جنون مابعد الولادة🤰🏻

الحلقة الثامنه8️⃣

#جنون_مابعد_الولادة🤰🏻🌺
.
.
.
.
.
.
.
.
الحلقة الثامنه8️⃣
.
.
اولا بليز تفاعلو ❤ يلي تقرو وما ديرو حتي لايك حرام عليكم 💔😥.
.
.
.
.
• سوسن : اكبر ما تتخيل 💔 .. شبحتلي هدير 😥
• سوسن : ماتشبحيلي لازم حد يديرلنا راي لان بجد تعبنا 💔🥺..
• تميم : اشبحيلي جاي ..وحطيت ايدي ع ايد هدير ..ماتخافيش انا معاك ..
• سوسن : كح كح احم احم..
• تميم ضحك : قصدي معاك ..احكيلي
سوسن شبحت ل هدير
• هدير : طول الفترة الي كانت بعد الحادث عبارة عن تعب ف تعب شيء يقتل بالعرق كل يوم كبوس ع حقيقة لدراجه معاتش نعرف حتي اهلي هل هما ولا نحلم ولا جن واشبح كل يوم واخر موقف صارلي اثبات اني حقيقي فيه حاجه مش طبيعية وكانت ..وبديت نحكي ..طبعا سوسن ماقولتلهاش التطورات بس نحكيلها ع الزعل والحاجات الخفيفة لان ماحبيت نخوفها مني وانا اساس خايفة من روحي 💔..وبديت نوريلها ف الاثار الي ع صدري ورجليا وضهري وكاني متعرضا للغتصاب او الاصح محاولة 💔..
• تميم لما بدت تحكي وهي متعصب وتبكي معاتش عرفت نلومها لانها ما حكتش ولا نلوم روحي واهلي لان منتبهناش ما سالنش 💔..كانت تشهق وهي توريلي ف اثار الايدي وصوابع واثار البوسات ع الرقبة وصدر كانت واضحه لين جسم رعش معقولة (جن ) يدير هكي 🤦🏻‍♂️💔...: لازم نقولو لحد يعرف ف هالحاجات
• هدير : رد بالك ماما تعرف وربي تمشي فيها من بعد فطومه مش حانتحمل صدمة تانية ..
• تميم : خلو الموضوع عليا ..
• سوسن : بس ..
• تميم : الموضوع عندي وانتي يا هدير اي شيء يصير كلميني ..
• هدير : الفترة الي فاتت شبه سبوع ع قراءة القران الحمدلله ماجاني شيء الا ...😔
• تميم حط ليده ع يد هدير: تمام حاولي تستمري ع القران بدون ماتهملي لين ندورلك حل ..وانتي ياسوسن موضوع هذا يموت هني ..اه
• نطيت انا بحركه عفوية شديتله راسه : خيرك شن يوجع فيك
• تميم قمت عيوني وحطيت ايديا ع ايدها الي كانو ع راسي جبدت ايدها الايمن وقربتها ع فمي وبستها: ماتخفيش مافيا شيء شوية وجع ومشى🤤..
• سوسن : قاعدة مقعمزة راه ..😏🤦🏻‍♀️
#هدير نضت طلعت برا الدار وكان الوقت قاعد بكري جو 8 هكي ..نضت درت دورة وخشيت المطبخ وبديت ندور بندير فطور ولان عقلي مش معاي مافهمت ونسيت شن يديرو الصبح ع الفطور 😂🤦🏻‍♀️💋..لحقتني سوسن ..
• سوسن: اهلين يالحب ..
• نطيت : خلعتيني ..
• سوسن : ايه ايه ديري الجو هذا عليا شن الي كان يصير ال داخل اشرحي ..هداك امتى سالته ..قالي تنوضي ولا نعطيك ..
• انا : والله...
• سوسن : ماتحلفي وانا بعيوني شفتك كيف خغتي عليه وهوا البوسة الي نموت يديرهالي حد 🤦🏻‍♀️💋 احكي ولا وربي نفضحكم ونبدا نتبلا عليكم ..
• انا : خزيه..هوا للصراحه مافيش شيء بس تميم ..
• سوسن بنضرة خبيث وابتسامه اخبث : ايواه كملي نسمع فيك خيره ..
