#جنون_مابعد_الولادة 🤰🏻 . . . . . . الحلقة الخامسة5️⃣ . . . . . #ثواب لما شفت دموع هدير نار شعلت ف داخلي بس هكي انا غبية في كل تصرفاتي ستفزتني انها تتعامل عادي ولا كان تشرشحت قدام الدكتور وكيف نط ف وجهة وهي تضحك عادي ..بس فوق هذا مايحقليش اني نعايرها باحاجة كنتٌ ف يوم ندعم فيها باش متحسسش منها 💔 عارف كسرت بخاطرها لهذا حاولت نلحقها بس هما طلعو بسرعة ومعاتش فهمت كيف ندير ..قعدت شوية وحتى انا طلعت ..جاني معاد خوي 😠 بمناسبة عنديش حد الا أنا وخوي ❤وبابا وماما .. فتحت الباب وركبت وما تكلمت حتي حرف • معاد : الناس يسلم اي شيء .. • انا : معاد خاطني ..انا بروحي بنطربق .. • معاد : ترشني مداير باللسانك واضحه ماينلقب شكلك هكي الا لما ديري عملة وتندمي عليها .. • تلفتت ليه مستغربة ع دقت الكلام : وانت شن عرفك 😳😨 • معاد : تي ارقدي ديما بالفلايطك واضحه .. • انا : وراسك معاد درلي راي والله ما قصدي 💔 • معاد : احكيلي ..وانا نعرف قصدك ولا لا .. • انا : باه وبديت نحكيله ......وهدا الي صار • معاد يبدا يضرب ع ستيرسو : حيه ع ام قلة الادب حيه بالله هادي كلمة تقوليها ..والله ماتتحشمي موتي بتانيب الضمير وربي لو مكانها ماعد نبيك لا صاحبه لا شيء • انا : وراسك بلا مبالغة ..راني والله ما قصدي ..وبديت نبكي .. • معاد : مانبصرش انا ومن حقها تزعل وما ترجعلك ولو اني ف مكانها مش حانكلمك ولا بندورك اصلا ..بس نعرفكم البنات فيكم كان دواة .. • انا : ياحليلي ع صاحبتي خسرتها وه عليا كيف الندير لازم نمشيلها نتاسف .. • معاد ساااكت .. شوي ...انزلي وصلنا .. نزلت وانا راسي بيتفجر من البكاء وكملت باقي بكاي ف داري كله من لساني ..ومن كثر ما بكيت وعاتبت روحي رقدت بدون ما نحس 💔 نضت نسمع ف ادان 😳 مستحيل .. • امي : نوضي يابايرة ياخميرة النوم ناس تصلي ودير ف العشاء وانتي راقدة .. • انا : اوووف على كل يوم نفس الموال ..وطبعا كنت ناسية موضوع هدير لما شفت تلفوني دكرتها رجعت ولعت فيا نار ..تصلت فيها ما رد مرة وتنين بلا فايدة ..كلمت امها ..قالتلي قاعدين ف حوش جدها لان خميس ..لبست عبايتي ع (قفطان اصفر💛متع الحوش قصير مرسوم كنت لابسة فوقه روب غليض لان مانتحمل ف اللبس لا صيف لا شتاء يعني خفيف) وكلمت بوي قتله تعلالي نبي تخدني لصاحبتي ..وماردني قال تمام ومشيت وانا رجل تقدم ورجل توخر ونقول كان تحرجني قدام البنات 💔 شن موقفي والله ماني راجعة فيها ..وخشيت الحوش لقيت الجنان جهة كلها شباب طلقت سلام وراسي لوطا وخشيت خط واحد ..وبوف خبطت فيا واحد لين طيحني وطاح فوق مني 😳😍... • فادي : اسف اسف ..كنت مستعجل صارلك حاجه ضهرك صارله حاجة .. • انا ستكيت أية من الجمال وبلا وعي : هذا زين ولا رضى الولدين 🤤.. • فادي ابتسم بتسامه احححح وخلاص وقال : الاثنين 😊...