انا حاكم الخدمة تاع بابا و وصلتنا طلبية باش نعدلوا الماسة اللي فالتاج تاع الملكة اليزابيث
واحد المافيا كي سمعت بلي هاديك
الماسة راها لعندنا حبوا يتفاوضوا معايا
على سعر و مبيعهالهم و ما حبيتش نبيعها راحوا خطفوا ختي و قالولي و كان ماتجيبهاش نقتلوها رحت خدمت واحدة
فوطو كوبي عليها و ديتهالهم ردولي ختي و انا رفدت كامل لافامي و ديتهم للبلاد هوما فاقو بلي مكلخة خطفو حبيبتي عاود و قالولي هاد مرة و كان ماتجيبش الأصلية رايح نقتلوها ايا قلت لبابا بلي خطفو لماسا
و ماعلاباليش شكون و رايح نولي لندن
باش نشوف القضية هادي بابا راح ديكلارا
و بقاو يفتشو فكامل المطارات بالاك
كاش واحد يكون مهربها... كي جيت
هابط سمعت يقولو بلي لا بوليس راهم يحوسوا على كاش حاجة كانت انصاف
راكبة قدامي و كانت راقدة شفت بلي
دايرة سنسلة مهادوك لي فيهم قلب
يتحل حليته و حطيته وسطها و بقيت
نحوس كيش نتقرب منها باش نرفدلها
السنسلة قلت لواحدين يتبعوها و انا
لعبتها سلكتها منهم و بالصدفة خرجت
نعرفها قلت صايي نقدر بسهولة نرفدلها السنسلة و بلاما يقربوا عليها العصابة
هوما كنت قلتلهم بلي راها معاها راحو خطفوها... الحاجة اللي مافهمتهاش قلتلهم
دوك نجيبها عليكم علاش خطفوها
ماعرفتش!
اشرف:" تيليفونك راه يصوني شوف بالاك هوما"
ادم:" الو علاش ماشي هاكا تفاهمنا! "
#:" ههههههه يعطيك الصحة جبتلنا الماسة
و بنت تهمنا بزااف رايحين ماشي غي
نردلك حبيبتك نزيد نخلصك مالفوق"
:" واش !؟ واش تصحقو من انصاف
ديتو واش بغيتو نسحق لبنات في زوج!"
اشرف همسله في ودنه:" قولهم فالليل
نجي ندي حبيبتي... وخليني انصاف انا نجيبها ... روح خلينا نفهمو لحكاية. و علاش يحتاجو انصاف...
بقا ادم يستنى فالليل كي المهبول
اشرف:" نرجهعوهم ماتخافش ياماتعاملت
مع ناس كيما هادو و هادا شحالو انا
نحوس على هاد الجماعة و ليوم جابهم
ربي بين يديا
ادم:" راهم يعيطو... انا نروح.... توعدني
بلي ترجع انصاف خاطر راني حاس بالدنب دخلتها فصوالح دونجي و هي كانت دايرة
فيا ثيقة"
اشرف:" ريتاج ماتخافيش دوك نرجعوها...
ادم هايا روح و انا راني موراك "
راح ادم تتلاقاهم وسط واحد الغابة
جاية معزولة
؛" ها هي مامسيناش شعرة منها ...
و قالك المعلم صحيت على البونيس لي زدتهوله راه فرحان بيك و قالك يديرونجيك
أي واحد عيطله منا و هاك"
ادم:" حبيت نفهم برك واش هي قصة
انصاف و علاش راكم شادينها"
:" ايه قصة طويلة ... نتا كي
قلتلنابلي الأمانة راها عندها حوسنا عليها شكون و كي دينا الهوية تاعها المعلم قال
بلي هي بنت واحد الزوج كان يسلهالهم
من هادا فايت 25 سنة و هوما اللي
دخلوه للحبس و جدها كان السبة
فموت صاحبه و كي بغا ينتاقم لصاحبه خطف الام تاعها و سلكها اب انصاف
و دخله للحبس كي دخل للحبس تلاقا
بواحد السيد كبير كان رئيس تاع مافيا
و مطلوب دوليا كتب عليه كامل واش
يملك وولى هو شاد الأعمال تاعه هنا فلندن
و كان حالف ينتاقم مي مالقاش كيفاش
و اليوم راها جات بنته لعندننا برجليها
أنت تقرأ
بدون سابق إنذار (هشام💑هيام)
Romanceقصة تدور أحداثها حول فتاة متهورة و شاب طباعه حادة ...فهل ستستطيع التعامل مع برودة مشاعره و أعصابه سريعة الالتهاب 🤔 و كيف سيلعب معهما القدر لعبته المعهودة لكي يجمع بينهما رغم كل الاختلافات و الخلافات التي بينهما و كيف ستنقلب حياتهما من بعد أول ل...
