جنون مابعد الولادة🤰🏻

الحلقه العاشرة 1️⃣0️⃣

#جنون_مابعد_الولادة🤰🏻
.
.
.
.
.
.
الحلقة العاشرة
.
.
.
تفاعلو 💔🤭
#تميم

قولت الخميس نمشيلهم ونتقدم ونحدد العرس لان مافيش حل تاني نحطها ف الامر الواقع 💔
..
#بعد مرور اربع ايام
ممكن اكثر اربع ايام كنت شبه ما نرقد ومن كثر تفكير وشرب القهوة ودخان 😔💔 لين جاء اليوم ..
#الاربعاء..
نضت صبح مع 8 pm صليت وطلعت عندي صالة رياضة ..روحت مع 10 لقيت مكالمات من ايهاب ..خفت نرد ندوش بعدين نرد عليه ..دوشت ..وكلمته
• تميم: صبح الخير..
• ايهاب: صبح النور ياقايد شن الاخبار
• تميم : بخير كيف العيلة ان شاءالله بخير ..
• إيهاب : الحمدالله توا انساني شوية ..
• تميم : شن فيه قول ..
• إيهاب : كلمت الي عالج مرتي واخيرا حصلته..
• تميم : تعرف استغربت غيبتك هذا ع اساس اليوم بنكلمك..
• آيهاب : اسمعني كويس ..البنت هادي لازم تتزوج لان دم 🔞 يقول يمشو معاه لم يسيل يعني تنفك التصفيحه بنفس الطريقة وتستمر بروقية سبوع ..وبعد ها سبوع تو نعرفو لو سبب التصفيح ولا حاجة تانية ولو تاخرت ف البنت حا يسبقوك السٌفلين ويملكوها وبعدها انساها ياخوي💔
كنت نسمع وانا متجلط يدوب قاعد نستوعب ..كلام ع صبح ما يبشرش نهائي ..
• ايهاب : طبعا اسائلني على هل فيه حد ضراته بشيء هذا ولا لا ...وقولته ع اختك وصاحبتها ...
• تميم : باه شن قالك ..
• ايهاب : لازم لو هما مصفاحات لازم يجو ..
• تميم : احم احم ..توا سوسن ايه ..بس ثواب شن عرفني .
• ايهاب : اسمع ياراجل المهم انا قولتلك ودير رايك ..وسكرنا وخلاني ف دوامت التساؤلات باهي شن الحل ...
دكرت ان عندي تسليم ف الجامعة نمشي للجامعة ونمر ع فادي نحدد ان الخميس وندير راي ..فعلا طلعت ..
.
..
...
..
..
..
..
#هدير
طبعا الاربعاء عندي اخره يوم😂🤦🏻‍♀️
ثلاث محاظرات وراء بعض يعني نوصل لثالثه لين نحس روحي بنموت ..بس قاعدة نقاوم انا وثواب ..
نضت الصبح بدلت وع طول جيت للجامعة ..خديت اول محاضرة بجد فشلة باش تمت مملة وطبعا ثواب ما حضرتش طبعا السهرة والهدرزة لصبح واكيد امس توكت فادي فا كيد سهرت معاه فا جت يا دوب مع العشرة واحني قريب نطلعو من المحاظرة فتحت الباب ..طردها الدكتور ...المهم مر الوقت وطلعت لقيت ثواب واقفه ..
• ثواب وهي تتاوب : صبح الخير ..
• انا : صباح النور وين مزال بدري ..
• ثواب : البارد خوك ماخلاني نرقد لصبح وهوا اسمعي ترقد نقتلك اسمع شوي ونجيك يسكر ونيتسكرو شوي عيوني وهو يرن المهم طير النوم ..
• انا : باهي توا خليني نخش للحمام لان صبح يادوب غسلت سنوني وجهي وطلعت نجري ..
• ثواب : تمام نسبقك ل كفتريا نطلب قهوة وفطور قبل ما نرقد وانا واقفه🤦🏻‍♀️😂
• انا ضحكت ومشيت سيبتها ..