فطنت ل روحي شن نخرط انا 🤦🏻♀️ • انا ع اساس بنرقع اللقطة : اسفة والله بس جمالك عداب بلا حساب 🤦🏻♀️ حطيت ايدي ع فمي وخشيت نجري اصلا كان بنطول ف الفم احتمال بنخطفه ولا 🔞 😂😂 خشيت وركبتني الحرارة ونتلفت وراي نلقاه يضحك ويشبحلي لما شفته دارلي باي 💔وه ع قلبي الصغير ..خشيت لقيت خالتي ام هدير وزوز نساوين طلقة السلام ..وسال ع هدير وانا واقفه ف الفم حسيت ايد نحطت ع كتفي ..تلفتت .. هدير🥺 ولا شعوري ضميتها وبديت نبكي ..سامحيني ياصاحبتي والله ماهو قصدي تعرفيني لساني حقير بس والله كله منك علاش ماقولتلش تحشمت اسفه وكل مرة تحصل ضربة وهي تبكي وانا نبكي لين خلينا الي ف دار يبكو 💔 ....كملت فقرة الشحاتة وطلب السماحه قعدنا نضحكو ونبصرو وقولتها نستاذن بوي البرا يستنا ... • انا : توا بنستاذن بنطلع تعرفي قاعد البرا ههههه • هدير : علاش مخشش حرام عليك.. • ام هدير : خليك يابنتي اهو نقول لعمك الفاتح العشاء واتي تعشو وروحو .. جيت بنتكلم.. • ام هدير : يا فاااتح .. • فادي: ثورة شعبية بوي مش هني طلع ..😂 ام هدير وانا وهدير فلقنها ضحكه 😂😂 • ام هدير : شفتي ولا يكبر ودماغه يصغر ههههه باه تعالى انت نبيك قول لعمك ال.... • انا : ياخالتي امي مريضة مانقدرش نخليها بروحه فرصة تانية ان شاءالله .. • ام هدير: لا مدام هكي اذنك معاك وسلميلي عليها ❤ ستاذنت وانا ف ربكة مش طبيعية من نضرات فادي 🤤 هوا مشاء وانا قعدت شوية نهدرز • هدير نأشرلها ع كتابي مالقيتيشي ... • انا : لالا ماشفتاش وين خاليتيه يا دعوة .. • هدير🤷🏻♀️ • انا : اكيد ف مكتب الاخ ماهو كنت سايحه هههه • هدير ضربتها ..وضحكت • انا : هي باي توا بوي بيطلقني هههه وطلعت بس لان غبية وانا مسرعة .... . . . . . . . . . #فادي كنت مع الشباب ف جنان القدامي ونلعبو ف كارطة بعدين نضت نجيب تلفوني خليته يشحن خايفة تجيني حالة وما نسمعه ...بس وانا طلع مسرع خايف يتم شوط الكارطة بوف خشيت ف وحدة تقريبا ملاك ءء جمال تقول جاية من بوسنا ولا روسيا المهم جو هذا خدودها كيف الرب 🤤عيونها عاكس فيهم فلاش الجنان حاجه تقول رصاصي ع سموي وشفايفها اح🤤 حاجه تانية .. فقت ع كلمتها زين ولا رضى الولدين ضحكت هههه بدخلي وما نعرف كيف طلعت الاثنين بس بجد جمال وخفت الدم هلبا 😂❤🤤 وزادت عاد ع اساس بتكحلها عمتها ههههههه المهم وهي ماشية وانا نرسم ف جسمها رسم وهي العباية مخصرة زادتها جمال ❤ شكلي بنقدم ف تاشيرة للقفص الذهبي🤤🔞 لما شافتني تاني مرة رتبكت ورجعت لشباب لقيتهم ضحك وجوهم مش عادي وخالد يسهوك المهم نسمع ف امي ضبح ع ببوي ..ولما رديت ضحكو 🤤 وه حتي ضحكتها تقتل ❤🥺 هدرزت عليهم شوي ورجعت لشباب ..لقيتهم يهدرزو والحكاية رابخه • خالد : تعرفو ياولاد ف راسي موضوع و..