🌸💗روايات سجو💗🌸
🌸حياة مظلوم🌸
البارت10
المهم بعد فترة 8 شهور اللي قاعد فيهم بروحي😞
قررت ندير اصحاب فتعرفت علي ايهاب❤️
منو ايهاب🤔 ؟ وكيف تعرفت عليه 😐؟
في مرة في الليل ضاقت بيا الدنيا هلباا و نحس في روحي مخنوق و مضايق و تعرفوا السبب مش لازم نعاود السيناريو😩😔
طلعت من الحوش ركبت سيارتي و مشيت قعمزت على الشط و شاد تلفوني و نشوف في محادثنا اني زهور و نبكي 😢و فجاءة نسمع في حد يكلم فيا😧
ولد :- السلام عليكم ، خيرك خوي ان شاء الله مافايك شي
اني :- لا لا مافيا شي
ولد :- عادي نقعمز بحداك
اني :- اي عادي تفضل
ولد :- اني اسمي ايهاب عمري 24
اني :- تشرفنا يا ايهاب ، اني مروان 22 سنة
ايهاب :- خيرك تبكي يا مروان
اني:- مضايق يا ايهاب
ايهاب:-خيرك
اني :- المشاكل اللي في راسي قريب تقتلني
ايهاب :- عادي قولي انت زي وخيي و اكيد حنساعدك
اني :- منوور بس مشاكلي هذي ما لايهاش حل ، قداش بتساعدني باللهي😩
ايهاب :- ربي يفرج عليك ان شاء الله😕 تعرف حتا اني مضايق زيك و تعبان و كل شيء😫 و ديما إنجي للمكان هذا عشان نبكي و متحد يشوفني
اني:-بجد ،، ليش
ايهاب:- ( تنهد )😩
اني:- قولي قصتك
ايهاب:- اوكي،،،اني عندي اربعة خوت ولاد و بنت وحدة عايشين مع امي و بوي و حالتنا كويسة ، و اني الثالث في خوتي ، الاول و الثاني متزوجين و الاخير يقرا برا من زمان ، المهم بعد ما مات بوي قرور يقسموا الورث ، قسماها و ما عطوني شي ، لكن قعاد في الحوش مع امي المريضة و اختي 😔و بعد ما توفت الحاجة طلعوني من الحوش و باعوه
اني:- جديات ،، باه و انتا
ايهاب:- اني قعدت في الشارع😢 و هالمكان يشهد قداش قعدت فيه
اني :- و حتا اختك معك
ايهاب :- لالا اختي قعدت مع خوي الكبير بعدين تزوجت
اني :- باه انتا وين قاعد توا
ايهاب :- شريت حوش 😌 لكن بعد ما ضقت العذاب
اني :- باه الحمد لله 😉
ايهاب :- و انت شن قصتك
اني:-حتا اني قصتي فيها شبه من قصتك
ايهاب:- احكيلي
اني :- اوكي
(حكيت قصتي كلها ل ايهاب😩)
ايهاب :- خلاص انتا من اليوم صاحبي 😍 هذا رقمي و اتصل بيا في اي وقت
اني :- تمام و الله اطمنتلك الحق😍😍بس عادي نمشو غدوة كافي عشان نتعرفو علي بعض اكثر
ايهاب :- اي طبعاً🤗
اني :- خلاص غدوة نخطم عليك و نمشوا ، المهم انت ابعتلي الموقع متع حوشك باش نخطم عليك ، تماام
ايهاب :- تمام
اليوم اللي بعده مشيت اني ايهاب و تعرفنا علي بعض اكثر و حسيته حتا هو مظلوم زيني☹️ لكن الشي اللي ما فهمتاش انه هو ما يخدمش بس عنده الفلوس 😕و ثاني شي حسيت في حاجة في حياته و ما يبيش يحكيهالي 🤔 و شي ثالث هو قالي اني وحيد و ما عندي حد و بس كل شوية تلفونه يتصل من شخص
أنت تقرأ
حياة مظلوم
De Todoاني مروان ولد حلو و طيوب 😍بس الدنيا ظلماتني هلباا ، و كل ما نحاول نطلع من مشكلة نطيح في مشكلة ثانية 😔و الهم اللي اسمه الحب زادني و كرهني في حياتي💔 🍒بنكون اني :- بطل الرواية🍒 الرواية :- حزينة😭 ، رومانسية من النوع المحترم ❤️ ( رواية بأختصار:...
