بدون سابق إنذار (هشام💑هيام)

.....

:" بابا و علاش و ياك وعدتني ندي لي نبغيه "
:" كنت حاسبك واعية و عاقلة و تعرفي صلاحك  و رايحة تخيري انسان يليق بيك بالصح كنت غالط مازلتي صغيرة في عقلك و باغية ضيعي حياتك مع انسان رايح يتزوج بيك شهر و لا شهرين و من بعد كل واحد يروح في حاله ... راكي حاسبة الزواج لعبة نتي ... الصراحة انا عييت نا نساعف فيك و كل مرة نقول درك تترزن بصح نتي لا ...
شوفي و اسمعيني  مليح انا راني خيرتلك الانسان اللي يقدر يصونك حتى و كي مانكونش معاك... انا مارايح  ندوملك... "
:" بعيد الشر عليك بابا😥"
:" خليني نكمل هدرتي... انا خيرتلك و مارانيش نخير فيك هادا قرار "
شافت في جوناثان و قاتله بالعربية باش ما يفهم والو:" يعني حتى نتا ماعندكش الزهر كنت حاسبة غي هنا فالدزاير الزهر هارب ... قطعتك البحور و دروك ماشي تولي وحدك😒 ... "
عاود دارت تهدر مع باباها:" بصح شكون هادا!؟"
:" هشام "
:" و كان يبقى غير هو ... يا بابا انا بنتك علاش راك ديرلي هاكا"
:" راكي تشوفي فيا غول... رسلك باباك تقراي و لا ديري الفتوحات الاسلامية... جايبة هاد المخلوق معاك و فرحانة بروحك"
:" بلع ماكان مادخلك فيا ... راني نهدر مع بابا"
:" هيام! عرفي واش راكي تهدري هادا رايح يولي راجلك تسمعي !"
:" مانيش قابلة"
:" إلا نا قبلتيش  بيه نساي باش نحلك  الكلينيك لي وعدتك بيها و نساي تبقى معزتي ليك هي نفسها ...خاطر بنتي الي ربيتها  تسمع كلامي و مطيحش هدرتي فاللرض ..." وخرج
:" كليت لبابا راسه و لعبتهاله ملايكة على بيها راه متأتر  و الله غير ستنى لا مقتلتكش"
:" ههه باي مرتي ... و ردي هاد الخردة لي جبتيها معاك لبلاده"
خرج حتى هو و خلاها تغلي و هي تحلف  و تتصحف باش يخلصها غالية
فهمت جوناثان بلي باباها مابغاش و هو تفهم(🤭 يعني ماشي كيما الأوباش اللي عدنا و كان جا جزايري يسمعها ما لا يسر الاذن 🤣...
راحت غلقت على روحها فالشومبرة و بدأت تخمم عاود  عيطلها باها و قالها بلي توجد روحها غدوا راهم جايين هشام و زهية يخطبوها رسميا:" بصح .. بصح مازال ماقبلت"
:" راني نخبر فيك مارانيش نشاور فيك" و كوبا عليها
ناضت الصباح و هي  حالفة باش تشرب من دم هشام
:" لبسي قشك خفي راهم قريب يوصلو"
:" صحا ميمة  دوك نوض نلبس"
جاو استقبلوهم و بقاو يستناو في هيام تدخل
حتى جات لابسة بيجامتها اللي كانت راقدة بيها و شعرها ماشي ممشوط و تتمشى و تتفوه
:" صباح الخير عليكم"
ايناس:" اواه البنت هبلت رسميا"
:" واش هاد التبهدايل يا بنتي وين راه قشك! "
:" ني لابسة ميمة تشوفي فيا عريانة"
و راحت عند زهية اللي كانت حتى هي مخلوعة و جايها الضحك:" طاطاا توحشتك و الله "
:" و الله حتى انا يا بنتي ... و قاتلها في ودنها:" ماديريش عليهم كيما تكوني الله يبارك غزالتي شابة"
:" غي نتي اللي تفهميني طاطا🤭"
دخل هشام و باها و سمير باها تاع هشام  و هشام اللي بقا خال فمه كيش وحدة تخرج هاكا للخطابة تحسب طاحت مالفراش و ناضت ديراكت 🤣
باباها بقى يشوف فيها شوفة ما تعجبش.

سقساها باه تاع هشام لا راها موافقة طلبت منهم يخليوها تهدر مع هشام قبل

خرجو بطبيعة الحال و خلاوهم مع بعض
:" كيفاش تقبل على روحك تعيش مع وحدة غي باها سيف عليها باش تقبل بيك "
قربلها و قالها :" خاطر ني عارف بلي كيما كان شي نهار و بغيتيني تولي تبغيني "
:" هاد الهدرة اوبليي انا نسيته بالمرة و نسيت ديك الحكاية لا راها عادا في بالك مادابيك تنساها"
قربلها حتى ما بقى بيناتهم والو... :" راكي منك صح نسيتيها ... و لا نسيتيها نقدر نفكرك"
:" بعد... بعد عليا "
هو جا ماشي يزيد يقربلها ما حس غي بكف على وجهه لتما و لا ما يصلحش:" نتي تحطي يدك عليا! "
هي جات هربت و خرجت ما عرفت ما دير و هو خرج يجري من موراها حالف عليها .... كي خرجت صبتهم يستناو فيها ...
:" واش موافقة بنتي؟"
:" دارت صابت هشام يقولها براسه لا ... :" قوليلهم لا "
سكتت و هو عاود سقساها:" موافقة بنتي و لا لا "
:" واه عمي موافقة"
بقاو يسلمو على بعضاهم و يباركو لبعضياتهم
قرب هشام من هيام:" تخلصيها غالية ..  ماشي قتلك قوليلهم لا "
:" الصراحة الحاجة اللي ما تريحكش تريحني"
شاف فيها و تبسم:" دوك نوريك الراحة كيش دايرة"
:" بغيت نقولكم حاجة انا رايح ندي معايت هيام لوين نخدم ما نقدرش نخليها هنا وحدها ... و العرس منا على شهر "
هيام:" راك تضحك ياك"
هشام :" لا يا عمري انا ما نضحكش😏"