بدون سابق إنذار (هشام💑هيام)

الحلقة11

: هياام جيبيلي صباطي خفي بعتلي ميساج قالي رانا قريب عند الباب
هيام : صباطك راه قدام عينيك عميتي!؟
بسمة : الحب لي عماني الحب🤩 ما نيش مأمنة مااانييش مأمنة ضربيني ب كف بالاك نأمن...
حتى حست غي بكف في وجها حتى دارت
:"طلباتك اوامر الالة😂"
بسمة:"هيام و الله ما تحشمي ما معاكش الزعاقة 😒 ... شوفي خدي حمار "
هيام :"نوغمال باش يحسبوك راكي حمرة مالحشومة🤭"
"خفو رواحكم لبنات راهم جاو "... ماماها تاع بسمة تعيط عليهم
"بسمة انا نروح نقابلهم مع العمة و نتي كملي وجدي روحك "
هبطت هيام تستقبل الضياف مع ماماها تاع بسمة صابت نسا اللي جاو مريحين فالصالون راحت تسلم عليهم

:"هيام!؟ بنتي راكي هنا؟ "
:"يا طاطا زهية !؟
سلمت عليها و عنقتها و زيرت عليها
زهية:" كيراكي بنتي سقسا عمك سمير باك عليك و قاله راكي رحتي باش تقراي ... قوليلي صحتك راها مليحة ... و كي راكي مع القراية"
هيام:" لباس الحمد الله طاطا و الله توحشتك ماجيتش لعندك لخاطرالعطلة فوتها عند ميما القراية صافا راكي عارفة ... و العروسة صاحبتي جيت نحضر خطبتها "
و يدخل فديك الدقيقة السي هشام مع نسيم و ولد عم بسمة ...

:"يما مادابيكم نديرو الخاتم دروك ياك راحنا متفاهمين على كلشي انا نروح عيطولي الخدمة و راكي عارفة ما نقدرش نبقى حتى العشية "

هو يهدر مع ماه و منتبهش للبنت اللي راها واقفة معاها

:"يا نندب! طاطا ما تقوليليش هادا ولدك اللي كنتي تقوليلي عندي ولدي خدام ميليتاغ و ضلي تبكي عليه!؟ هاد الوجه المقزدر الناس تبكي عليه! تهنيتي منه ... بسمة اللي رايحة تنبلى بيه!
يا طاطا راكي سوغ ولدك!؟ ما بدلوهلكش؟

:"اوااه نتي نكسرلك فمك "
زهية :" خلي بنتي ما تهدرش معاها هاكا راه الضرب لي ماكليتهش في صغرك نضربك عليها "
هشام بقى حال فمه و كيفاش ماه لي تموت عليه تهدر معاه هاكا على وحدة ماتعرفهاش !
هشام:" و مين تعرفيها هادي ؟"
:" هادي راها بنت صاحب باك محمد و مها الله يرحمها كنا انا و ياها كالخواتات ووصاتني عليها ... وواش الحكاية بيناتكم و من وين تعرفو بعضياتكم
هيام :"سقسي ولدك ا طاطا انا كنتي تحكيلي بلي عاقل و يحشم بصح و كان تشوفي واش دار....
حس هشام بلي رايحة تحكيله على بسمة كي بغات تنتحر على خاطره ...شدها من يدها و جرها
:" سمحولي نعطيها حاجة تديها لبسمة و نجي "
قعدو يضحكو و يقولو بلي ما قدش يصبر حتى تهبط لعنده راح يزيفط صحبتها تجيبها

جرها و خرجها للجاردان
:"شوفي يا بنت الناس الله يخليلك اللي عزيز عليك خلي الواحد طرونكيل و شدي فمك و باالاكي تغلطي و تحكي لكاش واحد ديك الحكاية "
هيام:"ااي يدي وجعتني "
هشام فاق على روحه بلي راه مزيرلها على يدها حتى ولات حمرا طلقها
هشام:" نتي وصلتيني ! و فمك هادا شديه ما علموكش داركم تهدري بالعقل!"
هيام:"عندك تعاود تحط يدك عليا!" شافت فيه و عينيها حومر على خاطر جامي و لا واحد تجرأ و دارلها هاكا
خرج نسيم لعندهم يجري :"يا هشام كاريتة ...ودرت الخاتم لي مديتهالي باش تركبها لبسمة
هشام:" ااه يا ربي و على لي يتكل عليك ... كيش نديرو دروك ...وين طيحتها؟
نسيم:"و الله ماني عاقل بالاك نكون نسيتهافالدار "

هشام:"مصيبة هادي "
هيام:"هادي اشارات معند ربي سبحانوباش يبعد شرك على بسمة مسكينة😥 ظهر الحق و زهق الباطل"
نسيم:"😂😂😂"
هشام :" راك تضحك فعوض اللي تروح تحوس عليها "
نسيم:" انا نروح نحوس عليها فدارناو نتا روح حوس فداركم الصراحة و الله ما عقلت لا خليتها فدارنا و لا فداركم"
هشام :" لا كملت هنا راك كترت و انا لي حمار و استحفضتك عليها"
خرجت مااه تاع هشام تشوف شا كاين خاطر طولو
قالولها
:"هشام دي معاك هيام لا مصبتوهاش ديها عند الصياغ لي حال غي من هاد الجيهة تختارلك وحدة وخفو راك بهدلتنا"