جنون مابعد الولادة🤰🏻

الحلقة الاولى والمقدمه 1️⃣

#جنون_مابعد_الولادة🤰🏻
.
.
.
.
.
.
.
.
((ملاحظة بسيطه الراوي حايكون ولد وبنت ف بداية بنت وبعدها ولد ))
.
.
.
.
الحلقه الاولى1️⃣➿
والمقدمة
.
.

عمري ما تخيلت نكره شيء مني أو نتجراة " نقتله"🤦🏻‍♀️
كلام يخوف صح بس عمري ما تخيلت نوصل له المرحلة بس كله من ...خلي نحكيلكم قصتي 🌿🤦🏻‍♀️
.
.
.
أنا هدير فاتح ال... موليد 92 من (.....) الإقامه ف طربلس ...عندي أخت وحدة و.... ..عندي زوز خوت وزوز اكبر مني بابا اسمه كما سبق فاتح ..ماما اسمها نجاة ❤
مواصفاتي مش حلوة ههههههه بس قنينة ههههه ضعيفة شوي قصيرة ملامحي عيوني وسط يقولو عليا كوريا بس والله ملامحي عادية فمي كبير.. شعري بني فاتح يعتبر قصير لنص ظهري .. بشرتي قمحية ❤ خريجة علم اجتماع 😊 وأبلة ف مدرسة الحياة ❤حالتنا المادية كويسة ..
بابا موليد 52 حلو يهبل عيون زرقا 💙..اول مرة نشوف شباني عنده غمزات وبابا عنده هههه طبعا مانقدرش نزل صورته ماما تغار😂😂😁 المهم عنده عمارة فيها ثمانية شقق ماجرات وزوز سوبر ماركات ..ماما سمراء زي حالتي رقية كانها ما تاكل هههه بس الحب كله واخدها بابل بعد حرب 😁موليد 58
كانت ابله وخدت تقاعد اختياري بعد ماجابت خوي ...

