قبل ما نبدا البارت،بانت شخصية جديدة كأول شي،
بالنسبة ل "......" ماشي اقوال وإنما افكار الشخصيات
هدا مكان...هدا زمان😅🤭
:
Enjoy
:
:
:
تخشات فبلاصتها براحة وكتشوف فالسقف،من بعد ما هضرات مع غزلان كيف ديما،وسرسرات ليها الاحذات بالتفاصيل
وخا كانت الحفلة مملة شوية ولكن داز وقت زوين عالعموم،خدات دفعة باش أزيد القدام وتحقق الحلم ديالها،
:
:
في الفندق
فاق الصباح شاد راسو من كترة الحريق،من طبيعة الحال وهو مدوز ليلة وسط السخب والزدحة و كترة الشراب،شاف بنص عين فهديك اللي ناعسة حداه عاطياه بظهرها المعري،خدا الدوش ديالو
خرج بپينوار
هز التلفون كيهضر
إياد:جيب لي لبسة جديدة, ودبا
...:مرحبا اسيدي
ومشى للبالكون كيشرب قهوة ديالو من بعد ما طلبها،
سمع شي حد دق الباب هدو الحوايج اللي طلب وصلوه؛سروال كحل بودي بالكول ݣري مع جاكيطة مالفوق مع ݣاط زاد من رجولتو، ورجع للبالكون يكمل قهوه ديالو،
شوية تاحس بيدين دارو عالخصر ديالو وراسها على ظهرو
سارة:صباح الخير.
فك ليها يديها وضار عندها،لاحظ بلي لابسة شي حاجة من حوايجو
ياويلهااا
إياد:معا من تشاورتي باش تلبسي قميجة ديالي!!!؟
سارة بابتسامة خفيفة:جاتني زوينة ياك..
إياد:داكشي دالمسلسلات معندي مندير بيه،لبسي حوايجك وحيدي قميجتي..راه تصممات خصيصا ليا
ويييلك شحال كيموت على حوايجو،حس الرومنسية معندوش
سارة:حبيب ديالي مالك هكذا،على قبل قميجة!!
إياد:اولا انا ما ديال حد،إلا دوزنا ليلة بجوج هدشي مكيعنيش وليت حبيبك،تانيا عزاز عليا حوايجي،
هضر بكل صرامة وجدية،تالاحظ التنخصيص ديالها.
مهبطة راسها للارض
قلب عنيه بملل وشد ليها وجهها تا شافت جيهتو
كيمسح ليها دموعها:اووو ماشيري...انت عارفة بلي مستحيل تكون بيناتنا شي حاجة..باركة متقنعي راسك بشي حاجة مكيناش
