جنون مابعد الولادة🤰🏻

الحلقة الحادي عشر 1️⃣1️⃣

#جنون_مابعد_الولادة🤰🏻
.
.
.
.
.
.
الحلقة الحادي عشر1️⃣1️⃣
.
.
.
دخلت نجري ..
لقيت هدير باركة ع فتحية وتضرب فيها بطريقة تخوف وفتحية تحاول تبعدها والعيلة طبعا كلهم مصدومين ف تصرف هدير ..شبحت ل فادي ..
• تميم: قرب شن قاعد تتفرج ..
ومشينا جري نفكو فيهم من بعض ..بس دفتنا زوز ..
تلفتت ل عيسى ورامي وهادي ..
ياخرا انت وياه تعالو..
كانت هدير حالتها توجع القلب ..لما جينا بنقربو تلفتت لينا وكانو عيونها مقلوبات وشعرها مشفشف كانه ضاربه الضي .. وقفنا كلنا لما شبحنها هكي ..😨..فجاة عيونها رجعو 🥺 المنظر يرعش وداخت وجت بطيح ال تالي مشيتلها جري 💔 قمتها كانت عارقة ويطلع من فمها حاجه بيضة 💔🤦🏻‍♂️ وقمتها وحطيتها ع سرير النينة بس حسيتها وقفت تتنفس 😱 ..
• تميم : تنفس وقف ...
• فادي : حاول...وبدا يشبح ف نبض لقاه ضعيف.. فيسسسع قامها وطلع بيها فادي وانا وراهم ..جو بيطلعو العيلة ورانا ..رديتهم كلهم بس سوسن بدت تبكي وتتملق لين قالتلي
• سوسن : وربي لو مانمشي الا حا نقول الي عندي وبنمشي بعدين غصبن عنكم .
طلعتها ومشينا جري دخلها فادي وضربلها ابرا ف صدرها ...كان كل شيء نازل وفادي بدا يلاحظ ف أثار تطلع جهة الايدين والبطن ..😨 كانه اثار حرق بنية لونهم يرعش شوية ورجع النبض طبيعي وضغط ولا طبيعي بس الخوف كله من السكر خايفين من الغيبوبة ..
.
.
.
.
.
#سوسن
كنت ميتة طبية وربي لو يصيرلها حاجة نموت يارب ما رزقاني با أخت بس اعطيتني خير من بنت امي لو جت يارب احفظها بعينك التي لا تنام ...بجد عانت هلبا بنت كيف وصلت للعشرين الي ف سنها يتحبو وينحبو وعايشين حياتهم وهي اشبح وخراميل ..الله يسامحك يا نينة 💔🤦🏻‍♀️..تلفتت لقيت تميم شاد تلفون ويرن وشكله يتصل فيه ما يرد والواضح كان متوتر ..قربت منه
• سوسن : تميم ..تلفت ...انا أسفة ..🥺..ضمني ع طول
• تميم : ماتتاسفيش مانزلعش منك انا ..
• سوسن : والله ما قصدي ..والله نموت لو يصيرلها حاجة يا تميم ماعندي غيرها ..
• تميم : ان شاءالله ما يصيرلها حاجة ..وتطلع منها ونحاول نجري ع الموضوع علاجها بأي طريقة ..
• سوسن : يارب ..بالله عليك ياتميم ماتسكت ع الموضوع ..
• تميم : ماتخفيش ...طلع فادي ..مشيتله..شن صار
• فادي : حاليا امورها طيبة لو يتعدل سكر بس ..حا تمشيء الامور ..
• تميم : الحمدالله..
• فادي : بس ماعاتش ينسكت عليه دير رايك وكيف ما قولت الجمعة الفاتحة والدخلة ..
• سوسن : بس ..
• تميم : معاتش فيها بس اختك شبحتيها ويعلم الله شن مزال مابانش ..
• فادي : حتى الي صارلها توا واضح منهم لان بطنها ورقبتها كلها اثار مش زي هدوك متع ال🔞 بس لااا هدو كانه يحرقو فيها ...
• سوسن نحت ع ضهرها : زي هادو 😨🤦🏻‍♂️
• فادي وتميم شبحو لبعض😳
• تميم : وانتي من امتى هذا ...
• فادي : حتي انتي يصيرلك هكي ..
• سوسن : لا مش زيها بزبط بس 💔..
• تميم : وقت حشومه هوا قولي ..
