السلام عليكم
ENJOY
:
:
:
:
:
رضا :كيفاش ماغاتدينيش معاك،،واش حماقيتي...هدا راه Most Male Beautiful Faces
إياد :عندك باش تخلص الطيارة؟؟؟
رضا :لا
إياد :اوا شد الارض واسكت،
رضا :ياااااه،تا هي ماعندهاش باش تخلص الطيارة،علاش بغيتي تديها هي وانا لا،
إياد :هي...خصها تكون معايا،نقدر نحتاج شي حاجة،راك عارف دوقي فاللباس، بعد المرات ماكاتعجبني تا حاجة...وهي اللي كاتفهمني،
رضا :اوا دينا بجوج،
إياد :يا هاد الحمق،راه ماغاديش لمولاي يعقوب ،
هذا حفل غانجيب جائزتي كيف العادة ونرجع،
رضا :تايق فراسك، اوا هاد العام ماغاديش تاخدها،..حيت ماغانكونش،....
إياد :غايكون ما حسن منك،..غير ارتاح
رضا : عارفك كاتنتاقم مني حيت دويت معاها قاسح داك النهار،
إياد :اخيرا عقلك ولا يخدم.
رضا :واش كاينة شي حاجة انا ماعارفهاش.....بينك وبين هاد البنت،
إياد بعصبية :راك كاتهضر على البنت اللي غاتولي خطيبة صاحبي،،
رضا :مالك كاتخرّج فيا عنيك،غير هضرت وصافي......دبا شنو ندير انا هنا بوحدي،
إياد :الشركة أمانة عندك....بغيتك اطلق ودنيك مزيان وماتفوتك تا حاجة..... اما بالنسبة للحفل كلشي غايكون لايڤ،...تبعو وماتنساش تصوت ليا،
:
كانهز هادي ونحط هادي،بالفرحة بان ليا غاندي البلاكار كامل معايا،ولكن راه لندن هادي،...خصني نعلم ماما بعدا،غاتفرح ليا
نور :ماما الحبيبة صباح الخير...
*اهلا حبيبة دماماها...*
نور :فرحي ليا اماما بنتك غاتمشي لندن غذا...اخيييرا
*اوا خبيرة زوينة هدي...مع داك الولد الزوين اللي كايدير اشهارات فالتلفزة.!!*