🤤احا لالا شكلي نويت 🤤🔥 • فادي : خيرك ستكيت ..🤨 • خالد دار براسه وعيونه جو اشبح وراك ..احي بالكركدي شن هذا.. • فادي تلفتت 😠🔥ونطيت طول: تي لمو عيونكم زاح وانتو كانكم ماشفتو بنات .. بجد لان لقيت الشباب دايخين وفمهم مفتوحه ..ع رجلين البيض ومربربين 🤦🏻♂️🤤 بس مش وقتها ندقق حتي اني وبديت نرمي فيهم الي بالمخدة والي بمفتاح لين طلعت 🤦🏻♂️😠 • فادي : والله ما فيكم راجل زح كمشت فروخ وانت منهم ياخالد .. • خالد : شن تخرط انت تي اعرف شن تقول انت حسستني مرتك ولا اختك خيرك زح.. وجيت بنرد بس قطع علينا تميم • تميم : خيركم صلو عن نبي ادكرو ربي ...شن فيه • فادي : تعالى شوف تخيل بنت خشت وداست بصاتنا وهما يتسهوكو وعيونهم قريب ياكلوها .. ولان تميم حقيقي الكل يخاف من تصرفاته بستثناء خالد وفادي الا انهم يحترمو فيه .. • خالد : ياراجل ط... • تميم : فادي لا يزيد لا ينقص ف كلامه معروف من يومه وبعدين من امتى اللقطات هدوما ياخالد مانعرفكش هكي حتي لو هكي بس مش ف حوشك .. • خالد : نظرى برئ وربي .. • فادي بيتكلم😠 : ك.. • تميم : عليا اني ..فوتها الجو هذا لان لو تصير مع سوسن ولا هدير ويعدولك البنات تمشي تمسحهم..حق ولا انا غالط • خالد نفعل وتخيل موقف🔥💔 : ندفنهم ونحيلهم عيونهم.. • تميم : وصلت يا خال .. • خالد : وصلت ..وناض سامحنا دكتورنا ..بس تعالى جاي خيرك شعلت فيك النار وعيونك لمعو .. • سامي: الكلب واضح معجب ولهان ..رميته بمخدة ..ها قولتكم • تميم : غر اسكتو خلونا نفهمو ..فيه حاجه داسها علينا .. • فادي : تي لالا خيركم خديتو الموضوع جد لالا مافي شيء البنت صح من قبل نشوف فيها بحكم صاحبت هدير بس ... • خالد : بس شني .. • فادي : مانعرفش كيف ركزت فيها وحسيت اني انعجبت فيها تي والله حاجه مافهمتها 😂🤦🏻♂️ • سامي : حب من اول شبحة .. • خالد 😏: نظرة يابو نظارة.. • سامي : زوز نفس المعنى 😂🤦🏻♂️ • فادي : ممكن .. • خالد دارها بخبث : لو مش ممكن خالي نكلم البنات يخطبوهالي صارلي جفاف من القعدة بروحي .. • فادي نطيت : عينك مش يخطبوك ياودي فوتها .. • سامي وعيسى ووووووووو ازهر وبان عليك الامان 😂😂... وقعدنا ع هدا جو لين قريب ساعة 2 وبعدين خشينا لدار الكبيرة اكيد دكرتوها 🤷🏻♀️ ورقدنا الشباب تم..
. . . . . #عند هدير لما تصالحة انا وثواب رتحت نعرفها ما يهون عليها ونعرفها امتى تكون استفزت ولا نقهرت يفلت لسانها رغم ديما مفلوت بس ما علينا ...حطينا العشاء وتعشو كلهم وروح بوي ورجالة خالاتي وقعدو الشباب وبس .. وانا وسوسن كٌن مش راقدات فا قعدنا نهدرزو ف جنان المطبخ الخلفي وطبعا كان المطبخ ظلام ..