وانا قاعدة ما وصلت للحمام شبحت بيبي ممكن كيف متعلم المشيء يدب ف الممر وكانه هارب من امه ضحكت بس قعدة نتبع فيه لان ما حد لحقه ..🤨 قعدت نتلفت لتالي ونلحق ف البيبي بس خطواته بدت اسرع وانا قعدت نجري وراه بس كاني نجري العكس هوا يبعد وانا نجري ف مكاني شوي وحسيت يد انحطت ع الكتفي لين سخنت تلفتت لقيت بنت وكانت أية من الجمال ..قداش ما نقول حلوة شوية ملامحه حلوة بس فيها حاجه غريبة لمعت عيونها ممكن سنونها وهي تتكلم رقاق هلبا ولاصقين ببعض ..
• البنت مبتسمه : خيرك تجري ..
• انا : كنت نلحق فيه بس ..
• البنت: من هوا ..
• انا : بيبي كان هني ..
• البنت : رجع لأمه ..
• انا : كيف عرفتي ..
• البنت : انا امه ..😈...
• انا : كيف شن تخرطي ..مدت يدها وضربتني بين عيوني ..ودخت ...
#تميم ..
شفتها واقفه وكانها تتكلم مع حد بس فجاة رجعت لتالي وداخت 🤦🏻‍♂️💔 ..مشيتلها نجري جبت شوي مية وقعدت نبخ فيها ع وجهة ..بدت تفتح ف عيونها ..
• تميم : تسمعي فيا هدهد..
• هدير بلسان شوي رزين : ايه ايه نسمع فيك ..بديت نفيق فتحت عيوني لقيته شادني ف حضنه ..ابتسامة وحاولت نوض ..
• تميم : شوي شوي ساعدي روحك ..تعالي معاي للمكتب ..
• هدير : لالا تمام .
• تميم : شن صار ..
• هدير :لا ءء
• تميم : ماتكدبيش وراس امك..
• هدير نزلت راسي : جوني تاني وها المرة بكل وضوح ..بأشكال بني ادمين
• تميم : الموضوع ما ينسكت عليه ...اسمعيني اليوم كنت بنمشيء لفادي بنهدرز عليه بس خلي نقولك الي عندي ..
• هدير خفت لما بدا تميم يتكلم بأعصابه والواضح متوتر : احكي ..
• تميم : يا بنت خالتي زوز كلمات انا غدوا بنجيب العيلة وانا انحبك ومايهمني شيء غيرك ..هذا اول شيء ثاني شيء لازم نرفعك معاي ل ...لان دواءك غادي والحل غادي ولو ماتبيش تمشيء بروحك حا نرفع معاي سوسن وفادي اصلا حتي هما ضروري يمشو ...وملا خير لو تم ربي وصار نصيب ..حانتزوجو بزبط الجمعة الي بعد هادي ..
• هدير : هلبا هكي انت مخطط ل كل شيء ع فكرة فيه ناخد رايك ..تسمعني ..نتفاهمو ..صح ولد خالتي بس بعيد عليك لا نعرف طبعك لا شيء
• تميم : يابنت الناس انا قبل كل شيء حانخاف فيك ربي ..ولو ع تفاهم بإذن الله ما يصير كان الي تبيه الا الي يخالف مبادي واني نعرفك ونعرف طريقة تفكيرك ومش حانختلفو ان شاءالله ..
• هدير 🙃: باه ..
• تميم : شن هوا الي باه..
• هدير : اقنعتني نوع ما ..بس حانزيد نصلي استخارو وربي يكمل ع خير..
طلعت كملت المحاضرات و روحت وانا ف الاساس دايخة وزاد موضوع غدو ..رجعت للحوش قولت ل ماما ..ان سوسن كلمتني وتو بعدين خالتي تكلمك ..
وفعلا العشية كلمتها خالتي وماما تنضم ف امورها ..
وقررو ان حا تكون المقابلة لي سوسن وليا ف نفس اليوم ..فا قررو خالاتي انها حا تكون ف حوش نينة
يعني اني مع المغرب وسوسن مع العشاء ..
وافقو العيلة ..
.
.
.
..
..
..
#ليلة الخميس
كنت انا و سوسن ف المزين ..والعيلة يجهزو مع بعض عند حوش العيلة ..
كنت مرعوبة مش فاهمة هل صح ولا غلط ..سوسن كانت مرتاح مبسوطة ..وشوي وجانه فادي مع العصر كملنا ..
