#جنون_مابعد_الولادة🤰🏻
.
.
.
.
.
الحلقة السادس عشر
الجزاء الثاني من الاخيرة 🌺
.
.
.
.
.
علاش هكي انا ابليس انا من قريش حرام عليكم
صوتو بليز 🌻😚
الحلقة الي قبل هادي 💔
قراءة طيبة
.
.
• هدير 🥺: بالله عليك وراس حبي ستحشتهم ..
• تميم بصوت يخوف: اووووف قولنا مرة لا ..
• هدير: افمم ريحة فمك باه باه وخبطت الباب ونزلت ..
• تميم قعدت مصدوم اول مرة ديرها اللقطة وبعدين انا فمي ريحته خيه درت ايدي ع فمي اااه ..خزيه كدابة ريحته كيف قبل وبعدين ف فمي مستكة 😠 بس نفضالك ع للقطة الي دارتها 👌🏻قعدت شوي ف سيارة لين درس جمال وسوسن ..وجتني تجري سوسن 🥺🙈
• سوسن : حبيبي ستحشتك وضمتني وباستني ..
• تميم : بلا تبوديع كان ستحشتي خوك راهو درتي حتي تلفون بالكدب
• سوسن : والله..
• تميم: ماتحلفي يافرخة ..بس والله حتي نا ستحشتك..
• سوسن : وين هدو ..
• تميم : توا كيف خشت ..
• سوسن : وخيرك قولتها هكي ..شكلكم دنيا مشحونه
• تميم : مانعرفش بس بدت مزاجية وفجاة تنقلب وتوا طلعتني مش نظيفي وقالتلي صنتك خيه تخيلي ..
• سوسن : بالك عندها الحق🤣🤣..
• تميم ضربتها كف ع خفيف: اقلبي وانتي زي صاحبتك ..
• سوسن : غر اصبر شوي بالك فيه حاجة جاية ف طريق ياحاج
• تميم ضرب ع جبهته😧: زعم حيه ...وجاني شعور نبي نرقص هههههه ..قصدك بنولي بابا خههه تي بري
• سوسن : وربي اهبل غر خليني نخش نشوف الاجوا ونتاكد ونقولك ..
• تميم : منورة بكل ..
• جمال: نبي نعرف انا امتى يجي دوري نسلم ..
• تميم : ههههههه تي واااك ياعيل ..وضمينا بعض وسوسن خشت وحني قعدنا نضحكو ونبصرو
وطلعنا ف سيارة وحدة نديرو دورة مع العشاء..
.
.
.
#هدير
كنت عادي بس مانعرفش مرة مرة تجيني شعور بالكره او القرف من تميم ..بس ما دورتش وكنت عادي ..
لما وصلنا لحوش نينة خشيت كانو كل العيلة تم 😍🌺
فرحو بيا شوي وخشت وراي سوسن وقعدنا نتاعيطو ..فرحانات ببعض😍🤣
• سوسن : حيه عليك زايدة سامنة ومحلوة
• هدير : لا بالله عليك ماتقولي هكي نحس في روحي رزنت اصلا ههههه
• سوسن : اسكتي بالك فال ..
• هدير : فال ع شني ..قطعت علينا عيطت ثواب .
ورجعنا نضمو ف بعض الفترة الي فاتت كلها كٌنا تلفونات بس 😭🙈🥺..قعدنا نضمو في بعض ونضحكو ونبكو وخالاتي وامي يزغرطو ..شوي وشباب حتى هما خشو 😍..اللهم بارك عليهم😍🌺
• تميم : كملو زغريطكوم بالخبر الطازة ليكم ..
• امي : شني ان شاءالله خير
• تميم : بيجينا حفيد 😍🙈..
• فادي : ثواب حامل 😍💃🏼💃🏼💃🏼💃🏼
• وقعدنا نزغرطو ونضحكو ع لقطة فادي وهو يقول فيها ..
#خشينا درنا العشاء وانا وسوسن وثواب بنموت بضحك ع امي كيف ديرلها لثواب وماتبهاش حتي تتحرك خصوصا لما قاللها فادي ان الحمل قاعد ما ستقرش ..(ماتنسوش هو دكتور نساء )
المهم ف ليل كلنا قاعدين الشباب نهدرزو قريب ل ساعة واحد ..وقتها تقريبا شهر 2 جبنا ثلاث كيلو دمي وبدو وانا ف البداية حسيت بحاجة خيه بعدين معاتش قدرت مشيت جري ل حمام ..ولحقتني سوسن وتميم
لقوني ف حالة 💔 دم من كل مكان والسبب مجهول نرجع ف دم وينزل مني دم 💔😭
نادينا ع فادي وجاء يجري 😭😨 قال تبي مستشفى وانا كنت نحس بوجع مش طبيعي ف ظهري حاولت نكون عادي بس بنة الدم الي ف فمي خالتني ندوخ ..
.
.
.
أنت تقرأ
جنون مابعد الولادة🤰🏻
Hororجنون مابعد الولادة🤰🏻 الاسم ممكن يخليك تمشي لهبال مواضيع واساسها الولادة 👌🏻..بس الغريب ان الراوي بيكون ولد ..❤ القصة ملامحها غريبة ع عالم رويات الليبية وممكن الاول من نوعها ❤ للكاتبة Lames monje✍🏻
