المنحوسة

البارت 4

بقات جالسة شحال كتفكر فمصيرها معقول أنها تكون آخرتها الانتحار حقا هي مكتئبة لأقصى درجات وقفات وحطات أول خطوة القدام غمضت عينيها و حلاتهم ورجعت بلور وقالت:ولكن انا منحوسة زعمة يقدر يتآذى بسببي... أدارت ظهرها وتمشات جوج خطوات باغا ترجع ووقفت لحظة وشافت فسماء وغمضت عينيها وقالت في ذهنها:انعطي نفسي فرصة... فرصة واحدة... ضغطت على عينيها ورجعت حلاتهم ونزلت من الهضبة بحذر ووقفت فوق جذع شجرة وعينيها فيهم بعض الخوف
شافها جاسم ووقف كينفض فحوايجو وهز الكامرا كيسجل وقال:اول خطوة ليك باش تتخلصي من نحسك هو أن تثقي في نفسك... قولي فراسك أنك اتقدر... الطفل ملي كيتولد وكيبغي يتعلم يمشي كيطيح مرة اولة وتانية وبزاف فلخر كيوصل لهدفو... لذلك انتي تيقي فراسك... نفسك الوحيدة لي تستحقي تيقي فيها لأنها الوحيدة لي مغاديش تخذلك وعمرها تخونك
كلامه حسسها بالقوة تنفست الصعداء وقالت... أنقدر نعملها تمشات جوج خطوات تعكلت فسيول سبردينتها وشدت يديها فجذع شجرة... ابتسم جاسم وقال:اتقدري عاودي وقفي... رفع من صوتو وقال بكل حماسة:وقفيي
وقفت بحذر وشافت فشلال لي كان دايز بسرعة عضات على شفتها سفلية وبدأت كتتمشى بحذر حتى قطعت شلال شافت فالأرض وبدأت الابتسامة كترسم على شفتيها بشوية بشوية ضحكت وبدات كتنقز بفرح كطفلة صغيرة... اوه قطعتو ذاتي مخذلتنيش... شوية تعكلت فخيوط سبردينتها وجات مزدوحة فالارض
...يتبع