روحنا لقينا الدنيا تلمع وبسلامتهم خالاتي كلهم تم ماعدا كريمه جت ضمت معاهم وروحت باش تجي مع ولدها بس خالتي ام تميم مافيش كيف تروح اصلا حاجاتهم قاعدات تم ماعدا الي بيجيبه تميم ..
جاء الوقت وكنا نضحكو ف ضحك غريب لان نديرو ع اساس ف جو البرانية وانا كل ما نشد ضحكتي وع اساس نديرو جو رسميات نفلقها ضحكة لين جاني فادي وقالي تعالي بوك قالك البسي مستور وتعالي ..🥶 تجمدتت وبديت نرعش ..امي هاكي معاك دخالي لولد قهوة ..
المهم اول ما خشيت وقف هو بس بوي قعد مقعمز كنت لابسى زي قفطان بنفسجي باهت رقبته V ولابسى فوق منه فرو بيج 😊..
هوا كان لابس تشيرت جيشي فيها زوز سباتي سود تقول ارهابي 😂🤦🏻‍♀️ وسروال اسود ..
عطيت لبوي القهوة بحكم كان الكبير وجيت بنلف ونسيت ان وراي طاوله 🤦🏻‍♀️😥 وبوف جت السفرة كلها ف حظنه 😂😂🤦🏻‍♀️🤦🏻‍♂️..
• بوي : ياساتر ياساتر..ان شاءالله ما نحرقت ..
• تميم : لالالا جت سالمه ..
ف خاطري مش غر سالمه وهي دخان القهوة يطلع من السروال 😂😏 وقعد يمسح ف دبشه بالكلنكس و ينظف ف سكر الي نصب ف صدره والمية المهم درتله كارثه😂😂 المهم ..قالي بوي قعمزي ..
قعمزت شوي وستاذن بوي ..وقالها فاكشي نخليكم ع راحتكم ..وطلع
اني اول ما طلع
• انا : اسفة ع الموقف الي درته بس والله ..
• تميم : عادي ما دوريش اصلا تصير ..توا هدي روحك ..واني مش حا ناكلك وحدة وحدة ..نهدرزو
وبدينا ندرزو و شوي شوي بديت طبيعية نضحك ونهدرز بعفوية .. قريب نص ساعة ونسمع ف كحت بوي البرا يعني يزي ..
• انا ضحكت : اكيد فهمت من كحت بوي ..
• تميم : ايه باه قبل ما نطلع عندك اعتراض لو قرينا الفاتحة السبوع الجاي وتكون نفسها الدخلة ..
• انا 😨: لا والله ما نقدر وبعدين ع اساس كنا مخططين كا عيلتنا بنتزوج مع بعض انا وفادي وخاصه بعد ما خطب ..
• تميم : عندي علم ع فكرة انا من العيلة ههه يعني انا فادي متفاهمين واحتمال حتى جمال بيتزوج معانا ..
• انا : شني يعني كلنا الخميس حنتنا والجمعه الدخلة مش هلبا ...
• تميم : لالا عادي حني نديروه بجو يمشي اصلا احني شباب صاحبنا نفسهم وناسنا نفسهم وليلة الدخلة نديروها ف صالة ..وتمت..
• انا : ماندري انا نقدر نبتت ونظم اموري ف ها الوقت القصير ولا ..
• تميم : ما تبتتيش هلبا الاساسي الاساسي لان اساسا بعد ما نتزوجو بنمشو ل .... حتي سوسن نفس الشيء
• انا : يستر الله ..
تميم حط ايده ع ايدي..سخنت وتحشمت ..
• تميم : ماتخافيش ان شاءالله ربي يرزقنا ايام حلوة يا حلوة ..وكان فيه بوكس جنبه كان وقاه مش زي توا كان كيف الشكارة شكلها مميز مانعرفش شن فيها ..مدهالي ..تفضلي ان شاءالله يعجبك 😊..وناض ..عادي من اليوم نبدو نهدرزو ..
• انا هزيت براسي بايه 😊..
قرب مني وباسني ع راسي الحلال قرب مش لازم ندير اكثر من هكي ..وجاء بيطلع
• انا : بترجع للعشاء ولا ..
