المنحوسة

البارت 7

بقاو جارينهم شحال دالوقت عاد وقفو فبلاصة فحال ساحة مفيهاش بزاف د الأشجار داوهم لواحد شجرة وربطوهم تم معاها وبداو كيدورو بيهم وهوما فرحانين شوية وقفو صوت ووقفو مسطفين مخليين طريق لرئيسهم لي كان كبير فسن جا وفيدو فحال طلاء أحمر خطط بيه وجه جاسم من الحنك و الجبهة وأسفل الفم ونفس العملية عم لتسنيم غير هي جا يعملها أسفل فمها وهي تعضو صرفقها حتى داز ليها دم من فمها وقال بلغة مختلطة مابين الإنجليزية ولاتينية القديمة:هادو غدا فصباح غادي نشويوهم ونعدلو بيهم وجبة
بداو الهنود الحمر كيعملو أصوات غراب انسحب رئيسهم والباقي خلاو غير جوج رجال واقفين بعاد عليهم وحاملين رمح كبير فيدهم
جاسم:شكون هادو وعلاش عضيتيه شوفي وجهك رجع فيه لي طراس ديدو وعاد جنب فمك كاين دم واش تقصحتي؟ 
حركت راسها بآه وقالت بحزن ودمع متحجر فعينيها:كلشي بسببي اتموت اسوء موتا بسببي كلو من زهري المنحوس ياريتني مسمعتش ليك ورجعت انا مكنتميز بوالو فقط نحسي لي كيدمر أي شخص كيقتارب مني 
ابتسم ليها جاسم وقال بنرة هادئة:تسنيم يا تسنيم آخر مرة نسمعك كتقولي على راسك منحوسة واحد العالم كان زرع تلاتة دنباتات فبلايص مختلفين مشا لنبتة الأولى كل يوم بقا كيقولها انتي ماشي مزيان وعدة كلام وكان كيسقيها وكيعرضها لشمس وكل شي كتحتاجو ونبتة تانية كان كيسبها تاني و مكانش كيسقيها بالماء ومكيعطيهاش حاجياتها أما النبتة التالتة فكان كيقولها كلام زوين كيقولها انتي الأفضل انتي اتكبري وتكوني أجمل نبتة وزيد زيد وكان كيوفر ليها حاجياتها وعرفتي أش وقع... شاف فيها وابتسم ليها وكمل كلامو... كبرت النبتة لي كان كيعاملها مزيان اما النبتتين آخرين فمكبروش نهائيا وعرفتي العبرة من هاد التجربة كيفما كتشوفي راسك كيشوفوك ناس وكيئتر هادشي على نفسيتك بالإضافة إذا بقيتي بهاد تفكير مغاتزيديش القدام نهائيا فحال ديك جوج نبتات مكبروش وماتو لذلك غيري نظرتك لراسك مهما وقع ليك ولا نلي حولك متاخديش أمرهم بجدية أنتي طيبة حقا اتسنيم ولابد انه كاين حاجة كتميزك وهاد الحاجة هي طيبتك وقلبك الأبيض وروحك نقية وباقي بزاف د الحاجات كيميزوك 
ابتسمت ليه تسنيم وكلامو للمرة تانية زادها قوة واصرار وشافت فعينيه ونطقت بصوت ممتن:حقا شكرا لك انت شب طيب الحمد لله أنني تعرفت عليك وهاد رحلة احسن رحلة ليا حيت تعرفت على شب طيب وبأخلاقك 
جاسم:شفتي هاهيا إيجابيات الرحلة اوا شكون هادو 
تسنيم:كتعرف الهنود الحمر هوما اول شعب كان بأمريكا ولكن بعد ماتكتاشفت اغلبيتهم ماتو بقاو البعض متخفيين مختبئين موصلتش ليهم الحضارة هاد الشعب يقدر ياكل أي شخص وعرفتي دبا اش قالو 
جاسم:لا 
تسنيم:هضرو باللغة اللاتينية القديمة والإنجليزية وقالو احنا وجبتهم وغدا ايشويونا 
ابتلع جاسم ريقو بصعوبة وشاف فيها مصدوم وقال بتلعثم:ككيففاش.. خخصنا نهربو 
بدا كيحاول يتحرك ويتفك لكن الحبل كان متن ومربوط مزيان بقا شحال كيحاول ووالو حتى عيا ووقف محاولتو وقال:حتى يفصخونا ونحاولو نهربو 
تسنيم:داولنا الصاك حمدلله مشافوش الكامرات ومقلبوناش كولقاوهم مخبيين فجسدنا 
جاسم:علاش بغيتي توري تسجيل لأبو لهب 
تسنيم:انت ضامن ليك جهنم بعدا
..يتبع