السلام عليكم
:
ENJOY
:
:
:
فالشركة
، الموظفين كايحاولو يكملو خدمتهم دغية باش اتفرجو فالحفل،وكاين اللي بداه بالتخبية...سلوى متلا،...التلفون وسط الملفات وكاتفرّج
تاطلقاتها بغوتة بلا ماتحس...
رضا :مالك؟؟؟ ياك لباس؟؟؟
بالفرحة حالة فمها تا لودنيها
رضا :واش نسيتي راسك راكي فالخدمة....طلقيني وقولي ليا شنو كاين،
سلوى :نور..نور...،نور مع إياد فالحفل...
الاخر حال فمو هو التالي
رضا :لا مايمكنش!!...عطيني نشوف،
شدو التلفون بيناتهم وكايتفرجو،
سلوى :ومن فوق هاد الشي شاد ليها يديها...الله على صحيبتي جات كاتحمق...شوف شوف كيفاش كايشوف فيها
رضا :دبا عاد غايبانو الاشاعات ديال بصح....اش غانقول للصحافة والإعلام....هاد السيد ماكيفكرش
من بعد ماسالات الخدمة،الناس بدات تجري لدارنا تفرج ،وفجهة اخرى كاين اللي جالس غارق فهمومو وكايتفرج بوحدو....وشلا افكار كادور فالبال
"الله يسمح لي منك اولدي"
:
انسجمت بزاف مع الموسيقى وفرق دالرقص،عشت حقيقة اللي كانشوفو فالتلفزة،....اما إياد كالم...متكي يديه على الكرسي ورجل على رجل،كانموت انا على هاد التقة الزايدة فالنفس اللي عندو،
وصل الوقت باش يعلنو على الجوائز، كنت غانقطع الكسوة بظفاري بكترة ماتوترت بحالا انا اللي غاناخدها...وكاندعي يعيطو ليه....عكس اللي كايهمو الامر.....مامسوقش،..داير رجل على رجل
الاول...التاني....واياد تالت واحد عيطو عليه
نقزت بالفرحة والكاميرات ضارو جيهتو والجمهور وقف كايصفق ليه،
ناض بكل تقة للستيج تسلم الجائزة ديالو،شكر الجمهور ديالو...وانا علاش كانبكي!!...دموع الفرحة،
فنفس الوقت،....صرخة جماعية مالموظفين ديال الشركة....
سلوى كاتنقز :ياس ياس ياس يااااااااااس....
