى🙂
(روى احكت كل شي لزهور)
زهور (ناضت من مكانها) :- اه مروان😨
زينوبة :- من مروان😕
معاد :- مروان😏
زهور:- قصدي مرام مرام😑 خلاص يا روى اخطمي عليا
زينوبة :- وين ماشية يا زهور في هالليل🤔
زهور(تبكي😭) :- صاحبتي مرام دارت حادث و حالتها خطيرة هلباا😣 و اني نبي نمشي نشوفها
زينوبة:- ياناااري 😰بري بري شوفيها يناري
معاد :- مافيش مشي😏
زهور:- اه علاش😨
معاد:- اني قلت ما فيش مشي 😏شني ما تفهميش انتي😏
زينوبة :- خلها تمشي تشوف صاحبتها علاش تمنع فيها😕
معاد :- اني اللي عندي قلته و نهارك احرف كان سمعت بيك مشيتي و تخطيتي عتبة الفيلا😒
زهور:- بالله عليك يا معاد خليني نمشي 😭شوية و نجي مش معطلة 😰بالله عليك قريب تجيني روى توا😭
معاد :- اسمعي ما تخلينيش نفصل عليك توا ايوه 😡امشي قعمزي في مكانك و هني روحك خير ما .............
زينوبة :- تحشم تحشم😒 و دير قدر لمرتك😠
معاد :- هاك قولتها يا ماما مرتي😏 فالهذا متدخلوش بيني و بينها باللهي عليكم
زهور( مقعمزة على الكرسي و تبكي😭)

( و بعد ربع ساعة)
ترن ترن ( صوت جرس الباب )
معاد :- مني🙁
روى:- اني اني روى😟
معاد :- تفضلي
روى:- زهور وين!
زهور مشت و حضنت روى و تبكي😭
روى:- زهورة روحي خيرك ☹️و بعدين خيرك قعدا بحوايج الحوش مش بتمشي و لا🤔
معاد :- زهور معندها وين ماشية ساعة 11 في الليل😏
روى:- عارفينه ليل 😒لكن صاحبتنا في المستشفى
معاد :- ربي يشفيها ان شاء الله
روى:- زهورة حبيبتي اني بنمشي توا😒
زهور ( تبكي😭 ) :- به و اتصلي بيا و طمنيني عليه قصدي عليها
معاد :-😏
روى:- به به
(زهور ركبت لدارها تبكي )
و معاد احكي ل امه على القصة من الاول و كيف قام القدر لما بعث صاحبه باش يقتلوني😡
زينوبة:- انتا واللهي ماتتحشم يا معاد😡
معاد:-علاش😕
زينوبة:-ههه علاش ؟ تي انتا شن دخلك فيه الولد باش تضربه و دخله المستشفى 😡، راهو البنات نصهم يديروا في علاقات حب لما يخشوا الجامعة 😏و انتا اولهم
معاد:- شنني قصدك اني بنت😠
زينوبة:- حتا الولاد
معاد:- يا مامي اني درت هكي علي خاطر جماعتي عرفوه كان يحب زهور و مابيتش نطيح قدري و قيمتي قدامهم😎
زينوبة:- ايه انتا هذا فاش فالح 😠مسألتش علي الولد شن صار فيه 🤔
معاد:- شن دخلني فيه اني😏 حلوة حتا هذي
زينوبة:- اخخخ منك بس 😡احسن حاجة نمشي نشوف اديكا المسكينة اللي تبكي فوق
معاد:- ههه تبكي على حبيبها😏
زينوبة:- اخخخخ ياربي صبرني عليك بس😡 ياربي يصبرني عليك يا معاد
معاد:- مامي خيرك معاي اليوم
زينوبة :- باللهي عليك سكر علّيا فمك
( وبعد ما مشت للزهور)
______________________
عند زهور
طق طق طق
زهور:- تفضل😢
زينوبة:- زهورة كنتي القنينة معش تبكي 🙂
زهور:- عمتي😭
(زينوبة قعمزة قدام زهور و تمسحلها في دموعها)
زهور:- خيره معاد تغير يا عمتي😫 ، بدي يكشخ عليا هلباا و اني حامل مفروض يسايرني و ما يزعلنيش😭
زينوبة:- هو صايرله شوية ضغوطات في العمل بس
زهور:-😔😔
زينوبة:- المهم شن حال مرام توا🤔
زهور:- مش عارفة نستنى في اتصال من روى
زينوبة:- اهااا ربي يشفيها ان شاء الله
زهور:- ان شاء الله
زينوبة:- وين داراته الحادث
زهور:- مش عارفة لكن تقريباً في طريق السريع
زينوبة:- لا حول لله 😮ربي ينوضها بسلامة
زهور:- ان شاء الله😔
_____________________
وصل بابا و داني للمستشفى
داني:- بابا بابا اهو ايهاب
بابا:- باهي تعلا نمشوله
داني ( يبكي😭 ):- ايهااااااب وين مروان يا ايهااب
داني :- قاعد في حجرة العمليات😔
بابا:- السلام عليكم
ايهاب:-و عليكم السلام
بابا:- خيره ولدي مروان شن صارله😦
( ايهاب حكي كل شي لبابا)
بابا:- باهي ما يعرفهمش الجماعة هذي من قبل
ايهاب:- لا لا من وين بيعرفهم 😣 اصلاً مروان ما يخلطش في هلباا ناس و مش متع مشاكل
بابا:-اه ربي ينوضه بسلامة
ايهاب:- ان شاء الله😔
( بابا و داني و ايهاب مقعمزين علي كراسي الانتظار و فجأة يسمعو في وحدة تبكي من بداية الممر😭 و تنادي يا ايهاب يا ايهاب )
( ايهاب المسكين انخلع😳 مني هذه الي تنادي عليه و قالبة الدنيا عياااط و لما ناض وقف و شبحها طلعت روى🤦‍♂️)
ايهاب(في خاطره:- يا و الله انهار احرف مغبر🤦‍♂️ ياريتني ما قلتلها بس 😤)
روى مشت جري ل ايهاب و حضناته و تبكي😢
ايهاب (مستغرب فيها😦)
روى( تبكي و حاضنة ايهاب و ناسية روحها😭)
(بابا يحسبها خطيبتي اني و لا مرتي😍 )
ايهاب :- احم😟
روى( فاقت على عمرها) :- اااااه اسفة😧🤦‍♀️
ايهاب :- عادي حنى زي خوت😔
روى:- طمني علي مروان😧
ايهاب( يبكي😭 ) :- عمليته ليها ساعة و نص لتوا الدكتور ما طلعش😰
روى( تبكي ) :- يارب ينوضه بسلامة😰
ايهاب :- ان شاء الله يا ربي😣
ايهاب :- هذا بو مروان و خوه داني
روى:- اه السلام عليكم عمي
بابا:- و عليكم السلام
بابا:- انتي خطيبت ولدي مروان🤔
روى( في خاطرها تقول ياريت😍 ):- لا لا اني نقرا مع مروان في الجامعة و نعتبر فيه زي وخيي هو و ايهاب😔
بابا :- اهاا ربي يخليكم لبعض
روى :- ان شاء الله و ربي ينوضه بسلامة و يرجع زي قبل😔
بابا:- ان شاء الله