• سوسن : كل موعد دورة ايجوني ها الاثار وحتي الكوبيس يكثرو ومرات ف المخاط الاخير نقعد نتخيل ف هلاوس ..
• تميم : قصدك هذا علاش ..
• سوسن : نغيب ومانطلعش من داري ومرات حتي تجيني الحال بس مش زي هدير انا نقعد واعية بس مانتحكمش ف روحي ..نخبش ونريش ونعيط بس بالكثمة لان ينربط لساني 💔 لين ندوخ ولا تجيني ثواب الفترة هديكة 💔 لدرجة امتى غيرت تلفوني درت رنتي أية كرسي ..وتفقت انا وثواب ان ف الفترة هادي كل 20دقيقة ترن عليا ثلاث اربعة مرات لين نرد وصادفة كدا مرة تجيني وتلاقني دايخة ولا مغمي عليا 💔🤦🏻‍♀️ وطبعا هذا كله باش ما تحسش ماما ولا حد من العيلة ..
• تميم : وعلاش ما حاولتي تقوليلي ..
• سوسن : لان زيكم زي الناس مرات تقولو عليا مريضة نفسية وبعدين قولت توا فترة وتمشي بس💔
• فادي : سوال كيف تخشلك ثواب وامك ماتشوفش فيها ..
• سوسن : ماهو عطيتلها مفتاح وقولتلها لو ما رديتش افتحي وتعاليلي ..اصلا حوش ثواب مش بعيد يعني ممكن شارعين وتوصل 💔
• فادي شبح لتميم : واحني ف غيبوبة ..
• تميم : ربي يقوي ايمانكم ..وبارك الله ف ثواب..
• فادي : والله مقوة قلبها موقفها جديرة تكون صديقة ..
• سوسن : هذا الي صار ..
• تميم : معنتا حتي انتي بتكوني معانا ف رحلة العلاج لازم تتعالجو ..
• سوسن : يعني بنقولو ل خالد ..باهي كان
• فادي : الي مايبيك ما نبوه لو طلع قليل الاصل بهناءها وقلة سواه ..
• جت الممرضة تجري : دكتور دكتور ..
• فادي : خيرك شن فيه
• الممرضة : المرضة ما عرفناش خيرها تعالي فيسع ..
مشينا نجرو ف وراه وقفتنا الممرضة دفيتها ودفيت عليها تميم وخشتلها 💔..كان تخبط وكانها نوبة صرع 😭 نزلو دموعي كيف ناس خفت بس تجيني الحال حتي اني لان وقتها مش حانقدر ..حاولت نشد حيلي بس نحس ف نهاية ضهري يوجع لان وقتها اخر ايام الدورة 💔🤦🏻‍♀️...حاولت نتماسك وقدمت بس رجعتني الممرضة ..واخر شيء ندكره تميم يضرب ف ابراة ل هدير وظلمت عندي 💔😭
.
.
.
.
.
.
.
#مرو 24ساعة
#تميم
اصعب 24 ساعة عليا وع فادي كٌنا مش فاهمين رغم كبر عمرنا بس الضغط الي علينا من العيلة خلانا مش متوازنين اصلا 🤦🏻‍♂️💔 ..خالد وجمال كانو يتعاركو مع العيلة بدون ما يزبطو الي فيها 💔..
.....
وقتها كانت الجمعة مع ال 10ف ليل..💔
كانت هدير بروحها ولو اتنين حتي سوسن 💔
حاولت نتماسك بس لما شبحت وجه فادي وهوا طالع تاكدت انه مش خير نهائية 🤦🏻‍♀️💔
• تميم : خير ..
• فادي : نفس العلامات بس ها المرة سوسن شوي اغمق...وين كٌنا حني نبي نعرف ..يمسح ف العرق من ع وجهة وينفخ متوتر
• تميم : المشكلة العيلة من صبح نازلين تلفونات ومش عارف كيف حانقوللهم ع العرس وهما بس بصارة بدو يتعايطو ..ولو عرفو حا .💔🤦🏻‍♂️
• فادي : كمل شن حايصير لو عرفو ..
• تميم : ما لاخير التفصيح باب رائيسي ف الي يصير معاهم بس ..
• فادي : بس شني خيرك تقطع زح نشفتلي ريقي مش وقتك حرق الدم ..
• تميم : نحس ف الموضوع سحر وخشولهم من تصفيح او ممكن سهلهم الطريق 💔🤦🏻‍♂️
• فادي : ش شن ..