• خوي فادي موليد 85 دكتور نساء وولادة ..بيتزوج صاحبتي الانتيم بعد شهر ..يحبو بعض وكانو نظرات لين اقترحت عليه اني نخطبله وع طول ما صدق قالي اخطبي ..موصفات فادي اححح وخلاص عيون زرق دكنات قريب يولو سود بس شخصيته تهبل جوه حلو متفتح وعاقل وصايع ..ياحلاوة الموصفات ❤🥺
.
• الاخ العزيز الثاني 🤣
• هادي فاتح .. موليد 93 لا خدمه لا قدمه قاعد يقرا هندسة الطيران لكن شكله مشاءالله بيخلل ف الكلية وكل سنه يصفي وحدة خهههههع وتوا نقوللكم السبب بعدين 🤣🤣 مهتم وفالح بس ف خليقته عطوره دبشه جماله المهم بس ..
طبعا الولاد طلعو لبابا والبنات قصدي اني بس ل ماما لان حتي اختي الله يرحمها كانت تشبه لبابا ❤😭 انا العرق المايل ما علينا ..موصفاته عيونه لون السماء وهيا صافية..فمه شوي كبير زي فمي بضبط والباقي مسمسم واشقر 😭❤.. مزاجي اناني ولد كلب 🤦🏻‍♀️😧اسفه اسفه نفعلت زيادة قصدي هوا الكلب يحب روحه بس بس لكن طيوب جوه بلادي بس يموت ف حاجاتي وحاجات فادي السبب مش معروف 😂🤷🏻‍♀️الحب ينزله ديما ف حاجاتنا ..
• اختي اسمها فاطمه ع اسم جداي ام امي وطبعا لان ع اسمها خدتها تربي فيها عندها وكانت اكبر مني بسنه
• صاحبتي الانتيم ثواب 😍 كٌنا نقرا جميع صديقة طفولتي امي وطبيعي تحبها اكثر مني بسلامتها لسانها مصرية هذا باش طيحت خوي ..
• ثواب :😧😒
المهم مادورهاش تفنصاتها ديما هكي المهم للاسف وربي مش عارفه كيف نقولها 😭 احلا مني شوي
• ثواب : 😏
قصدي بهلبا ..ارتحتي خزيه الواحد مايتكلم ع راحته ..المهم
سمونية شوي مش سمينه يعني كلفوزه ههه عيونها رصاصيات 😭 شقراً لون شعره نفسالون بس انا افتح بشرتها بيضا شفايفها كان مديرتلهم بوتوكس
ملاخير 😍🔞 طرف
جوها يهبل لسانها نار من ناس الي تسكت وتسكت وتحدفلك مصيبة ..عندها مستحيل تحصل ف موقف لازم تخترع كداب تطلع من المصايب كيف الشعرة من العجين 🤣🤣🤦🏻‍♀️ المهم وخطيبة الاخ العزيز ❤..
.
.
خالي نهدرزلكم من البداية واساس قصتي من لما كنت صغيرة .. نرجعو بزمان شوي لتالي
#قبل تقريبا 15 سنه ..
ف ال 2000 /2001 تقريبا
كان وقتها ندكر عمري 10 سنين واختي 11 كٌنا عند نينة فاطمه ماما مدايرة عملية منحية رحم 💔
فا قعدنا عندها كم يوم وطبعا كانو خالاتي كل مرة تخش وحدة ونسوين خوالي وجو زحمه خالي نحكيلكم ع شوي تفصيل ع حوش نينة (جداي)
جداي فاطمه وجدي حٌسين .. كانت عندها اربعه بنات وثلاث ولاد ❤عيلة ماما كبيرة ومشاءالله وطبعا نينة فاطمه من الجدات الي كلمتها هي الي تمشيء جدو حٌسين طيوب جدا مسالم يحب نينة ويعامل فيها سبحان الله كانهم صغار ولا كيف متزوجين رغم الكبر ..
خالاتي الثلاث متزوجة ورابعه طبعا ماما ❤ ندكرهم بترتيب ..
زينب الكبيرة ❤ دكتورة ف الجامعه تقري ف الحقوق موليد 56قرت ف قاري يونس ..عندها 4ولاد وبنت وحدة ..الاولاد ..تميم80...سامي83..عيسى88..
رامي93 طبعا وقتها كانو شوي كبار ما عاد رامي وعيسى كانو صغار نلعبو مع بعض
وبنتها اسمها سوسن موليد 92 بس تقول خوهم مش اختهم ههههه طبعها وجوها واسلوبها مسترجله ههههه
•كريمه اصغر من ماما موليد 60 أبله كمياء ف ثانوي تزوجت وجابة ولد واحد اسمه جمال .. موليد 85 وطبعا واخدة ولد عمها هي وخالتي تانية 🌸..
• فتحية موليد 65خالتو الكول هدي جوها شبابي ع اخر ل توا عندها زوز ولاد واحد نديد فطومه واسمه حٌسين ع اسم جدو 🌸 وتاني ليث 93 نديد هادي وصايع زيه ونفس تفكير وهم صحاب ويقرو مع بعض المهم ..
خوالي ..كامل وفيصل وخالد..
كامل موليد 57 متزوج بنت خالته رغم انها اكبر منه بسنه بس الحب🤷🏻‍♀️ عنده ولاد زوز توام ..95م مرته اسمها رشيدة
..
فيصل موليد 62 تزوج ع طول سافر لكندا ..واحدة من الخمس ❤ اسمها عليا بس للاسف دارو هلبا محاولات بس ماجبوش بيبي💔
خالد كان صغير العيلة نديد تميم ولد خالتي ❤🤷🏻‍♀️ 80
ماتستغربوش جدي وجداي مش كبار هلبا فا عادي يعني ❤ ..
نرجعو لقصتنا ..
مهم
وقتها ماما تعبت هلبا فا قررنا نقعدو عندها فترة لين يتحس وضع ماما وبحكم مدرستنا انا وخوتي قريب فا مش موضوع ..
كان حوش جداي كانه وقتها فيلا كبير هلبا وجنانه الدور الداير وجوه مش عادي وقتها مافيش حياش جنبهم هلبا واحد ع الايمين كان لعم ماما والايسر فيه ارض وبعدها حوش قاعد ف بداية البني وبعدها وقف لان كان لخالو فيصل ووقف لما قرر يسافر فا قعد شبه مهجور 💔🤷🏻‍♀️ وقريب من كانه مصنع ل الاحدية ديما لما نخطمو عليه نلقو فيه عٌمال سٌمر ع بيض جو برانية (تشادين و جنسيات اخرى وجو هدا ) مهم قعدنا نلعبو اني وسوسن وفطومه ع اساس نساوين ونسلمو ع بعض نتقو ف بعض ع اساس جيران وجو هذا ..شوي وجونا عيسى ورامي وليث و هادي ..
• هادي : هي تلعبو معانا وابيس ..
• انا جيت بنقوللهم لا بس قطعت عليا سوسن ..
• سوسن وهي تنحي ف رداها : ايه ايه هي نعلبو اني مليت من جوكم ...
• فطومه : ياكبدي وانتي تموتي ف جو الولاد افهمي انتي بنت ..
• سوسن : ماعندكش علاقة انا ولد وبنت مع بعض ..
• عيسى : تلعبو ولا نمشو برواحنا ..
• سوسن : هي هي انا واتية بس لازم نحرمو قبل..
• هادي : لالا وحدة منكم هي الي تعد ..
• رامي : ايه انتو ...
• انا : وعلاش شن ها جو نحرمو ولي تجي فيه هوا الي يعد ..
• عيسى : اوف ع تسكير الراس هي ..
حرمنى وطلع هادي هوا الي بيعد واحني نهربو ..