الثالث :
يتنهد يزيد بهدوء ثم يبتسم في وجه والدته..
يزيد بحب: حاضر يا أمي إن شاء الله هفكر في موضوع الجواز
ده أوعدك.
سناء بحنان: ماشي يا حبيبي..تعالى بقي غير علشان احضرلك
تأكل، أحسن انت شكلك مش عجبني كأنك ماكلتش بقالك يومين.
يربت يزيد على وجنتي سناء، ثم يذهب لغرفته حتي يبدل
ملابسه لأخرى مريحة.
بعد ما انتهي من تبديل ملابسه خرج من غرفته.. و اتجه
للشرفة يستنشق الهواء حتى يسترخي قليلاً..فهو يشعر أثناء عمله انه في مرثون يتسابق
ليفوز و لو فكر أن يرتاح قليلاً فسوف يسبقه من خلفه.!
تقفز لرأسه صورة تلك الفتاة الغاضبة ذات الحاجبين
المقطبين..و غابات الزيتون الغاضبة التي تحدها صفوف من أهداب سوداء كالليل.
يمسح على وجهه بكف يده..تلك الفتاة الغريبة وجهها نحت في
عقله، لا يعرف كيف لكنه يشعر انه سوف يراها مجدداً!
يشعر يزيد بيد فوق كتفه..يبتسم بهدوء ثم
يزيد : لسة صاحي يا متر !
هيثم : طبعاً..هو أنا يغمضلي عين إلا لما ترجع الأول يا
بوص.
يضحك يزيد بسخرية: لا فيك الخير يا أخويا.. علي أساس إلي
برجع كل يوم الاقيه نايم ده خيالك.
يضحك هيثم و هو يحك رأسه : بس قلبي معاك و الله يا كبير.
يزيد : ماشي يا ابو قلب كبير يلا علشان امك بتنادي و أنت
عارف شوية و ممكن تشيل الأكل لو مردناش عليها و روحنالها..استنى هنا مالها ايدك؟
ايه الي حصل؟
هيثم : طيب يلا بينا بسرعة نروحلها و نبقى نكمل كلامنا
بعد الأكل.
يذهبا يزيد و هيثم لتناول العشاء مع والدتهما و هما
يتحدثون و يمزحون ثلاثتهم بمرح..فيزيد لا يتناول وجبة العشاء بالمنزل كل يوم بسبب
ضغوطات عمله.
