🔕كيقولو المثل المنحوس منحوس ولو حمل على رأسه فانوس🔦وبهاد المثل البطلة عاشت بيه حياتها كلها كتعتاقد انها منحوسة كتحاول تبعد على الكل باش متصيبهمش بنحسها ✋ولكن تقدر يوم من الايام تتخلص من نحسها وشنو هي الطريقة🌚
رحلة للتخلص من الطاقة السلبية رحلتنا...
فاقت ككل صباح والدمع فعينيها مشات غسلت وجهها وشافت فالمرآة وقالت بنبرة عتاب:منحوسة انتي نهار تولدتي ماتت امك بسببك وباقي بزاف ايموتو وايتعذبو بسببك منحوسة انتي يا تسنيم هه اسمك تسنيم هه كان خصك يكون اسمك أفعى سامة... كيتآدى اي واحد كيقرب ليك. مسحت وجهها ذو البشرة البيضاء وخرجت لبست لباس كيلائم طولها المتوسط..جينز اسود مع تيشورط أبيض فيه فراشات... نزلت للمطبخ عدلت فطورها فطرت ووقفات جمعت شعرها الأسود على شكل كعكة لبست سبردينتها ونزلت من بيتها لي كان فطابق التالت فالعمارة... ركبت فسيارتها وتوجهت مباشرة لمقر عملها.. كانت خدامة ف أبوظبي مع ناسيونال جيوغرافيك ابو ظبي ... دخلت مباشرة لمكتب المدير كان كينتاظرها وبداو الحوار بلغة الإمارات( انكتب الحوارات بداريجة) تسنيم:احم طلبتني ليوم المدير:اه انتي عارفة اننا ممحتاجينش لعمال حاليا ولكن واحد صديق قال ليا نخدم ولدو عندي بغيتك تاخديه فرحلة فغابات الامازون باش تصورو على شي موضوع ايكون من اختياركم انتو وبغيتك ملي تجي تقولي لداك صديق انه معندوش مؤهلات نهائيا مبغيتوش ينجح تسنيم:ولكن هادي ماشي من أخلاقي واذا كان عندو إمكانيات بالإضافة أنني طول رحلة عملي وتصويري كانت بوحدي انت عارفني مكيعجبني حتى واحد يرافقني المدير:تسنيم انتي خدامة عندي وهذا قراري هو كينتاظرك برا ويمكن ليك تنصارفي دبا غدا اتنطالقو بجوجكم هاهيا تذكرة سفرك الطائرة اتنطالق مع ١٣ هو عطيتو تذكرتو زفرت تسنيم بغضب وخرجت بغات تمشي لدارها تجمع حوايجها حتى كيوقف ليها شاب في طريقها باين عليه في العشرينات كان شعرو بني وسيم وقامة ديالو طويلة مد يدو باغي يسلم عليها وقال:انتي هي الآنسة تسنيم لي انرافقها فرحلة عملي الأول طلعاتو وهبطاتو تسنيم بشوفات ممفهومينش وقالت بغضب:شوف من لخر انا طول عمري كنخدم بحدي حيت ببساطة انا منحوسة اتمشي معايا توقع اي حاجة يا اما تتعطب ولا تتهرس ولا تموت ولا يلحقك نحسي طول عمرك عليها من الأحسن انك تهرب... ضربت فيه وزادت خلاتو مستعجب ومصدوم منها ...يتبع
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
