جنون مابعد الولادة🤰🏻

الحلقة الثانية 😍2️⃣

#جنون_مابعد_الولادة🤰🏻
.
.
.
.
.
.
الحلقه الثانية
.
.
.
.

.
.
#مر اسبوع العزاء ونينة كلمت العيلة وقالتلهم اليوم ف ليل نبيكم كلكم ف موضوع 😳💔
وجاء ليل وفعلا كلهم كانو تم 👌🏻
كان حوش نينة في صالة كبيرة ممكن تاخد 200 نفر ..
مع ال 9العيلة كلها لتمو تم ..خالاتي ورجالتهم وصغارهم ..وخالي ومرته وولده ..
• كامل : اهو التمينا كلنا شن فيه يام اهو نسمعو ..
• نينة : اسمعوني للأخير كلام هذا قولته لجدكم وجدكم وافقني ..يعني نعطيكم ف علم وما ناخد ف راي حد ..
• زينب : تكلمي يايما وان شاءالله ما نخالفوك ..
• نينة : اليوم شني ..
• نضت وكاني ف مدرسة : جمعة جمعه يانينة .
• نينة : الاحد واحد منكم ولا من صغاركم ياخدني اني وبنت زينب وبنت نجاة لتونس ..
• ماما بستغراب : وعلاش ماتقوليلي ..
• نينة : ايه ..ومش حانرجع فيها عجبك وضعك توا كان درتها كن البداية راه فطومه جنبي توا لكن لان سمعت كلامك دبرولي هي ..
• كامل : فهموني ..فهميني انتي يانجاة شن تقول امك وع شني تحكي ..
• زينب : لحظة شوي ياكامل ..يا يام هذا قضاة ربي ما يرده حد كان ما ..
• نينة : كان شني ع الاقل بنتي تموت ف سريرها تضربها سيارة اي شيء الا ..اسكتي وبدت تمسح ف عيونها ..ياناري عليك يا بنتي
• كامل : تي حني هني باش تهدرزو بيناتكم وعلاش يا يام بتاخدي البنات ..
• زينب : امك بتاخد هدير و سوسن لسحارة باش يصفحو فهمت علاش..
• كامل : شني حقا يام ..شن ه الخرفات يا راني ف ال 2000 وقريب نخشو لل2001انتي بنفس العقلية ياام الي تقولي عليه خرفات..
• نينة : خرافات وبنديره مش مستعدة نخسر بناتي ..وانا كلمة وقولتها .. وانا قولتك كان مش حاتاخدوني حا ياخدني جدك ف تاكسي ..
(ملاحظه ..طبعا ملاحظين ان جدي ما تكلمش نهاي جدي كبير ع جداي بهلبا هذا علاش واخدة الغلبة العزوز وجدي كبير ومريض يادوب يتحرك )
• جدي وهوا داهش : كح كح تبوش ناخدها امكم وتعرفوها وانا مش ناقصني تعبوني طيبو خاطر امكم والي كاتبه ربي هذاك هوا ..
• كامل : اني مش موافق و..
• تميم شبح ل خالد : انا ناخدك ياجداي ..
• خالد : حتي اني نرفعكم ..مدام امي سكرت راسها مافيهاش فا نخدوها وخلاص ..
• كامل : اني قولت حتي انت مش حا تمشي ..
• تميم : سامحني يابوي بس مانرضى جداية تركب ف تاكسي وحني قد الحيط مقعمزين وسياراتنا مرسات ..
• انا ..كان تميم يحكي وانا نسبهت🤤 فيه وكيف هكي موقفه رغم خالو كامل كلنا نرعشو منه حتي خالاتي بس اول مرة يوقف ف وجهة حد ..وها المرة تميم ❤
• كامل : دير رايك بس والله ماني راضي عليك ولا ع المشية لسحارة ..
• نينة : مش سحارة هدو ناس بيحصنو بناتكم ..بس علاش نخرف انا ما نلومك الي ما عنده بنات مايحس...قطعت عليها عيطت زينب
• زينب : ياااااما شن تقولي انتي ..
• كامل : خليها يا زينب ..كملي يا يام ..ايه ماعنديش بنات بس عندي خوتي وبناتهم حتي هما كيف بناتي ولا حتي هذي بتنحيلي فيها الحق ..وشبح لتميم ..خودها يا تميم واياني وايامك لساني يخاطب لسانك حاجه فيه هز عرش الرحمان مانقربلها ولا نرفقها ...وجاء بيمشي وقف وتلفت ل خالد وانت زيه يا خوي ...وطلع ..
