جنون مابعد الولادة🤰🏻

الحلقة الرابعه💋😍

#جنون_مابعد_الولادة🤰🏻
.
.
.
.
.
.
الحلقة الرابعه 4️⃣
.
.
.
#عند هدير
طلعت لحقت ثواب ولقيتها راسها يدخن ما كلمتهاش ومشينا للكفتيريا ونا نلحق ف ثواب وهي كيف طلقة تجري طاح تلفوني وقتها تلفونات الدارجه بيلا نوكيا وجو هذا بس وانا كان عندي بيلا 🙁
طاح وتوزع ع ميات طرف قعدت نلم فيه قمت راسي لقيتها ما دورتنيش قعدت نلم ونركب فيه ولحقتها وقعمزنا ع طاولة ..وهي واضح عليها تعصبت ف سكتت ..وجت سوسن
• سوسن : اووو صبايا امتى طلعتو ..
• ثواب : ما ردتش ..
• انا بالإشارة ..ع اساس من مبكري..وجيت بنحكيلها ع الي صار
• ثواب : باهي باه وانتي تهمهمي وتصحني ف روحك ..😶😨
• أنا انصدمت وعيوني تعبو دموع 🥺 معقولة ثواب ..تلفتت ل سوسن كانت حقيقي مصدومه ..جت بتتكلم شديت ايدها ع اساس هي نروحو ..ثواب متمسمرة ولا حرف ولا اي حركه ..
• سوسن : خيرها هادي ..
• انا ماعنديش نية نشرح ونهمهم ع قولت ثواب قمت التلفون وستنيته يفتح وكتبتلها ..(زعلانه وحرجانه من موقف صار ال داخل قدام تميم وكيف مانقوللها انه ولد خالتي .)
• سوسن : حتي لو هي تعرفك انك تكرهي من اصلا يركز معاك يا ما بالك يقول هكي ..تبي توقيفه ف حدها هادي ..
• انا نديرلها بيدي وراسي ودموعي ينزلو لالالالا 🥺 كتبتلها نبي نرووووح ..
• سوسن : هي اهو نكلم تميم ولو عنده محاضرة تانية نكلم عيسى ..
• انا هزيت براسي تمام...
وفعلا تميم لما قالتله بنروح وشرحتله الي صار قاللها تمام برغم كان عنده محاظرة ثانية بس طلع وطول طريق يسهوك ويبصر ويتعارك هو و سوسن ع الاغاني هي طلع شريط وهوا يرده ...مهم وصلت للحوش وانا راسي كيف الطبل ..شكرتهم وجيت بنفتح الحوش وقفني صوت ..
• تميم : هدهد ..
• انا تلفتت ..🥺
• تميم : معاتش تبكي ماحد يستاهل ..وردي بالك تنسي الباسطي ..ضحكت ودرتله باه وباي ..
ومشو وانا خشيت ..خلي نشرحلكم نظام حوشنا ..
او ما تخش ع ايدك الايمين فيه مربوعة بابها كبير ..ومقبلها حمام ..وبعدين وسط حوش وفيه ع الايسر ممر طويل شوي فيه حمام ومطبخ ودار غسيل وجهة تانية دار قعميز والداخل بكل فيه منسوب ديار خوتي وانا وحمام جنب داري بس هما داخل ..وجنان خارجي .. خشيت ع طول لداري بس خطمت قدام دار تقعميز (غرفة الجلوس) لقيت بوي مقعمز وفي ايده دخان ..طلقت السلام ..مارد عليا فجاة خبط الباب مشيت جري بنفتح الباب ..
• بابا: ساعة لين وجعوني ادية وين خوتك قوليلهم يجو يرفعو هادو
انا 😱😰...
• بوي : خيرك..هيه نكلم فيك ...
مشيت جري لدار تقعميز نشوف ما لقيت حد 😱..شن الي يصير معاي بديت نحس كان صقعت ..ورجعت لبوي قمت شكاير الخضرة ودخلتهم ل أمي لقيتها توتي ف الحاجات لحوش جدي لان متفقات خالاتي كل وحدة دير حاجه ودير بيها كمية باش تسدنا بسلامتنا..المهم لقيتها دير ف مبطن وبراك (ضٌولمه) سفهتني قولتلها نساعدك بالاشارة ..
