:"نوض هشام نوض الله يخليك ... حل عينيك ماديرليش هاكا نوض ... "
قعد مرة يحل عينه يشوف فيها و مرة يبلعها حتى راح في دنيا وحدوخرى
عيطت الاومبيلونس جاو داوه و هي تدعي في ربي ما يكون عنده والو...
قعدت برا تستنى حتى شافت زهية داخلة تجري و تبكي
:" هيام بنتي واش بيه ولدي ... يا ربي عندي غي هو ... يا ربي "
خرج الطبيب و قالهم بلي الحالة تاعه راها مستقرة و ما عنده والو خاصه يريح يامات فلوبيطال من بعد يقدر يخرج
هيام:" يا ربي الحمد لله يا ربي " تعانقو هي و زهية و قعدو يبكيو
زهية:" واش صرا يا بنتي ما فهمت والو... انا جا الصباح سقساني عليك قتله راها تقرى من بعد قالي راني رايح لدار عمي الله يرحمه نشوف لؤي ووصاني قالي كي تجي هيام قولها تستناني ما تروحش للاقامة خاطر انا قتله بلي قبلت تبقى معايا بشرط كي تجي نتا هي تروح... من بعد ما فهمت والو حتى عيطولي قالولي بلي... واش صرا يا بنتي؟"
حكاتلها هيام واش صرا
زهية :" يعني لؤي يطلع منه هاد الشي كامل! "
دخل باباها تاع هيام يجري لوبيطال
:" هيام بنتي راكي مليحة! مادارولك والو .. وين راه هشام.. راه مليح؟"
زهية:" راه قالنا الطبيب راه مليح شوية... الحمد الله يا ربي خرجت سالامات كانت رايحة تجي في واحد فيهم و ربي ستر"
محمد باها تاع هيام:" ما نسالكمش خيركم و كان ماشي هشام وكان وخدني في بنتي ... راحنا صبناه و يخلصها غالية... سمحيلي ختي زهية بزاف "
زهية :" واش مسماح خويا محمد هادي راها بنت لغالية و بنتي كيما راها بنتك... وخيرك سابق وقفت معانا فالوقت اللي ما وقف معانا حتى واحد"
:" واش من خير زهية ختي انا و سمير خوت و اللي ضره ضرني.... المهم انا ندي هيام معايا اللي صرا هاد المرة ما نيش باغيه يتعاود"
زهية :" و علاش راك راها معايا و ضرها حتى حاجة و بزاف عليها تبقى كل مرة تبدل الجاميعة و نتا كل مرة و وين تروح .."
هيام :" ما عليش بابا خليني نبقى هنا والفت و نا بقاليش بزاف و نكمل القراية"
محمد:" بشرط ما تزيدي تخلطي روحك مع حتى واحد ... راني وصيتك تبقاي بعيدة على المشاكل و اي حاجة تقوليلي بصح نتي لا "
زهية :" كونك هاني خويا محمد راها على ضمانتي"
محمد :" ايا بخاطركم انا نروح نكمل التحقيق مع هاداك "
هيام :" طاطا روحي للدار تريحي و انا كي يفيق راني نعيطلك "
زهية :" واه بنتي حتى دوا ما جبتهش انا نروح نشرب دوايا و مع يحل عينيه عيطيلي الله يرضى عليك"
دخلت هيام و بقات مريحة حدا هشام و تستنى فيه يفيق شافته بدأ يحرك يده شدتهاله...
شوية هاكاك و دخلت بسمة تجري و هي تبكي ... دخلت صابت هيام شادتله يده
بسمة:"😥😭😭 هيام واشبيه حبيبي واشبييه"
هيام:" مابيه والو راه مليح"
بسمة:" كلشي منك نتي علاش دخليه في مشاكلك علاش و كان صراتله كاش حاجة"
هيام ماهدرت والو عرفتها راه تحت الصدمة
نحاتلها بسمة يدها و شدت لهشام يده :" نوض حبيبي نوض "
خرجت هيام باش تخليهم مع بعض و في قلبها حاجة تحرق فيها ما عرفتش علاش كانت باغية تكون أول وحدة يشوفها هشام كي يحل عينيه
بدأ هشام يفيق:"هي..هيام راكي مليحة "
بسمة حست بموس في قلبها:" هاني هنا حبيبي قدامك انا بسمة ..."
هشام :" هيام وين راها ... راها مليحة "
بسمة :" ريح هشام شوية راها فيك شوية تاع الحمة" و هي تقلبله في وجهه بيديها
جات هيام داخلة تشوفه لا فاق شافت بسمة معاه و مقربتله ولات خرجت و حست النفس مقطوعة فيها
خرجت لبرى و عيطت لزهية تخبرها بلي فاق
ما طولتش بزاف و كانت لعندها
:" طاطا انا نروح دروك كي جيتي نتي و ديجا بسمة راها معاه"
:" واه بنتي روحي ريحي شوية فالدار راكي ما دقتيش الماكلة و رقاد "
:" صحا طاطا"
دخلت زهية صابت هشام يسقسي فبسمة على هيام
بسمة:" راها فالدار راقدة نتا كليتها و هي سلكت كي الشعرة مالعجين بسبتها كنت ماشي تموت و نقتل روحي موراك "
ما شافتش زهية بلي راها موراها:" بعيد الشر على ولدي و حرام عليك تكدبي على البنت راها مالبارح و هي دمعتها على خدها ما كلات ما شربت و زوج مرات و هي تتغاشالنا و نفيقوها و هاكاك و قاتلي روحي للدار و هي بقات معاه حتى جيت انا باش راحت "
بسمة هاديك الدقيقة كانت باغية تجيف زهية.. " المهم كلشي بسبتها"
زهية :" تقدري تروحي بنتي دوك يتقلقو عليك داركم راكي تشوفي راه مليح دروك الحمد الله "
حست بسمة بلي زهية ماهاش حاملتها ناضت سلمت على هشام قدام زهية لا حيا لا حشومة:" صحا حبيبي غدوا نجي نشوفك فالدار " و دارت شافت في زهية و راحت
زهية في قلبها:" هادي لي قالك تمسكن حتى تمكن "
أنت تقرأ
بدون سابق إنذار (هشام💑هيام)
Storie d'amoreقصة تدور أحداثها حول فتاة متهورة و شاب طباعه حادة ...فهل ستستطيع التعامل مع برودة مشاعره و أعصابه سريعة الالتهاب 🤔 و كيف سيلعب معهما القدر لعبته المعهودة لكي يجمع بينهما رغم كل الاختلافات و الخلافات التي بينهما و كيف ستنقلب حياتهما من بعد أول ل...