• تميم : شن هوا الي شني اني توا كيف تاكدت ..لان امس ف ليل شبحت كان صدقني ربي خيال 💔
كنت ندخن تحت شجرة الليم بعد ما طلعت عمتي بعدين بديت نشم ف ريحة كان فيه حد يحرق ف راس خروف و....وهذا الي صار ..
(طبعا كدبة لان مانبيش نقوله كنت مع هدير 🤷🏻‍♂️)
• فادي بعصبية ضرب ايده ع الحيط 🤬..لين نزل منه دم ..
• تميم : خيرك ياراجل ادكر الله ..هذا نصيبهم والحمدالله فقنا بيهم قبل ما يطور
• فادي : شن فقنا ويطور اكثر من هكي بالله عليك شيبني قريب بنتفجر انا 💔🤦🏻‍♂️
• تميم : برا يا راجل اغسل وجهك وداوي ايدك نبو تهدي اعصابك مزال الدق جاي الموضوع يبي وسعة بال ...صلي ع النبي ..
((نتمنى الي يشوف "صلي ع النبي " يصلي عليه ..يشهد عليا وعليكم ربي محلاكم 💋🌺))
مشى فادي للحمام وانا كنت واقف بين الغرف شفت الممر فاضي قلبي عند هدير سوسن كنت عندها بس هدير ما شفتها نهائية ..فتحت الباب ..
كان توجع القلب 💔..اجهزة راكبة ع صدرها كانت شبه عارية متغطية بشرشف 💔🤦🏻‍♂️...وهي ف سابع حلم💔
صوت قربت منها ..فيه صوت يطلع منها كانها اهات💔
شوي قربت من ايدها الي كان فيها زي مشبك شديت ايدها 💔..ولا شعوري دموعي نزلو🤷🏻‍♂️ لأول مرة ف حياتي نبكي بعد وفاة جداي فاطمة دمعة بالكدب ما نزلت 💔 بس هالمرة نزلت غصبن عني بست ايدها ..وقعدت نتكام وانا راسي مطبس ..معقولة يا هدهد ديري فيا هكي ..ايه ايه نعرف مش منك ..بس كنت نتمنى تكوني توا تصارحي فيا ...نحبك ..ايه ايه هدي هيا ..ما ستوعب الصوت ..قمت راسي 🥺💔 كانت شبه فاتحة عيونها ..شدة ع ايدي ..ان كح كح انحبك ..
• تميم : بالله عليك ماتعبي روحك ..بس الي سمعته صح ولا ..وقمت ايدها وحطيته ع صدري ..هبلتيه يا بنت الفاتح 💔🤦🏻‍♂️🌺 بتسمت نضت بستها ع راسها ..قاومي راني بلاك نموت ..قامت حواجبها .. ايه وربي مانبي غيرك تكون بحداي ..توا ما تعبي روحك حاولي ترتاحي ..وجيت بنوض شدت ايدي ..ونحت الماسك متع الاكسجين ..
• هدير : ما تطلعش ..خايفة ..
• رجعت : مش حا نبعد والله نقعمز برا بس لان دار معقمة واني خشيت بالخنبة 💔
• هدير : بس انا خايفة ..
• تميم : ياعن بو الحكومة والقوانين الي تخلي حبيبتي خايفة ..اهو مقعمز مش متحرك من جنبك ..
نفتح الباب فجاة دس روحه وراى السرير ..ضحكت ..
• فادي : اطلع اطلع ياجون سينا 😂😂🤦🏻‍♂️
• تميم : طاح من خاتمي ريح روحك كنت ندور فيه 🤦🏻‍♂️😏🙃
• فادي : ايه صح ..هذا علاش هدير وجهة قريب بيتربق من كتم ضحكتها😂🤦🏻‍♀️
• تميم شبح لهدير : تعيشي وتفضحيني دوم هههه😂😂..مدام ضحكتي وجاء خوك خليني نمشي شوي ل سوسن 😨🤦🏻‍♂️..ارفس ياتميم
• هدير بصوت تاعب: خيرها سوسن ..
تميم شبحت ل فادي
• فادي : مافيها شيء بس قولنالها ترتاح ف دار تانية من امس مارقدتش وهي تستنا فيك تفيقي 💔
• هدير جت بتتكلم بس غلبها النوم ..رقدت 😪
فادي دارلي با ايده اطلع اطلع ..
خليت فادي يشوف ف ضغطها وسكر ..وطلع وراي ...
.
