هولاااااا بنات
جيت ببارت جديد
En
joy
:
:
:
:
كازا نقدر نخدم فيها طايرة،باعتبارها مدينة كبيرة، ولكن شكون بغى يخليني،الخطة هي ندفع للمعهد العالي الازياء والموضه،وبالفعل دفعت لهم وردو عليا بمقابلة من بعد سيمانة،
خديت ݣاع التصاميم الزوينة اللي كنت صممت ووزدت شي حاجة ومشيت،
دازت مقابلة عادية وخا بعض الاسئلة حبست فيهم،ولكن تجاوزت كلشي باعتباري عندي موهبة وكنعرف بزاف على الضومين،
الله كنحس براسي غنوصل لدكشي اللي بغيت،
رجعت بحالي،اول حاجة هي دويت مع خالي هو اللي يقدر يعاوني من ناحية المصاريف د المعهد، اما الكرا والشي لاخر ندبر راسي مع مالين الدار،
حسيت بيه ما بغاش فالاول ولكن صبرت على قبل هدفي،سمعت منو هضور ولكن فالاخير وافق،
#بعد 6 أشهر
كان صعيب بزاف نتفرق على البلاصة اللي كنت فيها،وعلى صاحبتي الوحيدة غزلان،حتى من مول الحانوت مقدرتش نتفرق عليه ولفت الحومة ولفت بزاف د الحوايج،اما التتيز او مهدي،من نهار التصويرة معاودش شفتو,مدازش بزاف ملي سمعت بلي رحل.ولكن عالاقل مبقيتش متعلقة بيه كيف الأول،
انا دبا فكازا،كريت بيت صغير فواحد الحي بسيط و شعبي، مكانخرج منو تا كدوز عليا بالخوف،بحكم المعهد بعيد بزاااف وباش نسكن حداه خصني نكون مصممة ماشي عاد كنقرا،المهم هو بديت كنقرب لدكشي لبغيت،
والاهم هو اسامة تاهو خدام هنا كل مرة مع ممثل،ولا كيصور افلام وخدام مع شركات كبار،وصل لداكشي لبغى ومزال كيجتهد،كنتلاقاو مرة فسيمانة كندير شوتينغ ولا كنخرجو،وانا مزال مع المحلات التجارية،شحال من شركة عرضات عليا نخدم معاها ولكن بغيت تانسالي قرايتي بعدا،
كنا كنتمشاو انا واسامة من بعد ما سالينا الشوتينغ،
أسامة:السيمانة جاية غتكون واحد حفلة د الافتتاح..بغيتك تكوني معايا..
نور:انا؟؟...وعلاش تا نكون...داكشي مكيعننيش
اسامة:لا كيعنيك...
نور:كيفاش؟؟...
اسامة::....غتكون عندي لك مفاجئة تما
نور:بصح قولي شناهي؟؟....غنبقى مشوشة
أسامة:خصك تحضري لبغيتي تعرفي
نور بتدمر:بفففف......
اسامة:ههههه.....عرفك كتموتي بالفضول...ادن غتحضري
