بدون سابق إنذار (هشام💑هيام)

.....

ناضت الصباح وجدت القهوة
:"كي النحلة تبارك الله على بنتي تصبحي ناشطة "
:" صباح الخير طاطا"
:" صباح النور بنتي العزيزة "
:"طاطا انا نروح نقرى ... تهلايلي فروحك 😘"
:" و الله يا بنتي والفتك و راني وحدي راكي عارفة ما معنديش بنات عمك راه على العام مسافر و ولدي راكي شفتي نشوفه  مرة فالشهر ... وكان غي تبقاي معايا راني طلبت باك قالي شوفيها هي ... راكي عارفة زيد مع مرضي و كان نموت ماكانش اللي يعرف"
:" بعيد الشر عليك ا طاطا  ... انا نبقى معاك بشرط كي يجي ولدك طاطا نروح ..."
:" ماديريش عليه ابنتي  ملي كان عنده 14 عام راح للعسكر و ملي مات صاحبه زادت صعابت عقليته وولى غي منارفي و مقلق ... صحا بقاي معايا و كي يجي روحي "
:" ايا صحى طاطا عشية نشاء الله كي نكمل قرايتي راني نجي لعندك"

في الجامعة

شهرة:" صباح الخييير توحشتك"
هيام:" انا تهنيت منك 😌"
شهرة:" لا علاقة بالمشاعر😤"
ريحت تحضر المحاضرة  فتحت الصاك تاعها باش تجبد الكراس اللي تكتب فيه الملاحظات حتى طيح منه ورقة...
" سمحيلي ماشي بقصدي هدرتلك هاديك الهدرة كنت شوية مقلق و جيتيني فالطريق ...
ها هو النيميرو تاعي لا سمحتيلي بعتيلي ميساج و قوليلي سمحتلك"
"😒  شحال قديم فتخمامه كاش واحد بقى يخلي رسالة باش يطلب السماح 🤨"
:" معليش نريح قدامك ختي؟"
هيام:" راك ريحت😒"
:" لا عندك مشكل نوض "
:" وعلاش يكون عندي مشكل القاعة تاع المحاضرة ماشي نتاع بابا باش نطردالناس ....
الصراحة  و كان جات تاع بابا واحد فيكم مايدخلش"
:" هههههههههه و الله إلا نتي وحدك .... اسمي رضا متشرفين"
:" متشرفين خليني نتبع لا بغيت"
رضا:" تبعي تبعي بالاك تفوتك كاش حاجة باينة فيك بلي خباشة كبيرة"
هيام:"😒"

خرجت عشية راحت تلاقات زهية موجدة القهوة فكرتها بمها راحت تجري عنقتها و بقات تبكي
:" صايي بنتي بركاكي مالبكا غسلي و فوتي تقهواي معايا مقبيل و انا نسنا فيك"
والفو بعضاهم بزااف و لاو كيما الام و بنتها
.

......

رضا و هيام طاحو  مع بعض  فالسطاج  و و لاو صحاب يريفيزيو مع بعض و يريحو مع بعض بزاف ... كانو الميولات تاع رضا و هيام بزاف متقاربين و خصوصا فحبهم للمطالعة كانو يقراو الروايات مع بعض ...
فاتو ليامات هاكا ...

........
:" الو هيااام 😭😭😢😢😥😥"
هيام:" ايناس؟"
إيناس:" هيااام جريليي يا هيام"
هيام:" شا كاين هدري!"
ايناس :" لؤي لقيته خادعني مع وحدة و كي قتله نحبسو قالي نوري تصاورك و لكونفارساسيون تاعي معاك لخوك"
هيام:" مازال باقي شعب يهدد هاكا😂"
ايناس:" هيام عاونيني تعرفي خويا يقتلني😭"
هيام :" واش نديرله انا متلا"
ايناس:" دبري عليا انا اختك عندي غي نتي "
هيام:" هادي اخرت سيابتك يالبهلولة... دوك نشوف لا لقيت كاش حل نقولك"
ايناس :" 😭😭😭😭😭😭"
هيام :" حبسي عليا نديبك رايحة نرقد الصباح نخمملك  كيش ديري"
ايناس :"😢😢😢 صحيتي هيام"

راحت حطت راسها على الوسادة و تخمم كيش تسلك ايناس على الرغم لي ماتبغيهاش بصح ما تكرهاش لدرجة تاع تشوف واحد يخرب في بنت عمها و هي ساكتة "

كان رايح يرقد حتى دخله نوميرو جديد فتيليفون مابغاش يرد عاود رفد
:" نتا و فاميلتك في بالي طبعة وحدة ما تحشموش ...  ولا باغي حتى تزيد تنتاحر ايناس باش تريحو ... هدر ... ااه .. و لا نتا لي علمت الحرفة لولد عمك ... بنات الناس لعبة ياك ... بصح هي اصلا حمارة لي أمناته و صيتها و ما حشمتش... ..
" سملهرحمانرحيم  .... شكون نتي يا بنت الناس واش راكي تخلطي!؟ انا نكوبي نتي باينة يا راكي غالطة يا راكي تمسخري بجدي فهاد الليل"
جا رايح يكوبي تفكر كلمة تنتاحر ايناس حتى هي ... و كاين غي وحدة علابالها بهاد الحكاية
هشام :" هيام؟ ياك؟  اصلا نوغمالمون كان خاصني نعرف خاطر ماكانش لي يتيري 100  كلمة فالدقيقة مغيرك "
هيام:" هي بشحمها و لحمها😒"
هشام:" و لسانها... اهم حاجة نسيتيها... خير الالة "
هيام:" والو غي توحشتك برك قلت نعيطلك فالليل بالاك راك متوحشني حتى نتا... خير قالك ... واش من خير يجي من موراك و من مور ولد عمك ...
:" حبسي و فهميني خاطر راكي جايبةاللول مع التالي و انا مانيش ناقصك ... "

فوط+ كومنت =نكمل