• امي : لالا اغسلي الماعين وديري حلو كان بديرو لان خلينا الصباية يديرو الحاجات الحلوة وطبعا خالتك فتحية ماتبيش تكون من الكبار قالتلي مادخليش حتي اني صغيرة بندير حلو وندير بيتزا ..😂😂
انا : هههههههه ضحكت وهزيت راسي مشيت ل داري وانا ف داخلي نقول ل أمتى بتقعدي ع هذا الحال لازم ندير حل 💔...
خشيت ل داري خديت لابسى بس عجبني قفطان قولت نحط عليه جكيت صوف وتمت وزوز توتا وشويت عطور مشيت خديت شنطي بناخد منه عطري ..فتحتها . اهو هني 😱😰 كتابي وين حيييه شكلي نسيته ف مكتب تميم 😱 حيه ع العار كان يشوفه اكيد بيشوفه ..كان سالني اوووف ..مافيش حل مش حا نمشي ..لالا لازم نمشي والحاجات الي بنديرهم عيب .. وامتى يسالني نقوله لفتني العنوان مش كل شيء لازم يعرفه ماعلينا ...مهم جاهزت روحي ولبست وخشيت للمطبخ وبديت نغسل ونكد وبعدين درت الكيك (الباسطي) درت تلات طواجن ..
.
.
.
.
.
.
#عند فادي ف المستشفى
رقدت البنت ع السرير الي عادة ندير فيه كشف لنساء المتزوجات وهني كانت الكارثة 💔🤢 كانت مش بنت والاغتصاب مش مرة اكثر من مرة لدرجة ان ممكن😱..
نزلتلها رجليها ونحتلها ع بطنها وحاولت ما نديرش اي ردت فعل لين نتاكد من الجهاز ..💔
ورجعت لمكتبي وكان وجهي اللووووون مش عارف كيف بنشرح ولا كيف بندير ..كلمة الممرضة الي معاي قولتها تجي تسحب منها دم وتاخد للمعمل مصحة خاصة بدون ما تعطي اي معلومات عن الحالة ..وفعلا مشت وطلعت الام والبنت وقولتهم ماتروحوش مع 12 بيجي تحليل ونشوفو شن حانديرو ..
#مر الوقت ..وجاءت الساعة 12وكملت حالاتي قعدتلي الحالة هذي بس ..وحقيقي مش عارف شن حا ندير لو حق 🤦🏻‍♂️الي ف راسي 💔
دخلو البنت وامها واستلمت التحليل وهني كانت الصدمه الحقانية 🤦🏻‍♂️ ان البنت مريضة دمها 3يعني فقر دم ..وحامل🤰🏻🤦🏻‍♂️... قولتلها نوضي ورقدت ع سرير جن الجهاز 💔 واول شيء شفته كيس وتقريبا 💔😱🤢 بنت عمرها ممكن 11 سنة حامل بس فيه حاجه غلط🤰🏻مستحيل الحمل خارج الرحم 💔 💔ربي بين عيوني والبيبي واضح كبير بين 11\12اسبوع 💔🤦🏻‍♂️ يارب حلها من عندك .....
قوتلها لازم ينزل البيبي بس بتدخل جراحي يعني عملية لان البيبي كبير 💔
• الام: كيف معنتا بوها بيقتلها ع الحالتين العملية وعندنا ناس هني تعرفنا 💔 لالا عطيني ادوية تتزلها بلا عملية يا خليني ناخدها لدكتور تاني 💔
• انا : حاجه حرام وغلط وضد قرايتي ما نديرها الحل الوحيد عملية غير هكي بنتك حا تموت ع الحالتين سوا قتلها بوها ..ولا سقطيها انتي لان البيبي خارج الرحم انا بريت دمتي ..
• الام : تمام ..شكرا ..وطلعت ..
نكدب لو قولت ندمت بس حسيت ان درت حاجه صح لان مانقدر نعطيها دواء هي اصلا عندها نزيف ودمها شوية ..