• انا قولتها بطريقةسريعة : يبي يتزوجني ..
• سوسن بدت تعيط وترقص : ياهو ياهو وتميم عريس يلا جيبوه ..تميم ياحبيبها خميس وجمعة جيبها ..ضربتها ..
• انا : اسكتي ياعن فيتك يسمعونا ..فجاة
• جمال : اووو شكلنا عندنا عرس تميم حبيب من ..
• سوسن : يا حبيبي خ..
• جمال بنظرة خبيثة : ياعيونه 🤤..
• سوسن : مش انتَ خليني نكمل كلامي قصدي ع..
• جمال : تمام مدام مش عليا معنها نمشي وراي فقرت اني نفضحكم ..وجاء بيمشي لحقاته سوسن ولما شافها بداء يجري ويعيط ..ياعييييلة نووووضو راهو ....وهي تجري وراه وكل مرة ترميه بحاجة ...منظرهم كان يضحك كنت مية بضحك وهي تجري وراه ..
#عند سوسن
قبل ما نحكيلكم ع صار نوصفلكم شكل سوسن 😍
(يقولو انا وهدير نشبه لبعض بي مانعرفش احكمو انتو ..انا بيضة نبان قد ما نكبر نقعد شكلي صغيرة عيوني عسليات بس مش واضحات فمي كبير ..لساني طويل والكلمة نشد فيها بسيف مانتحمل نسكت 🤦🏻‍♀️😂)
توا نزل صورتها ❤
كنت نجري وراء جمال لان نعرفه حيوان ويديرها هههه..لين فجاة وقف ولفلي واني خانوني رجلية وحاولت نشد ففرينو بس بلا فايدة ههههههه بوف خشيت حادث ف صدره ...لحظة نحكيلكم ع شكله كيف كان 💋🤤 نقولو طرف من البدية بس فيه حاجه مش حلوة جوه حلو ..ضحكته تقتل ..بس مزاجي ف ثواني يقلب ..غيوووووور ..شكله طويل رياضي م 85 اخر سنه هندسة نفط ❤🤤..عيونه ع اسود وشعره ولحيته ..
مهم ❤
خشيت فيه لين طحت عليه وانا كنت فوق منه قعد قلبي قريب بيطلع وانا نضحك وهوا يضحك ع منظرنا حاولت نوض بس من ضحك نجي نوض نرجع بعدين خلاص قررت نتماسك ..ونضت ..
• جمال : مش كان ختمنها ببوسة زي الافلام الاجنبية مش كان الموقف احلا ..
• ضربته : هذوكا الاجانبي بس حني ليبين تكمل ب💋🤦🏻‍♀️قطعني ببوسة ...دفيته
• جمال : حتي الليبين عادي يختموها بابوس😉..وقدمت وجيت بنعطيه كف شد ايدي وبرمهالي لين وجعني
• سوسن : اي اي ...من تحت سنوني ..نحي ايدي سيب..
• جٌمال عقد حواجبه وبصوت اح قرب من ودني لان كنت عطيته ظهري : البنت الي تمد يده عليا مزال مانخلقتش ..ورخى ايده ..لفيتله
• سوسن قربت منه ،وبحكم هو اطول مني وقفت ع صوبع رجلي وقربت من وجهه وبطريقة مغرية ومستفز وبصبعي : وانا الولد الي يمسني بالحرام مانسكتلاش واصبر عليا ودرتله صبعي ع فمه بطريقة مغرين لدرجة خليت ريقه ينشف 🤤🤦🏻‍♀️ ..تمام ياجمال ومشيت وخليته ..وكنت لو يدبحوني مايلقو فيا قطرة دم ..قهرني وستفزني وتمنيت نضربه..
مر اليوم وحاولنا ان ما نركزوش وكل حد يتجنب الثاني انا وتميم ..سوسن وجمال..
بس فيه اثنين قاعدين يفكرو ويكابرو 🤤😉
#ف_ليل
خالد جابلنا ثلاث كيلو قصتل ❤🌰
وبدينا فيه تكسيدة ع دخلت تميم وفادي ..
.
.
زوز تكلمو مع بعض ..
• فادي&تميم: عندنا موضوع ونبو نهدرزو فيه ..