• انا قريب نبكي وهما كيف يتعايطو وكلام خالو الي قريب بيطلق النار من عيونه..وانا واضح كان عليا الخوف ووجهي اصفر كنت نحاول نكون عادية زي سوسن بس للاسف الخوف كان راكبني فجاة وطبعا ما حد لحظة الحاجه هادي إلا ..تميم 😔
• تميم شبحتلها كانت قريب بتموت واحنا نتناقشو وزاد لما بوي ناض كانت الواضح حا يغمى عليها وهي اساس ضعيفة كانها جاية من صومال ههه..ووجعتني لما ريت الدموع ف عيونها خلاص
• تميم : هدير ..وشبحتلي ونظرتها كلها خوف كاني بنضربها ..سوسن ..نوضو العبو ف دار تانية ..وشبح ل عيسى ورامي وهادي حتي انتو ..
• عيسى : بس حني نبو ..
• تميم بعقدة حواجب : قولت نوضو ..
• عيسى ناض وبدا يمشي ويضرب رجليه ع الارض واضح انه متعفلق ..😂..وانا نضت خط واحد وراه خايفه ناكل تكشخا من تميم وانا من الاساس بنموت ..
#مر اليوم والقرار طلع ان بياخدونا ل راجل ف تونس ..متع الحاجات هادي ومنهم (التصفيح )🔮
...
طبعا هلبا منكم ما يعرفه تصفيح شن معنها اهو نقولكم
ايامات زمان يخافو ع بناتهم من طليان وشباب وجو هذا خرفات العزايز المهم يمشو لشباني ولا مرأة كبيرة تتعامل مع نوع هذا ويعتبر تعامل مع الجن للعلم 💔 يخلي الجن يسكن ف ارحامك ووراء غشاء البكرة بدات بحيث لو صار اي محاولة جماع بالأخص 🔞 ع طول تفشل وما يصير شيء وما ينفض غشاء البكرة ..
وطبعا تندار بانوعين توا تعرفوهم ف رواية ✍🏻
......
#يوم الاحد ..
نضنا العيلة والي كانو خالتي زينب وماما ونينة ..بس
شوي وجاء تميم ..يخبط جيت بنطلع شدتني نينة ..سلم بنتي اللبسي حاجه واسعة عيب تطلعي ل ولد خالتك هكي ..واشارت ع صدري لان كانت التيشرت لاصقة وانا مش لابسى شيء من👙..تحشمت رجعت .. ومشت سوسن جري بتفتح الباب ..
خش تميم صبح علينا وباس راس نينة وامه ..وانا كنت وكاني نحرجت وحسيت روحي خيه من كلام نينة تريته الكبر شين وانا ما عنديش علم انا مانبيش نكبر وحطيت وقعدت ف ها دواما لين نحطت ايد ع راسي ..رعشت نخلعت لان ما ركزت ..قمت راسي🙄
• تميم : خيرها الأفعه ..
• أنا نحيتله ايده : ما خيرنيش 😔
• نينة : خليها خليها حرجت لان قولتلها ما تفتحيش الباب ..وضحكت وتر كيف دارتله بفمها ع اساس عيب ..انا قمت راسي ومصدومه ف نينة شن تخرف 😨😳 ولما وقفت كلام لفيت ل تميم لقيته ملامحه عادي ..تحشمت نزلت راسي
• تميم قرب عليا كانه بيوشوش: ما دورهاش نينة كبرت هههه انتي بنوتي وزي سوسن ..
مانعرفش علاش نحرجت زيادة وحسيت كان عطاني كف ارحم وهلبا حاجات حسيتهم بس ..قطع عليا بوست خالد 😨😳هههههههه رعشت نحسابه تميم حطيت ايدي ع خدي وشفته 🤦🏻‍♀️ لقيته خالد ..
• انا : تبوس الكعبه 😊..مانعرفش ندوي ونقول كلام حلو بس الكلمه هادي من جت وصوت واحد هوا وتميم
• تميم &خالد : وكبرنا وبدينا نعرفو نتكلمو 😂😂سيدة ملعقه هههه
طبعا ما قولتلكم يسمو فيا سيدة ملعقة لان كنت اطول وحدة ف صغار 😂🤦🏻‍♀️
تحشمت وخشيت لدار فطومه الله يرحمها ..وطلعت الشنط وكانت سوسن اشبه بدايخه كانت تبي ترقد لان وقتها كان ساعة 8 المهم وطلعت الشنط وانا قريب بنخش ف دبشي 😂🤦🏻‍♀️
#تسريع ف الاحداث
ركبنا انا ونينة وسوسن ومن قدام خالد وتميم يسوق ومشينا ل ..... لمرآة اسمها مريم ..او ما وصلنا نزلو معانا الشباب ..نينة تمشي من قدام وانا شادة ف خالد وسوسن شادها تميم وقعدو يتسهوكو علينا ويعزرو فينا بالخوافت ما علينا المهم 🤦🏻‍♀️😂
خلي نوصفلكم المكان ..
