Enjoy
:
:
:
:
مدة هادي ما استمتعت بالمنظر ديال النجوم،وخصوصا من شي بالكون بحال هذا، والجردة دالڤيلا قدامي...الحياة السعيدة،...بالمناسبة هذا ماشي إياد اللي جالس فالجردة!؟،اش كايدير تما فهاد الوقت وفهاد البرد وبتيشورت،...هاد السيد ماشي على طبيعتو هاد الأيام...
مايخلينيش خاطري..خصني نعرف مالو،لحت عليا مانطة وهبطت لعندو
جلست حداه ولكن كان مركز عنيه فالسما
بغيت شي طريقة نجبد معاه الهضرة،وتا انا درت بحالو،
نور :منظر غزال....ياك!
دوّر وجهو لجيهتي،وكنشوف نفس الشوفات للمرة التانية...كيدقق فوجهي،....توترت وحسيت بقلبي كيضرب بالجهد،
نور :واش ماجاكش البرد......بلاتي
حليت المانطة على واحد وغطيتو معايا،اما هو ماحيّدش عنيه عليا،
رجعت كانشوف فالسما باش نتفادى دوك الشوفات،
إياد :نور...
قال نور ماشي آنسة...هدي تاني مرة كايعيط ليا بسميتي..وهادشي كايزعزعني،
نور :اممم
إياد :فين هو باباك!!!
ضروري هاد الموضوع دبا!!ولكن كاينة غاية من هاد السؤال
نور :بابا لهيه...
وريتو بصبعي جهة النجمة...واكيد هو فهم شنو قصدت،
نور :بابا مات شحال هادي بكسيدة....كنت مزال صغيرة...
إياد :سوري حيت فكرتك...
نور:نووْ...اصلا مانسيتش...وانت؟؟؟
سولتو حيت حسيت بيه باغي يعاود ليا شي حاجة، شي حمل تقيل بغى يشاركو معايا،
إياد :باقي فالحياة...ولكن بالنسبة ليا ميت
اش كايقول هذا،شفت فيه بالزربة كانتسنى منو شي تفسير
إياد :بابا ما معتارفش بيا...والسبب مجهول
دوك الشوفات تحولو لأخرى،ماشي حب،وإنما حزن ويأس ولأول مرة،بقى فيا بزاف، هاد الشي علاش ماكان تا. رجل معانا فالعشا دالليلة،
