المنحوسة

البارت 14

هاد المرة فاقت كلها أمل وكأنها خلقت من جديد فاقت وكلها يقين أنها ليست منحوسة... ليلة البارحة سيفطت التسجيلات في الايمايل وشاتهم وعرفات انه ماشي غير عندو مؤهلات بل هو ماهر... وقفت وعملت روتينها الصباحي لبست عليها وتوجهت للقناة دخلت مباشرة عند المدير غير شافها عقد حجبانو وقال:اش هادشي عملتي اتسنيم سيفتي بيهم التسجيلات كيضيفو عليهم تعديلات باش يعرضوهم معامن تشاورتي اتسنيم
تكلمت تسنيم بكل تقة في النفس:سيدي المدير هاد البرنامج ايرفع من نسبة المشاهدات وميستر جاسم ماشي غير عندو مؤهلات بل هو ماهر وكنظن ظلم مننا اننا نقولو معندوش وكذلك فكرتو رائعة كنتخيل انها تمشي لشي قناة أخرى اكيد اتنجح كنظن هو أنسب شخص يقدر يخدم فهاد القناة وكنأكد ليك البرنامج اينجح واجابتا عن سؤالك فأنت لي عطيتيني حق وقلتي ليهم اي تسجيل أو برنامج بغيت نعرض يعدلوه وبعرضوه حيت انا اي برنامج كنصورو كينجح
بقا حال عينو وفمو فيها من جرئتها وطريقت كلامها وتقتها عاق براسو وحنحن وقال:إذا منجحش البرنامج اتسنيم بجوجكم اتخرجو من قناتي
تسنيم :اوكي ها حنا انشوفو كنطلب منك الاذن باش نغادر
حرك ليها راسو المدير خرجت وهي مبتسمة بتقة وكتمشي بطريقة موزونة وكأنها سيدة أعمال غير خرجت لبرا لمحت جاسم كيقطع الطريق شافها ابتسم ليها أوشك يوصل ليها لكن شاءت الأقدار جات سيارة بسرعة وارتاطمت بيه جا مرمي في الأرض ودم نازل ليه من راسو