.
.
.
قعدت يومين ف المستشفى ومعاها اني وسوسن وفادي وثواب جت ف ليلة الجمعة ..وباتت معاهم ل يوم الاحد ف ليل روحنا كل حد لحوشه💔 ..
.
.
.
.
كل حد قال للعيلة انهم بيتزوجو وطبعا ارجالة وافقو بس النساوين كل وحدة تولول من جهة ..بس القرار الاخير ل رجال وتمت ..جمال قال زيني زيكم ومدامه عرس واحد ف نديروه عند حوس العيلة اريح ..
ولحد الان ما حد قال لجمال الي فيها ..
..
..
..
..
#هدير
مرو علينا ايام الله لا يعيدها بعد ما روحت من المستشفى تحقيقي خيرك وشن فيك وشن قالولك وعلاش ما خلوناش نجوكم ..💔😪
بس فادي ماسيبنيش بكل كان هوا يرد عليها وانا نحس ف روحي قاعدة مرخية ..مرو يومين نحس ف روحي شوي نشطتت كيف طالعة من الحمام رجعت لداري جتني ماما تجري ..
• ماما: نوضي نشط روحك سلم بنتي ..خالتك توا كلمتني قالت ان سوسن وانتي وحتى فادي مع بعض مانعرفش ع شني مستعجلين نوضي خليني نحجزو ونرادعو حاجاتنا ..نشوفو اكبر قاعدة ياحليل لازم نكلمت مرت عمك عيب ديما تحسب فينا وو...
• انا عيطت : خلاااااص ديري الي تبيه واشري الي يريحك عندي بتات شوي وانتي كملي عليه اني مريضة ونبي نرقد ... اصلا متفقة انا تميم مش حا ناخد هلبا دبش لان بنسافرو ..يعني شوية من دبش الحوش وشوية للطلعات 💔
جت بتتكلم رنت عليها خالتي ..
• ماما : ريتي ولا بنات اخر زمن قصدك حتي انتي والله ما عاد فهمت ..ايه عادي معنتا خليهم رجالتهم يشرولهم حسسوني بيلبسوهم لينا ..اهو نبعثلك المقاسات ..ايه ايه ..تمام حتي الالوان ..تمام ..سكري توا ام ثواب ترن ..
• ماما: الو ...الحمدالله..كيفكم ...الحمدالله ف نعمة ...اه ايه ..عادي اصلا حتي الي عندنا نفس الكلام حتي اختي نفس الشيء شكلهم مديرناها بناتهم تمام ابعثيلي وانا نشريلها ..لالا تعب كنتي راحة وانا ف هديك الساعة لالا عادي ❤زي بنتي سلميلي عليها ..تمام ..سلام
ومشت وسكرت الباب بالقوة وهي طايرتلها لان من البداية متفقين ..ان الشباب هما الي بيشرو وهكي بما انً سوسن واني مريضات وعندنا شوية بتات فا قررو الشباب انهم يطلعو بروحهم يشرولنا حاجات واصلا ادواقهم يهبلو وخاصة فادي وجمال ..بس تميم قاله اكثر من دبش الي ما يجيش تشريه لأختك (ملابس الدخليا وجو هداك) مانيش شاري اشرو برواحكم
.
..
.
.
.
#عند فادي..تميم ..جمال
وكان معنا خالد ..ف البداية خشينا كل واحدة بروحه بعدين رجعنا
• فادي : وربي ما زبطت شن ناخد الدنيا كلها احمر واخضر ..
• خالد : هههههههه كان تشوف تميم يدور ف رقم ف ال🔞 😂😂😂 قالي شن ها ارقام متع الأفيال اهما
• جمال : كان تشوف الي اني شوفته ..
• فادي : وربي ياجمال ..
• جمال: احلف ولا ...تخيلو يرفع ف خليقة الالوان لا يرضه ربي لا عبده برتقالي ع اخضر ع الطويل
• خالد : ورينا شني الي شريته يا ايلي صعب زمانك..
• جمال : لا بالك هلبا عليكم حاجات المرآة ..تحشمو ع خلقتكم
• فادي : باهي اقسم عليا اني خوها زح والله ما عرفت شن نشري ..
• تميم : وهدا اختك ضاربة فيك ودوقه وجو ...
• فادي : امبح ع اساس روح يا شلافطي ..