شفت ساعة لقيتها 2 ندغيرت لبسي وطلعت ..وطول طريق كان تفكير لو فطوم قعدت وصارله نفس هدي معقولة تكون ردت فعلنا هكي 💔
🌼🌼

وكأنً الزمن يعيد نفسه فقط بحٌلى مٌختلفة 💔
.
.
.
.
#عند هدير 🌼
كيف كملت بعثلي رسالة سوسن تسال شن درت وان تميم معشش ع الباسطي ..المهم ..
كملنا وبدينا نوتو ف روحنا انا وماما ع دخلت فادي والواضح كان تاعب ومرهق لأبعد حد ..
• فادي : سلام عليكم ..
• انا باشارة : خيرك ..
• فادي : تاعب يا هدو وربي نحس ف روحي جبل فوق مني ..
• انا بستغراب : علاش ..
• فادي كيف بنقوللها حتي متفتحين بس مش ع اختي اقل مافيها عيب :موضوع وخلاص شن مني وين ع خير ..😊 الحكاية كلها حوافظ شكله ...
• امي : عليك نووور اليوم خميس وخالتك وخوالك غادي بتمشي ولا ..
• فادي : تعرفي يايما تاعب ملاخر يعني يادوب ندوش ونرقد ..
• امي : ملا من بيوصلنا ..
• فادي : ولدك وين ..
• امي : قال عنده موعد مهم مش حا يرجع كان مع المغرب ..
• فادي : يعني فوتوني بطويل .. تمام هي انا ناخدكم ..
#مشينا لحوش جدي
وكان الجو يهبل كلنا تم وبنات عم ماما حتي هم جو وبدينا ف شاهي ونسكافي البنات ف جنان الخلفي والشباب ف الجنان الي من قدام وكلهم كان يقرمو ويضحكو وانا سارحه علاش انا بس مش زيهم راني توا نهدرز مش كل شيء بإشارة ..هذا علاش مانبيش نجي 💔
نضت خديت خديت (MP3 )وسماعاتي وبديت نتمشى من الجنب ونسمع ف الاغاني قعمزت تحت شجرة اليم ودنيا ضلام..شوي وحسيت بإيد نحطت ع كتفي نخلعت وشفته لقيته تميم 🥺..
• تميم : خيرك بروحك..
• انا ماردتش عليه ورجعت قعمزت ..وعليت ف صوت الاغاني ..
• تميم نحالي سماعة وحدة بصوت رجولي: انا نكلم فيك 😠
• انا وكانه هزبني ولا قالي ابكي بديت نبكي زي البيبي ضميت رجليا لصدري وحطيت راسي عليهم وبديت نبكي ..
• تميم لما شفتها هكي معاتش تحملت شكلها وصوتها الي يادوب يطلع جبتها لعندي وضميتها وهي رتخت وزادت ضمتني ..💔 خيرك هدهد من زعلك وربي نحيله عيونه والله نقتله من قوليلي : هادي زعلك.درت با راسي لالا وانا ف حضنه ..سوسن ..درت نفس اللقطة معنها ثواب ام لسان طويل هزيت براسي ايه ..هههههه ضحك تميم
• طلعت من حضنه وشبحتله🙄🥺 ..
• تميم : ابن الحلال عند دكره يبان شوفي من جاء ..
تلفتت لقيت ثواب وهي داخلة من الباب والوضح كانت تبكي وجاية ومتحشمه هي ما شافتنيش لان حني كٌنا مقعمزين ف ظلام ..جيت بنوض جبدني تميم بقوة وانا مافيا جهد جيت ف حظنه😂😂😳 وجهي قدام وجهه وانا حاول نوض شد وجهي بيديه الثنين وع طول💋
كانت طويلة حاولت نجبد روحي بس كان اقوة مني لدرجت استسلمت و💋🤤
.
.
.
.
.
.
.
.
يتبع
نعرفها شوي قصيرة بس حانعوضكم اكيد
نتمني تكون عجبتكم وتتفاعلو 💔🙄🥺 لان تفاعل مزعلني ع الاخر ..ومقدرة الي يقولو قاعدين مش فاهمين ..لان رواية مزال ملامحها مش واضحه كيف ما العنوان ❤🌼🤷🏻‍♀️😍