Enjoy.....
:
:
:
إياد :اخيرا رجعتي
رضا :واش انا كرهت اسي إياد....كون تشوف حالة بابا مسكين من سبيطار لسبيطار، والدوا والله ما جلستش...حتى من ماه....
إياد ببرود :كذاب!!
رضا بتذمر :بففف عوتاني حصلت...باش كتعرفها باش!!!
إياد :حيت وجهك كيفضحك ....يلاه هضر
رضا :احممم...سافرت مع خطيبتي لمراكش....
بقى كيشوف فيه مربع يديه
رضا :والله اسي إياد تاكانت غاتخلى عليا،وهدداتني باش تفسخ الخطوبة...وانت عارف شحال كنبغيها
إياد :دير فبالك هدي آخر مرة غاتاخد عطلة...مدير الاعمال ماكيرتاحش...فهمتي
رضا بتدمر :واخااا..
إياد :هاد السيمانة غايكون عندنا اجتماع مع الشركاء الجداد، خصك تحضر وكيف ديما تجيب ليا الصغيرة والكبيرة،
رضا :مرحبا اسي إياد...ولكن انت علاش ماتحضرش
إياد :ومن امتى كنت كانحضر الاجتماعات اللي فيهم السي الرازقي،
رضا :اسي إياد،علاش ماتهضرش معاه وتعرف السبب
إياد : رضاااا....ديها فشغالك
:
كنت كنوجد الغذا وكانلحن مع راسي،تاسمعت شي حد كيصوني فالباب،
هذا امتى خرج بالسلامة!!
اليوم مكايناش الخدمة... حليت الباب قابلاتني أمرا تكون فالربعينات ولكن ماشاء الله باقة زوينة وانيقة شعرها كحل وقصير،لابسة كولشي كلاس،ساية تحت الركبة بالكحل مع فيستة كلاس فيها بيض وكحل،طالو ماعاليش بزاف بالكحل،وهازا ساك دالكوشي...
شوية بديت كنفهم اكيد هدي الام ديال إياد،،،قفااااارت
طلعات فيا وهبطات،شوفاتها فيا بريئين،عكس ما توقعت،ابتسمت فوجها وردات عليا بابتسامة
ام إياد :ماشاء الله شحال زوينة....
نور :شكرا
ام إياد :إياد ولدي للداخل؟؟
نور :اه...هو فبيتو