لين خطر عليا نمشي نجيب غطى صقعت وما لقيت كان شراشف بيض متاع جداي فيهم بودري بس مش واضحات طبيعي مش حانطلع بطاطين مهم وانا راجعة شبحت شباب تميم و خالد و سامي و حٌسين يتساحبو ع روس صبعهم شكلهم جابو كا العادة حاجات بيسهرو عليهم ومايبو الباقي ياكلو معاهم هههههه خطرت ف بالي فكرة 😂🤦🏻♀️ ان شاءالله تمشي امورها .. طلعت ل سوسن وطبعا عجبتها جابت كتشب م تلاجه وبزعاته شوي وقالتي • سوسن نقز من سور ونجيهم من الباب بحركة بطئة وشوي نقدم وندير صوت وامتى يهربو انتي اطلعلهم باش يتمزطو بس نبو حد يبدا يرمي فيهم .. • انا بالإشارة وانا نضحك : شن رايك ف هادي 🤦🏻♀️😂 يموت ف جو هذا • سوسن : نقولك نوضوهم كلهم خالي كل واحد ياخد تنجرة ووتاني يركب فوق السطح ياخد دحي وكل مرة حد فيهم يدير صوت خلي نهبلوهم 😂🤦🏻♀️ • انا درتلها تمام ونوضناهم كلهم وعطيناهم شرارشف نفس الجو وكلهم طلعو من السور وانا خلاص بنشخ ع روحي 😂😂 مش عارفة كيف بنشد روحي .. وبدينا هما مستانسين يضحكو ف جنان القدامي .. هادي ضرب ع طنجر مرة بس ..وبدا عيسى يرمي شوي شوي رشاد صغير بس بشوية ..طبعا الشباب ..منو فيه شن فيه ع طول تميم جاء بيخش الحوش بشوفهم شباب ولا لا ..طلعتله مرة وحدة ف وجهة وبدا يرجع شوي شوي وبديت ندير ف صوت جخرات ...وصوت فحيح هذا الي فالحه فيه💔👻 طبعا لما رجع تميم باقي شباب شافوني وبدو بيهربو من الباب طلعتلهم سوسن وهديك ممثلة بدت تمشي تركيف وتمخط وهما وين تلقيهم يتعايطو وكلهم مكبشين ف بعض حٌسين قريب بيشخ ..وهوا يقول • حٌسين : ادكرو الله يا شباب الي يخاف يدكر الله وهوا مكبش ف سامي .. • سامي : تي حول من عليا تي انت بروحك بتموت من الخوف وانت قريب ديرها ع روحك .. • خالد : تي زعما جن حيه كان جن .. • تميم بصوت عالي : جن شني شن تخرف وهوا مزال ما كمل كلامه شبحو فوق لقو زي الي لابسينه بس يطير ف سماء 😳😱 • هدير وحسيت فيه حد جبد الشرشف من عليا تلفتت ما لقيت حد وندفيت ع ارض .. • سامي : قصدك انتي هذا كله ..وانا نرعش جيت بنتكلم عيط هادي وجا يجري .. • تميم: انت وين كنت .. • عيسى يعيط فوق السطح ونسمع فيه يجري وجان وطاح بينتنا • سامي : ماتهبلوني انتو الي درتو هكي وربي ما يطلع عليكم نهار • سوسن تكلمت كلهم تلفتو :والله ف البداية حني بس بعدين مانعرفوش شن صار 🥺🤷🏻♀️ كٌنا نسمعو وحني مصدومين 😱😳 • سوسن : شفتي كيف قصدي نبصرو بس لا داعي لرأكشن هذا .. • عيسى : بصوت هارب ..اشبحي وراك #سوسن نتلفت بأقل من ماهلي 😱😨🙄 مشيتلهم نجري لين طحت وبديت نمرد جتني هدير تجبد فيا • سوسن : شششن هذا ...بدون مبالغة وربي شفته لان ... • هدير دير ع اساس حتي انا .. . . . . . . لي اصحاب الدكرة القوية 🤷🏻♀️🔥 يتبع كان قدرت نزل حلقة اضافية بتنزل ف ليل ان شاءالله🔥❤ رايكم وتوقعاتكم ..يهموني
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