العيلة كلها سكتت..
• خالتي زينب : خير ان شاءالله ..
• تميم وفادي : نبو نخطبو ..
• خالتي : هانهار الي ندورو فيه من سعيدات الحظ ..
شافو لبعض😉..وبعدين تميم شبحلي ..
• تميم : خالتي نجاة ..لو تقبليني نكون نسيبك انا نطلب منك هدير ..وغمزلي😉
• ماما: انت ياولدي ماتتعاب وانت ولد الغالية وكان عليا هي ليك بس ف نهاية الشورة ليها ول بوها ..شني يابنتي ..
انا تحشمت وسكتت..
• فادي : يايام اني جايك بنقولك راني بنخطب ثواب صاحبت هدير ..
• ماما : اللهم بارك شكلي دعيت ليلة القدر وستجابت اليوم ..يا محلاها وزين تختار ❤..
• فادي : مدامها تعجب فيكم ..نبيكم الخميس تخطبوهالي رسمي ..
• ماما : رورورورورروري ان شاءالله الف مبروك ..
• سوسن : ياناري علبنا غر حني صاحباتي بيتزوج ونقعد بروحي ...ضحكو كلهم ..
• جمال : وعلاش كلكم تزوج غر اني ..يما حتي اني قررت نخطب ..
• كريمه : هههههههههههه لا صغارنا هبلو اليوم شن جاكم بيسكونه عين اللطف..
• جمال : مادخلي ف حد مدام بنتزوجو نزوجو كلنا مع بعضنا ..
• كريمه : ههههههههههه ماهو هذا الي يجيبكم مع بعضكم ..باهي من ها سعيدة الحظ الي حاتولي كنتي وتاخد وحيدي ..
• جمال شبح لي سوسن : بنت خالتي زينب سوسن ..
• خالتي زينب شبحت ل سوسن : عندك علم..
• سوسن : وربي لا ..🥺
• خالتي زينب : ومن امتى هذا ..
• جمال : من زمان بس كنت خايف تكون عندها حد ولا ماتبيش اقارب فا قولت نكبرو شوية ونطلبها بس مدامهم كلهم شدو حيلهم وشباب بيتزوجو وتميم طلب هدير ..حتي اني نبي سوسن 😍
• كريمه : يا سلام ع الكنه الباهية وكنة خالتها..كانت سوسن جنبها ضمتها ❤..
#العيلة كلها فرحانه
وطبعا لا انا ولا سوسن ردينا ..
مرت الليلة والشباب طلعو بيرقدو ..
وانا وسوسن قاعدين ف صدمة ..وامي وخالتي فرحانات ..كنت طالعه بنكلم ثواب ..بس وقفني فادي ..
• فادي : هدير ..مانبيش ثواب تسمع اي شيء توا تسمع امتى نكلم بوها وخوها ..
• انا : علاش مرات ماتبيش نقوللها خير ما.
• فادي وهوا ياسوي ف سوريته : مافيش بنت ترفضني ..بس ضمي فمك وما تقوليلها شي ..
خشيت ال دار نهدرزو انا سوسن ع الي صار ..شوي ورقدة سوسن قعدت انا دكرت كلام تميم جبدت المصحف وبديت نقرا شوي لين حسيت روحي خلاص بنرقد ..ورقدت 😍❤
.
.
.
.
.
.
.
#تسريع ف الاحداث ..
رجعت للجامعه وبديت كل يوم نمشي بارتياح فعلا القرآن راحه للقلب ❤..ومعاتش لا كوبيس ول أثار بدت تمشي جاء اليوم المنتظر ❤
#الخميس
كلمة ماما ام ثواب ..وامها ما رفضتش بالعكس رحبة لان ماما فهمتها ان زيارة عادية بس ف نفس الوقت مقابلة يشوف فيها فادي ثواب ..
وخالتي كريمه كلمتى خالتي زينب بتمشي تطلب سوسن ويديرو مقابلة جمال وسوسن ..وحتي خالتي زينب ما رفضتش لان اصلا سوسن عجبها الموضوع 😍❤
.
.
.
.
.
#ف حوشنا
