هااااي
💛💛💛
؛
:
:
:
لافاك اليوم...لافاك غدا،نفس الروتين نفس الوجوه...كلشي كيتعاود
بفففف بكل صراحة مليت،هذا عامي التاني هنا English department ومزال مدرت والو،ومن فوق هذا الشي مغربة على دارنا،عندي احلام آخرة اللي مزال ملقيت كندير لها عييت منخطط ولكن والو الطريق اللي شديت كنلقاها مسدودة،الناس هنا كتهمها تقرى،تخدم،تخلص،...يا على روتين..
ماشي هكذا باغا حياتي انا ماشي روبو باغا نعيش كيف ما انا باغا،ونخدم اللي انا مرتاحة فيه،
المشكل اللي قلت لو هذا الشي كيضحك عليا،
ندخل فالموضوع نيشان؛انا باغة نولي موضل(عارضة)،وكنصمم بغيت نولي مصممة ازياء،
واو...كنتصور حياتي وانا مشهورة،الله على حياااة،
مال كولشي كيشوف فيا،عمرهم شافو الزين!!....والبروف؟؟ تاهو عجبتو..
البروف:معندناش اللي كيسهى فالكلاص....
نور:ك..انا؟؟؟
نعت ليا بصبعو جهة الباب
البروف: please....go out
هزيت حويجاتي وخرجت....اصلا ماشي اول مرة..نقلب على شي كمارة ندوز وقتي تال 6
الله ....احسن حاجة فهاد لافاك هي l buvette..الحياااااة.
ناااري اسامة،هذا صديق ديالي مالعام الفايت كنا فنفس الكلاص هو فوطوغرافر(مصور)،ملي شفتو داخل وانا كنخبي راسي بالكارطابل،ساعة قشعني،تا وقف عليا
اسامة:كتخبعي!!...علاش مدخلتيش تقراي؟؟
نور:والله تا دخلت ولكن...جرا عليا البروف
ضربني فوق راسي
اسامة:ياك واعدتيني بلي هذا العام غتقراي مزيان..
نور:اه..ولكن...
مخلانيش نكمل تا ضربني مرة أخرى
أسامة:-stop acting as a little kid
نور-ok..ok... كنت ساهية كيف العادة
اسامة:امممم...
نور:اجي مقلتيش ليا!!..فين كنتي غابر السيمانة الفايتة؟
قرب كرسي وجلس حدايا
اسامة:كان عندي واحد الفلم قصيرصورتو،
نور:اممم...مزيان اسيدي،
اسامة:تبغي تصوري،،جبت معايا كاميرا
