CLAUDETTE, The Queen Bee (St. Catherine University Series #5) [COMPLETED]

Chapter 5

NAKITA ni Morris kung paano napanganga si Claudette nang mapuna nito na umaakyat sila sa isang elevated place. Hindi kasi niya sinabi rito kung saan talaga sila pupunta. Balak niyang mag-hiking sa pinakamataas na parte ng mabundok na bahagi ng isla at isama ito sa pinakatuktok niyon. Kanina pa ito inis na inis habang naglalakad sila sa gitna ng masukal na kagubatan. Mukhang hindi sanay ito sa ganoong klase ng activity. Kanina pa ito nagrereklamo na masakit na ang mga paa nito.

"Wait! We're going up this mountain?"

Tumigil siya. "Yeah."

"No way!"

"I'm not giving you any choice."

"But I've never tried hiking."

"Then it's about time you try. It's fun."

"No way! I'm not gonna go up there," matigas na tutol nito.

"Okay. Hindi ka aakyat o hindi ka uuwi after sembreak?" pananakot niya.

She gritted her teeth. Frustrated na nagpapadyak ito. Ngumisi siya sa inakto nitong tila bata at ipinagpatuloy ang paglalakad. Wala itong nagawa kundi ang sumunod sa kanya. Napapangiwi ito sa kada damo o halamang dumidikit sa mga binti nito. Napapatili ito sa tuwing may insektong tumatalon at dumadapo dito. Hindi niya itinago ang pagka-aliw sa mga reaksyon nito. Pinandilatan siya nito nang mahuli siyang tumatawa nang walang tunog.

"Is this why you brought me here? To be your laughingstock?" asik nito sa kanya.

"All your life, you've been pampered and treated like a princess. You are showered by attention and compliments and you love and hate it at the same time. Mataas ang tingin sa 'yo ng mga tao and you thought they envy you because you're beautiful and popular. Kaya hindi ka sanay na pinagtatawanan ka. Well, dito sa island ko, hindi ka prinsesa. No one will pay you compliments here. No one will look up to you and envy you. Here in this place, you are just an ordinary person. Kaya kung pagtatawanan kita, matuto kang tanggapin iyon."

"I don't understand why you're doing this. Ang kasalanan ko lang naman ay pinaglayo ko sina Starr at Jerry. Hindi mo kailangang pakialaman kung anong paano ako mamuhay. If I live like a princess, then who the hell are you to care?"

"So, inaamin mong kasalanan ang ginawa mo sa kanilang dalawa."

"Yes. But I only did that because of love."

"So, you think that just because you did that out of love, it was justifiable?"

"Have you ever been in love? Kung hindi pa, hindi mo talaga maiintindihan ang nararamdaman ko. Jerry is my first love. And I'm willing to do everything just to make him mine."

"You don't really love him. You just couldn't accept the fact that you can't get everything you want, when you thought you always could. That's it. Right?"

"I love him!" she almost snapped.

Hindi siya lubusang kumbinsido. Ang mga tulad kasi nito ay may tendency na maging obsessed sa isang bagay na hindi nito makuha-kuha. Ang akala nito ay pag-ibig na iyon ngunit maaaring mali ito.

"When you're in love, you'll fell that overpowering drive to do anything and everything just to be with the person you love. Hindi mo pa siguro nararanasan 'yon kaya ganyan ka magsalita. When you fall in love someday, I know, you'll be able to understand me."

Pinili na lamang niya ang manahimik hanggang sa marating nila ang pinakatuktok ng bundok. Mula roon ay tinanaw niya ang napakagandang tanawin sa ibaba---ang karagatang nakapaligid sa isla at ang isla mismo. Claudette looked fascinated by the breathtaking sight. Ngunit nang magtagpo ang mga mata niya ay umingos ito.