المنحوسة

البارت 15

حست وكأن سطل ماء بارد تكب عليها وجهها اصفر وعينيها وقفو عليه نبض قلبها ارتفع والتنفس قل عندها اما حاسة السمع فمبقاتش خدامة عندها رجليها فشلو عليها... كتشوفو مرمي فالأرض ودم نازل ليه من راسو ناس كيتجمعو عليه أحدهم كيعيط للشرطة والآخر لسيارة الإسعاف اما الباقي فبعض منهم كيتأسف لحالو والبعض الآخر كيصور باش يرفع من نسبت متابعاتو على مواقع التواصل الاجتماعي
تمشات ببطئ حتى وصلت ليه والدموع نزلو من عينيها بغزارة حطات يدها على خدودو وقالت بصوت حزين وقلب متألم:متمشيش متخلينيش انت الشخص الوحيد لي وقفتي فجنبي انت لي رديتيلي تقتي فنفسي كلشي مشا وخلاني الا انت جاسم فيق وقولي كتضحك ماما مشات ماتت بابا مات علاش علاش حتى انت لالا متمشيش... سمعت سيارة الإسعاف جات نزلو وحملوه وقلبها تهز معاه دخلوه لسيارة الإسعاف ودخلت معاه وكتبكي وشابرة من يدو اما الأطباء فكانو كيحاولو يخليوه يتنفس ويخليو نبضو مستقر حتى وصلو للمستشفى هبطوه ودخلوه مباشرة المستعجلات
بقات برا لساعات فكرة تديها وفكرة تجيبها حتى خرج دكتور وقال ليها انه بخير عاد ارتاحت نقلوه لغرفة أخرى وبقات هي برا منعوها تدخل لعندو هزت هاتفو وتواصلت بالواليد ديالو لي جا بسرعة
______12:30 am ______
بدا كيحل عينيه ببطئ حس بتقل على يديه دور راسو لقا تسنيم ناعسة ليه على يديه حسو تنمل حاول يجبدو بشوية لكن هي فاقت غير شافتو فاق خرجت تجري عيطت على الممرضة جات فحصاتو ورجعت خرجت شيرت ليه فيديه وابتسمت بفرح وقالت:الحمد لله حيت سيارة ضرباتك
جاسم :كيفاش! ؟