• خالد : باه تحشمو واسمعوني جاي ..عندي راي نخشو للمحل ..ونطلبو من الراجل الي ف المحل ياخدلنا بتات عروس لكل وحدة فيهم ويقسمهم ع خرويط ونعطوه المقاسات وتمت..
• فادي : بالله شني ..
• تميم : وربي هذا الي يصير لان معاتش فيه حل تاني
• جمال: ايه ع اساس العملي زبطنا ..
• فادي : لالا العملي ساهل غر خلونا ف اهم حاجة ..
وشباب شبحو لبعض وفلقوها ضحكه ..وبعدين كملو
.
.
.
..
مر الوقت وشرو الشباب ..
والاربعة ركبو ف سيارة
• خالد : وربي مانعرفكم ف عرسي بروووووحكم بتجرو كان فيه حنة بنديرها انتو ونسوينكم دين امكم بيطلع مانبي ينقصني شخشير ..
• فادي : وربي منور من عيوني ..لكن بجد يا شباب عندهم الحق البنات الموضوع طلع كبير ..
• تميم : اني فشلت يادوب ندوش ونرقد وين شكايري ياكمشت كلاب ..
• جمال: عطوه شكايره لهل مكلوب ولا يكرش فينا ..
• تميم : حيه عليكم لو يتخلطو ..
• فادي : ع اساس بنزبطوهم كان تخلطو ولا زمرو بالله انزل وصلنا ..
وصل وكل حد خدا دبشه ونزل اخر واحد كان خالد 😂🤦🏻‍♂️ اخرتها دبش نساوين ونبضعو ...
• خالد ل فادي : سلام يا اوختشي ..بصوت انثي مصرية😂😂
• فادي رماه بكبايت مكياطة : اقلب قلبا ..
• خالد : عيب ياحيوان خالك..
• فادي : خلخل خروسك على ها الخوالى هههههههه ..وروحت ..
.
.
.
.
.
تم اليوم وجاء اليوم الثاني كان يوم الامهات بيطلعو ع الميك اب والحاجات الاخر ..
والعرايس بياخدهم هادي لمزين ..
.
.
...
..
..
..
#يوم الخميس 🌺
كانت العيلة كلها ف الحوش ..غنى ورقيص وجو يهبل وعمات سوسن حاظرات طبعا الي هما بنات عم امي وخالاتي ..زبطو ولا ..
المهم ..
#هدير
امي ما خلتش سميرة تقرب لجهة المطبخ نهائي وين ما يطيبو لان تعرف بنات عمها وخاص نص هادي ..
جاء وقت الحنة
اني لصراحة ما نحبش ف الحنة بس حانديرها ..
• امي : كلمي تميم مرات مايحبهاش ..زييينب ..
• زينب : نعم نجاة ..
• امي : ولدك شن جوه مع الحنة ..
• زينب : تعرفي ولا مرة ركزت قولي لكنتي تساله ..
• سوسن : خالتي ولا جمال يحبها ولا يكره فيها ..
• كريمة : حسب علمي يموووت ف الحنة بس ردي روحك ما تعرفيش اسئليه ..
• فتحية : بالك عنده امكان خاصة ههههههه وغمزتلي ..
#سوسن تحشمت ونضت درت تلفون ..
• جمال : الوو ..
• فادي : ها شن تبي ..
• سوسن : بالله عليك يافادي تعطي هولي ضروري ..
• فادي : لا توا غدو تتلاقو بلا جو ..
• سوسن : تعطي هولي ولا نجيكم ونديرلكم العار ..
• فادي: وربي نعرفك كلبة وديريها ..اهو معاك..تي اح يا مسخ ..
• جمال : مالا تسبها وتبيني نسكتلاك 🤦🏻‍♂️😏
• جمال : هلا مرتي ..
• سوسن : اهلين كيف حالك..
• جمال : تمام ..شن فيه فيسع ستحشتيني ..
• سوسن : بالله سكر فمك ..
• جمال : راجلك ياحيوانه راه ..توا نوريك غدوا
• سوسن تحشمت : باهي باه ..اسمعني
• جمال: امبحي ..
• سوسن : عليك سلوب المهم اليوم حنتي ..تحبها ولا لا..
• جمال : نحبها ايه وخاصه ال ف ...قطعت ع كلامه
• سوسن : تمام مش حا ندير باي ..
• جمال : وعلاش مدايرة تلفون مالا ..
• سوسن : هكي بس ..يلا سلام ياعريس
• جمال : غدو نتفاهمو ونوريك..سكرت ...
