بدون سابق إنذار (هشام💑هيام)

.....

طلعها لشمبرته و هي لاعبتها مازال مغاشية 🤭
حطها فالفراش... و بقا يضربها بالسقلة باش تفيق ( تفو عوجتلي حناكي يا وجه المقلة)
و لعبتها شادة فيه و حلت عينيها مدبلتهم و قاتله:" ه..هشام "
:" وي هيام صافا راكي مليحا "
:" قعد معايا 😢"
:" راني معاك رقدي "
قربها لعندها و زير عليها و رقدها لعنده....
و حنان كانت لتحت تغلي و جنون سيدي ربي مداورين بيها(دارتها بلعاني ماكان بيها والو باش تفرقني على هشام... بصح هو طول عمره ليا و يدور يدور و يبقا ليا ) 

فاق الصباح هشام صاب هيام راقدة و محوطاته بيديها ما بغاش يفيقها و لا يتحرك بقا هاكاك حتى حس بيها بدات تفيق...
:"😰😰😰 شكون جابني لهنا"
:" ايه كيما المرة اللي فاتت ضربك حمار الليل و جيتي لهنا رقدتي "
(ممم هاد المرة حمار الليل انا اللي ضربته ماشي هو اللي ضربني... انا لي زوم يا محاينك)
:" أي راسي راه ضرني.... ما نيش عاقلة مليح ... عقلت غي مين كنت مدابزة انا و حنان و .. من بعد مانيش عاقلة "
(الصراحة كنت حالة شوية من عينيا و شفتها كي كانت رايحة تطرطق 🤣)
:" ايه من بعد عييتي خاطر كنتو عادا جايين و نتي فرماجة غي هاك تغاشاي"
ناضت ضرباته بالوسادة :" شكون الفرماجة شكون"
:" حبسي التمصغير ...حبسي"
زادت ضرباته حتى عترت و كانت رايحة طيح... و طاحت فاللرض ههه واش كنتو حاسبين ماشي يجريلها بسرعة الضوء و يشدها فالوقت بدل الضائع هههه و الله غي كلاتها طريحة مكمدة
:" 😢😢😢 ااه يا ضهري و ياا ضهري نقسم"
:" نتي و الله لواحد لا حار فيك تقول لواحد جاب طفل صغير يربيه و صابر عليه لاخاطر والديه سامحين فيه "
ناضت و شافت فيه:" انا والديا ماشي سامحين فيا ... ماما ماتت حاجة تاع ربي و بابا كبرني و ردني مرا "
؛" ااه يا ربي كيش و مين تفهمي نتي ... راني على التمهبيل نتاعك ماشي كيما فهمتي "
:" حتى واحد ماراه مسيفك عليا ... "
و خرجت مالشومبرة و هو لا حقها و يهدر و هي دايرة روحها ما تسمعش ...
راحت توجد القهوة و هو موراها و هي كيف كيف دايرة روحها ما تسمعش
مرة كانت رايحة تغسل الكاس و يجبدها من يدها و يضربوها بزلقة بين زوج ... جات طايحة و هو جا فوقها حتى تدخل زهية عليهم:" احم احم ... كملوا كيشغول ماشفت انا والو راني رايحة نصلي "
:" لا طاطا ماشي كيما فهمتي .. لا"
هشام :" خليها ياك راحت... واش فهمت زعما🙄  فهمبني"
:" و واش .. مانيش فاهمة "
:" ممن نفهمك واش كانت حاسبة ... "
و باسها و هي بقات جامدة في فبلاصتها..:" هادي باش كي نقولك المرة الجاية سمعيلي تسمعيلي "
بعداته بيديها و ناضت تجري :" انا نروح نوجد القهوة "
:" انا ني خارج خاطر تقهويت... ما كرهتش و كان كل يوم الواحد يتقهوى هاكا "
:" تتقهوى بالرهج نشاء الله "