المنحوسة

البارت 16 و الأخير

شافت تعابير وجهو المصدومة وقالت بصوت ضاحك:مالك! ؟
جاسم:ها لا والو غير ناس كيقولو حمد لله على سلامتك وانتي كتقولي الحمد لله حيت ضرباتك سيارة
ربعت يديها وشافت فيه بكل تقة وقالت:ولو يا جاسم نسيتي معلمتينيش درس لكن الحياة علماتولي
طلع حاجب ونزل لآخر وقال :اهاه الالة وشنو هو هاد درس
تسنيم:دبا حادثتك عوض نقول على راسي منحوسة قلت الخير فيما قسمه الله وداك شي لي طرا باباك جا لعندك بعد متاصلت بيه البارح ومن بعد مشا باش يجيب ليك تياب لكن الصدمة دارك تحرقت ولو ككانت السيارة مضرباتكش كنتي ملي اترجع لدار كانت اتحرق وانت فيها واتموت مشوي
شاف فيها بحزن وقال:داري تحرقت
دلات شفتها السفلية وحاولت تخفف عليه من حزنو وقالت:انت صديقي اراس طارو تعال بقا معايا فشقتي على ما نشدو الماني والفلوس من مور برنامجنا وكذلك اللهم تجي فدار ولا تجي فصحتك اولا؟
جاسم :اه عندك الحق مهم هي الصحة
تسنيم:اوا هاكاك المهم الحمد لله على سلامتك
جاسم :الله يسلمك
مرو الايام ومرة شهر وعلاقة صداقتهم تزداد قوة عاشو فهاد شهر فنفس الشقة ثقتها زادت في نفسها وكذلك البرنامج نجح والأموال تزادو على القناة ليس كل القصص يمكن أن تنتهي بزواج فأنقى العلاقات وأصدقها هي علاقات الصداقة هاهيا تلك المنحوسة تسنيم لي كانت كل يوم كتستيقظ كتبكي الان كتفيق ضاحكة هاهيا قد ولدة من جديد اي شيء كيوقع معانا ماشي تنسبو ليك ابدا خليه مع الايام اتبان الحكمة من وقوعو واي حاجة كتوقع الله مكتبها لينا وحنا كمسلمين خاصنا نآمنو ان الله مغايبغيش لينا الضرر وكذلك الدنيا هي دار امتحان وللنجاح فالامتحان ينبغي الصبر و الكتير من الصبر وفي الاخير تأكد أنه هناك فرج ♥
#النهاية