قال يحبها ديرليهالي خفيفة لان حتى انا نحبها بس ما نبهاش ملبزا هلبا وشوشتلها ف ودنها ديريلي هني واشرتلها ع فخادي وساقية 🌺❤
.
.
.
.
.
#هدير
كلمت ثواب وقولتلها بديري قالتلي ايه بندير لان انا وفادي متفقين بندير هني وهني 🌺😏 حيونه منظمه امورها ..سكرت منها وكلمت تميم
• انا : الو ..
• جمال : اي خدمة ..
• انا : جمال بالله عليك مديروش فيا جو هذا كلمة وبنسكر والله
• جمال: سخفتيني باه هاكي ..خود يا مكلوب
• تميم : ايو حبيبي ..فيك حاجة تبي حاجة
• انا : ها حبيبي ..لالا بس بنسالك تحبها الحنة ولا نفوتها ..
• تميم : انتي شني ..
• انا : لا نسال فيك انت اني عادي يعني ندورش فيها ..
• تميم : اني نحبها عادي بس متكثريش ..
• انا : تمام حبيبي ..
• تميم : نحبك ..😍
• انا : me too ❤
• تميم : نبي نونو ..
• انا : شن هيا ...
• تميم : هيا عاااد..
• زبطه : نتحشم انا ...
• تميم : هيا تصبيرة بس 😭
• انا : امممموه ..وسكرت
.
..
..
..
..
..
#مر اليوم وحنينة بس كنت كل مانزيد نضايق سوسن شايشة وامورها تمام بس انا نفسيتي تحت الصفر برغم ان بديت نحب تميم وفرحان بوجوده وخوفه ..بس غدوا💔 اي بنت تخاف من 🔞 الا انا خوفي مضاعف شربت ماء مرقية بس العلم عند الله بيصير ولا لا..
.
.
.
.
#الجمعه_ليلة_الدخلة
#الحفلة ..
نضت الصبح زي اي عروس خشيت للحمام دوشت ونحيت الحنة وطلعت تهبل 😍❤
لبست لابسى خفيفة ..وطلعت مشيت للمزين بما ان الحفلة ف الحوش ومافيش قاعات ..كانو يجهزو ف جنان بكم كبير وبيديرو خيمة جهة الباب باش يديرو فاصل بين الشارع ونساوين الداخل 🌺
وانا وسوسن كل وحدة مع خوها ❤
انا مع هادي وهي مع سامي ..
مر اليوم حلو كلمنا حني الاثنين وطبعا ثواب بروحها ..كلمتها كانت غارقة مع بنات عمتها فا صراحة التهيت وخليتها ع راحتها ..
وجاء وقت المغرب وبديت نحس ف تقلصات ف جهة الرحم وخفت ان تكون🤦🏻‍♀️💔 مش وقتها كملتلي المزينة الميك اب ..
• المزينة : اللهم بارك ع خلق ربي 💋❤🌺
• انا : تسلم ايديك حقيقي غيرتيني
• المزينة : كان خليتني نزيدلك مكياج راهو طلعتي احلا
• انا : لالا حتي هكي يا سلام بارك الله فيك..
• المزينة : حتى فيلوك بسيط ..
• انا : ايه مانحبش المنفوخين هلبا
• المزينة : ربي يهنيكم ان شاءالله ..
.
.
.
.
.
.
.
#الشباب كانو مجهزين رواحهم وجوهم يهبل ..
لابسو الشباب
تميم كان لابس بدلة رسمية رسمية بس بدون دجكيت رصاصي داكن ..❤
فادي بحكم يلبس فيهم من قبل لبس تشيرت موف فوق منها كرفيتا حتي هوا بلا جكيت وسروال رصاصي داك ونضارات❤💋
جمال كان لابس رسمي ..جكيت ابيض بدون كرفيتا وتشريت بيضة ❤🌺
كانو اللهم بارك طروف ❤💋
.
.
.
.
.
.
يتبع
غدوا نكملو باقي الاحداث لان حلقة 1️⃣2️⃣ نحب تكون احداثها مرتبطة ببعضها ..واعدروني معليش غدوا بيكون فيها هلبا 🔞⚠️ فا نتمنى ما حد يزعل مني 💔😍
.
.
.
.
فادي ❤😍

.
.
تميم ❤وهدير

.
.
جمال❤💋

طبعا ثواب ما حصلتش كان صورتها من تالي

ليلة دخلتهم سوسن و جمال 😂
تسريب