كنت نجهز ف روحي ونلبس ونمكيج ولا كانها مقابلتي ..كلمتني ثواب
• انا : الو .
• ثواب : لوية ف هذاك اللسان بجاهك ياربي ..
• انا : وربي كنت بنقولك بس الحيوان فادي هددني انا وسوسن..
• ثواب : خليها الثانية توا نوريها حتي عليها ماقالتلي ..
• انا : هادي عندك الحق وحاسبيها بس اني وربي ما خصني ..
• ثواب : باهي باه انتو وين وهداك البارد وين ...مش حانطلعله بلا وشاح اهو قولتك ..
كان فادي جاء بيقولها هي لهدير ..بس سمع
• انا : اطلعله بوشاح ولا حتي بنقاب والله ما دخلي فيك بس ..فتح الباب ..
• فادي : قوليلها قالك فادي لو مانحتيشي بروحك نحهولك انا ...ماهو تسكر راسي مش معاي .
• ثواب : قوليلها اني وانت يافادي ..
• هدير : تي صلو ع نبي الي يشوفكم يقول بتاخدو بعض باش تنتقمو ..تحشم انت وسكري انتي والهي ف عمرك رانا شوي وجاين ..وسكرت ...جبت الحاجات الي قولتلك عليها
فادي كان لابس بدلة رسمية رصاصية مخططتة خطوط زرق رقيقة توا نوهالكم ف صور 😍❤ ولابس نظارات ع موديل قديم يهبلو 😍🥺 ريته عريس مغصبوين عليه كلنا 😂
• فادي حط ايديه ف جيب سرواله : رغم انها ما تستاهل بس ايه وغلفتهم حتي تغليف غر ترضا بس ..
• انا شدة ضحكتي و قولتها بشوية : عيني فيكم الا دايبين ف بعض ..🤭😋
• فادي : شن تمتمي ..
• انا : لا لا شيء بس ندكر ربي في سري ..ولا معاش الوحد يدكر الله ..
• فادي : وووه هي هي وقت ناس يستنو ..
• انا ههههه : ايه صح ..
وطلعنا وطول طريق يسال شن الحاجات يما حلوة ما نقص شي ..شن يما طالع حلو ..وامي ترد عليه الله وحد عليك ..وانا التالي هذا كله وع اساس تكره فيها احم تحم هههه ..وصلنا نزلت اني وامي قال شوي وجاي ..خشينا ستقبلتنا امها وخالتها وبنت خالتها ..وعطونا الضيافة ومشاءالله كانت 😍 وقعدنا نهدرزو لين امي تكلمت
• امي : وين كنتي عاد نبي نشوفها🤭😍 نديرو روحنا مانعرفوش بعض ههه
• امها : ههههههههه والله ضحكتيني يبعثلك لهناء يا نجاة ..اهو نوضي سيهام نادي لي اختك .. ناضت وشوي خشت ع اساس متحشمة وجو ..
اني نصدمت من لبستها وجمالها الي يجلط😳😍 مش هادي الي كانت حالف مش حاتطلع كان با عباية و وشح 😍..اهو نقولكم شن كانت لابسة قفطان مافيش خيوط كتفاته عريانات وهوا احمر ونصه مخدوم ركام اسود واحمر والنص التحتي ساتان احمر يهبل قصير وبشرتها وشعرها مفرود😍 تهبل امي ساحت فيها سلمت علينا وكان ناااار...
في خاطري الله يرزقك الصبر ياخوي ولا ديرلنا العار ف المربوعه 😂😍....
نكملكم غدو راهو بدوخ من ضحك😂😂😍
.
.
.
.
.
.
.
يتبع 😍🤤
الحلقة هادي كتبتها بقلب ورب واني نكتب ف الموقف الاخير من جدي ضحكت ع هدير 😂😍
رايكم وارجو تفاعل😍❤

فادي يوم المقابلة ❤

ثواب 😳❤ يوم المقابله

سوسن الي يبي يشوفها مش حانوريكم كيف لابسى غدو نهدرزو ❤

جمال ❤

اني كيف لبست ❤