• تميم ضحك : سلمها مرتي من توا خايفه عليه ..قرص شدوقي 🤦🏻‍♀️ ..سلام ياسويت 💋 ومشى ...خشيت قريب نرقص غر قعدت شدة روحي قدام العيلة ❤
وجاء دور سوسن ..سوسن ف البداية كانت يا ارض شدي ما عليكِ ادي بعدين بدت ترعش عاد عههههههه
وبديت نسمع ف صوت سنونها وصوتها يقطع ..شوي وجاء عيسى ..سوسن تعالي ..
كانت لابسى قفطا شامو ازرق وعقد ف رقبتها وشعرها ملفوف ع جهة ❤ كانت كيوت ..
.
.
#سوسن
كنت من بداية ع اساس شجاعة ومش خايفة وع اساس بنرفض بس ع خاطر عناده بس امتى جاء الوقت بديت نرعش وريقي يشيط وزاد لما ترقبت من السطح شافني غمزلي 🥶 وووه كيف مداير كان يهبل بس لقطته رعشتني 🤦🏻‍♀️..المهم جاء وقت الي نداني تميم 😱 قريب بنقوللهم بالله عليك لا بس تحشمت من البداية راهو رفضت شن لزني اني ...طبعا كان لابس جمال ..تيشرت ابيض وسروال سماوي وحديدة فضية واضحه من تروين وصنته سابقاته وكان ف ايده باقة 💐..
خشيت وانا نرعش ونسيت اصلا سفرت العصير لان قولتلهم مدام مانشربش ف القهوة مش حا ندخلها فا ع اساس بندخل عصير ولاني هبله نسيتها مرة وحدة 🤦🏻‍♀️😂..سلمت وقعمزت ..المهم بوي ماباش يطلع وهوا يشبحلي ..وجمال يكح مرة وتنين بعدين شكله طير هاله بوي ..
• جمال : كيف حالك سوسن ..
انا وجهي تلون مية وميتين لون تلفتت ل بوي ..لقيته يشبحلنا ف خاطري نوض يابوي بالله عليك .. وينك يا تميم
• انا بصوت اشبه بالهارب : تمام ..
• بوي : عالي صوتك الراجل مايسمعش فيك . ..
• هني خلاص فلقتها ضحكة وجتني الهستريا عاد حاولت نسكر فمي بس خلاص نشوف ل بوي نضحك تاني حاولت نتاسف بس بلا فايدة نضت ع طول طلعت اصلا خليت جمال ميت بضحك لان زبط علاش نضحك لان بوي فوق انه ما طلعش ههه وبيدخل خلاص ..نضت كيف سكرانا ونسمع ف بوي يتمتم ههههههه بس خلاص معاتش فيها العيلة كلهم يعرفو ضحكتي ف جو كلهم تميم زبط لما شدني وشبح ف دار بوي قاعد مقعمز وجمال ميت بضحك 😂😂😂 قعدت انا وهوا ميتين بضحك خلاص لين هرب نفس وجت هدير تسال ولما شافتنا بهداك الوضع وطلع بوي يقول
• بوي : ولا لا عيلة بلا تربية كلهم وطلع خط 😂😂😂
هدير فلقتها ضحكة وجتنا الهستريا وطلع خالد وتخلطت معاتش لا مقابلة لا شيء ...
ومر اليوم واحني كل ما ندكروه نضحكو ..حطينا العشاء وطبعا الشباب قالولهم ان الجمعة الجاي بتكون الفاتحة ..والغريب ان ما حد رفض ..ع خشت مرت عم ماما والي هيا عمة سوسن ..طبعا جت بنارها .
• سميرة : معقولة يا مرت خوي حتي ع بركت الله رانا بنديرو مقابله ولا اي لقطة بنت خوي الوحيدة تنخطب وما حد يقوللنا ..
• زينب : درناها عائلية بما انها خدت ولد اختي ..
• سميرة : احني توا البرانية واختك القريبة ..والله عيب ..
• زينب : عيب ع الي يدير ف العيب ..
• سميرة : ع الاقل راهو قولتو لي بنتي ولا خايفة نحسدو بنتك ع الوخدة ..
• زينب : انا ما قولت هكي بس كان انتي تشوفي فيها هكي ع راحتك ..
• سميرة شبحت ل هدير : الله الله كلكم هني حتي البكوشة محسوبة ..
• ناض تميم : عمتي احترامي نفسك بالله عليك ..
• هدير : بارك الله فيك..وطلعت ..
