المنحوسة

البارت 10

أشرقت أشعة الشمس معلنة عن قدوم يوم جديد... كانو غارقين فنعاسهم تسنيم شعرها طالع فسما كلو مخبل اما جاسم فرجل هنا والجسد لهيه تقول لاعب المصارعة تسمع ضرب طبول بجهد قفزو من بلاصتهم وناضو عينيهم حمرين بنعاس وشافو فبعضهم شافت تسنيم فجاسم وقالت:شهادا ياكما دبا ايشويونا والبارح بلعاني وكلونا غير باش نسمانو
شاف فيها جاسم وعقد حجبانو وقال:لسانك لاحسو كلب
شافت فيه لفترة شوية خيبة سيفتها وقالت :يعع تخيلتها
جاسم:تي جمعي غير شعرك راك اتخليهم يتراجعو وياكلونا
جمعت شعرها تسنيم وعاوطت حوايجها اما جاسم حمل كامرتو وخباها بين حوايجو وقفو بجوجهم وخرجو من الكوخ كان الكل فايق كل واحد وشكيعمل كاين مجموعة من النساء كيوجدو الاكل اما الرجال فبعضهم كيقطع الخشب والبعض الآخر هز مجموعة من الرماح وتوجهو داخلين للغابة يصطادو والبعض الآخر كيغسل الخيول... كان منظرهم رائع جدا جبدت تسنيم كامرتها وصوراتهم وخباتها شاف فيها جاسم وقال:هاد صورة متوريهاش للمدير لو عرضت على القناة كلشي ايهجم عليهم وايقتلوهم كيف وقع اول ما اكتشفت أمريكا
شافت فيه تسنيم وقالت بتقة:عارفة أشنو كنعمل... توجهت عند النساء وطلبت منهم انها تساعدهم وافقو وبداو يعلموها طهي ديالهم وطريقة اما جاسم فمكيفهمش لغتهم مسك حصان من احصنتهم وبدأ كيعاونهم فيتنظيفو وإعدادو حتى جاو صيادين وحاملين معاهم لي صطادو حطوهم عند النساء خداوهم باش يوجدو بيهم وجبة الغداء حطو الإفطار لي كان عبارة عن فواكه متنوعة ودجاج مشوية فطر الجميع مع بعض كأنهم عائلة واحدة وكانو في المقدمة تسنيم وجاسم غير كمل الجميع وقفو وحاورتهم تسنيم بلغتهم:احم كنضن حان وقت المغادرة صراحة انتم ناس مزيانين بزاف شكرا ليكم... 
بداو كيعانقوهم وودعوهم وعطاوهم حصان وامتعتهم انطلقو للمرة تانية في جولتهم في غابة الأمازون ولكن هاد المرة بقاو حاضيين فين كيوضعو أقدامهم لانه من الغباء يطيحو فالفخ مرتين