كان تقريب كيف الجبل والحوش كانه كان كهف بس دروله باب كبير لونه أخضر غريب انا حسيت روحي كاني ف حياش ساحرات متع الرسوم ..جت بتخبط نينة
تميم : اهو اني نخبط يا ...فجاة تكلم راجل كلنا رعشنا من شكله 😨
رغم ان تميم كان طول بعرض مستحيل تعطيه عمره 20بس هذا مش طبيعي كان راجل واضح عليه كبير بس طوله نعطيه حتي زوز ميترو براحه لحيته بروحها بطول سوسن 😂😂🤦🏻‍♀️ المهم يرعش عينه الي ع اليمين كانها مخيطه ولابس زي لبس المغرب غر كانت شوي قصيرة 😨 صوته عاد مانحكيلكم حاجه تانية لدارجه امتى تكلم حسيت صار صدى 😂😂🤦🏻‍♀️ المهم
• راجل : السلام عليكم ..
• تميم خاف شوي : وعليك السلام ..احني ندورو
• راجل : ع الحاجه مريم تبوها تصفحلكم بناتكم ولا..
كٌنا نسمعو وحني مصدومين 😳😨
• تميم : كككيف عرفت ..قطعت عليه
• نينة: ايه ياخوي بالله عليك دخلنا رانا جينا من مكان بعيد ونبوها الحاجه مريم ضروري ..
• راجل : اهو شوي بس قرب من الباب وخبط ثلاث مرات طق طق طق وبعده مرتين سريعات 🤔علاش دار هكي ..المهم نفتح الباب لبرا لقينا مرأة كبيرة بس قصيرة قزمه وربي يدوب تنشبح لابسة كانها ردة محزم بشال احمر وكلها قربيع متع الهلال وخراميل 😨..وكانت موشمه مابين حواجبها وع خشها فيه كانه خال كبير لدرجة ملفت 😨🤦🏻‍♀️
• نينة : هادي الحاجه.. وتلفتنا مع بعض كلنا راجل ما هناش وتسكر الباب ف وجهنا وتكلمت العزوز
• مريم : مرحبتين بيكم تفضلو ...وهي صوتها رقيق لين حسيته مخيف ..
• انا : نينة أنا خايفه ...
• نينة ضمتني : ماتخفي حبيبتي انا معاك واهو خوتك جنبك ..
• مريم : انتوما ارجعو خليكم بعد وسيبو الطفلات والحاجه ..
• خالد : بس ..فنصت فيه نينة ...رجعو ..
• مريم : تعالو حداي سلم بنياتي انا وسوسن شفنا ل نينة ...مريم ..تعالو ف البلاصة تيو ..
• نينة : برو قعمزو حدها مش حادرلكم شيء ..
ولصراحه المرأة كانت كويسة وتسايس فينا وبشوية شوي جابدت كيف الي يرادعو فيها ف الحولي الجبالي كان تعرفوها اسمها (المسدة ) خيطو كلها وبدت تقول هي حيط وهوا خيط وترشني تمتم وانا نفوت فيها ونرجع تاني تخطيتها قريب سبع مرات بعدين عطني طاسة فيها شويت سكر ومية ولا شن وقالتلي اشربيها وفعلا شربتها ...قالتلي قومي اقعدي جنب النينة وبتسمت بتسامه ترعش😱..حولت ونادت ع سوسن وجابت صندوق صغير بمفتاحه يدير ف صوت رنان ..
قالتلها فوتيه وكل ما تفوتيه تضرب بالمفتاح وبدت نفس الكلام تقول فيه هي حيط وهوا خيط وطبعا زوز خلتنا نقولو فيها ..خلاص كملنا وعطها الصندوق لجداية وقالتلها ردي بالك فاطمه يجي يوم يتزوج بلا ما تفتحي الصندوق ..وتفوت المسدة ..راهي بتتبهدل ومش حاتنفتح .. هزت برسها بصدمه 😳😨لان كيف عرفت اسمها وهي اصلا ما عرفت بروحها ...
وطول الطريق قعدنا نهدرزو ..خالد قترح مدام وصلنا ننزلو نباتو وغدو من صبح نتوكلو ..وفعلا خدينا حوش وقعدنا ..مر الوقت وجاء الصبح 🌄
• تميم : والله ما خصني دورك انت اليوم انت سوق ..
• خالد : ياحيوان انت امس قولت مش موضوع نسوق يومين توا تغير رايك
• تميم : والله مافيها هلبا راه طريق تعبت دورك ماخصنيش ..سلم امره لله وخالد خدا بدا يسوق
قعدنا طول طريق نتسهوكو ونضحكو ونينة مرة تبصر ومرة تسكت وصلنا للبوابه وشباب نزلو للامن ..