المنحوسة

البارت 3

جا صباح جديد فاقت تسنيم هي الأولى مشات غسلت وجهها ولبست تيشورط فالبرتقالي بكمام قصار وجينز طراوزوز بلو سييل وسبردينة بيضاء مشات بدأت تفيقو مبغاش وهي تقول فنفسها:شهادشي ياكما نحسي قتلو... فتح عينيه شاف تعابير وجهها كانت موسعة عينها وعاضة على شفتها سفلية خلعاتو وقف وهو عاقد حجبانو وقال:مالك ياكما عجبتك 
وقفت وخرجت مجاوباتوش مهتمش للأمر جبد ملابسة لبسهم بسرعة خرج غسل وجهو وجبد من أمتعتو الاكل تقاصموه بجوج كلاوه جمعو خيمتهم حمل كل شخص فيهم حقيبتو وكمراتو وبداو ماشين ومرة مرة جاسم يلتقط صور للمناظر الخلابة ويهضر ويشرح نوع النباتات فوائدها واضرارها اما تسنيم فكانت كتسجل وكتستنشق الهواء النقي حتى غطس ليه رجلو فالغيس وهي تقول:هانحسي بدا
جاسم:لا ماشي نحسك هدا طين أخضر عندو فوائد عدة احم نبداو فموضوعنا في كل مدينة وفي كل بلد وفي كل قارة كاين أشخاص كتتغلب عليهم الطاقة السلبية كاين لي عندو تخوف من الفشل فمكيقدرش يجرب يبدأ فشي مشروع ولا فحال هكا و كاين لي كينعازلو على ناس كيخافو يصيبهم بنحسهم وكاين لي عندو فوبيات مثلا من المرتفعات وكاين لي عندو من الخروج لشوارع يعني كيبقاو غير فدار وفهاد الحالات مصيرهم في الاخير كيموت اما بالوحدة والمرض وأما كينتاحرو فموضوعنا اليوم انشوفو الحياة بمنظور آخر مع صديقتي وموجهتي تسنيم لي كتعاني من أحدا هته الحالات
قطعت تسنيم التسجيل وشافت فيه بغضب:معامن تشاورتي واش انت سوقك معندكش دخل فيا شكون مسيفطك ليا باغي تشوهني على الهواء مباشرة... رمات عليه الكامرة وبقات داخلة وكتتعمق كتتمشا بسرعة وكتبكي حسات انه جرحها بكلماتو... حسات بالخوف من مصيرها حقا كلامو معقول وهي حقا شحال من مرة فكرات في الانتحار لكن تراجعات
بدا لاحقها جاسم وكيعيط عليها لكن هي كانت مرفوعة مكتسمعوش حتى وصلت لمنحذر ماشي عالي وإنما متوسط فحال هضبة كلست وكتمسح دموعها بيدها... جا وجلس حداها وقال:كنعتاذر كنضن مكانش خاصني نذكر اسمك... كنظن أنني جرحتك انا كانت نيتي صافية مبغيتش نجرحك ولا نشوهك بغيتك فقط تكوني عبرة للآخرين... يمتاثلو بيك... هاج البرنامج انا واتق من أنه ايحقق نجاح ساحق وانه شحال من وحدة وواحد ايزولو أفكارهم السلبية فحالي انتي اتزوليها عطيني فرصة وخلينا نعملو تحدي إذا انتي غيرتي فكرتك ونظرتك ومبقيتيش منحوسة كيف كتقولي فغانعرضو البرنامج واذا منجحتش فغتقطعي تسجيل وتقولي انه معنديش قدرات ومواهب للمدير انا انخليك تفكر شوية انتسناك لتحت... نزل من الهضبة أو المنحذر وقطع الواد لي كان كيجري وعميق... قطعو عن طريق المشي فوق جذع شجرة غليض وجلس فوق أوراق الأشجار اللي مطيحة فالأرض
...يتبع