• تميم : ع فكرة بس لان عمتي وكبيرة الباقي راه قولت كلام غير هكي ..وطلع وراي
• سميرة : اجري اجري وراها وانتم كان مديرلنكم سحر بنات العم العزا والقهير ..
• زينب : تكلمي زي الخلق ولا اقلبي خليقتك ..
(مش خوف منها بس لانها حمواتها وتفس الوقت بنات عمها وجيرانهم ومن يومهم ما يخافو ربي يعني ديما يحاولو يكونو بعيدين ع المشاكل معاهم ..)
• فتحية : تطلعي ولا نجي نطلعك انا ..
• سميرة : اقعدو فيها ان شاءالله تخلاء وما تنبت فيها نخلة ..
• زينب : اللطف علينا برااا...وناضت وراها وهي تمشي وقاعدة تمتم..
#هدير
كنت مبسوطة لين جتنا نادرت الشوم ..ف اي شيء ف الهم تلقيها هي اول وحدة حتي لما كنت صغيرة لما صارتنا حادث هي الوحيدة حاضرة ..لما رفعونا للمستشفى هي وبو تميم بس معنا ف المستشفى 💔
...المهم امتى رمتلي الكلمة تمنيت تنشق الوطا وتبلعني 💔 وجعتني طلعت وانا دمعتي كيف النار ..
مشيت تحت شجرة الليم ودنيا ظلم قعدت نبكي لين جاني تميم ..شفته بديت نمسح ف دموعي .
• تميم : قصدك تبكي ع خاطر هادي ..احني شن قولنا ع موضوع البكى ..
• انا : وجعتني الكلمة رغم اني كنت نحساب روحي تجاوزتها بس 💔..
• تميم : ما دورهاش قوليلها بكوشة ومخطوبة خير من وحدة بلسانها وعانس ف حوش بوها هههه
• انا ههههه: عيب عمتك راه..
• تميم : تنحرق العمة الي تسب امي وتطلق النار ع مرتي ..
• انا حطيت ايدي ع خده : لالا عيب حبيبي ما تاخد ذنب ناس هكي
• تميم 😳: شششن قولتي وراسك عاوديها ..
• انا بستغراب : شن هي ماتاخد دنب...
• تميم : الي قبل هادي ..
• انا ح🤦🏻‍♀️: لا عاد نتحشم طلعت بروحها ..
• تميم : وراسك قوليها ..
• انا بصوت واطي🤭: حبيبي
• تميم : ما سمعتش ..
• انا : مشكلتك مش حا نعاودها ههه
• تميم عقد حواجبه : تعاوديها ولا ....وقرب مني
• انا : لالا والله اهو نقوله ..حبيبي عاد
• تميم : لا هكي هلبا حتي سبوع هلبا شكلي بنقوللهم غدو 😏🤭..
• انا : ايه ايه درلنا العار ..باش يطربقونا عين ..
• تميم : نهرب بيك ههههه
• انا: هيا بلا هبال ..فييييه شن هذا 🙃
• تميم : والله ماهو نا 🤭
• انا : تحشم ههههه والله فيه صنت تقول يشوطو ف راس ..
• تميم : ايه ايه صح فييييه تقول صنت شعر ..خلي نشوف وين صنته قريبة..
• بديت نلف ونشم لين نشبح كانها مرآة واقفه قدام حوض نعناع الكبير وتولع وطفي وقفت شوي وبعدين عيطت ..شن ديري ولا شن دير لان دنيا ظلام وما زبطت من راجل ولا مرأة لان كانه وحسيته راجل لانه رجليه واضحه ..لحقته بس هرب رجعت فتحت فلاش بس مالقيت شي ..رجعت ل هدير لقيتها خشت ..قعدت بيني وبين نفسي ..
شن كان يدير ولا دير انا مش متريح للموضوع 😨
شوي سمعت عيطة ..من داخل ..
.
.
.
.
.
.
يتبع
🙃غدو نكملكم لان فيه حاجة بدت توضح زعم الي فهمته 😨 مستحيل ..توا نشوفو الحلقة الجاية

....
لبست هدير ❤💋
يوم المقابله

تميم ❤
يوم المقابلة

سوسن ❤💋
يوم المقابله

جمال ❤💋
يوم المقابله❤