انا قبل كل شي 🥀 ( روايات ليبية )

حلقة 3🔥

رواية #انا_قبل_كل_شي
( حقيقة ممزوجة بلواقع )
للكاتبة #جوري_زايد
الرواية بلهجة الليبية
حلقة 3🔥

❤
عُلا :الوووو حب عمري كيفك 😍؟
انا :الحمد لله بخير وانتي؟
عُلا :تماااام التمام 🙈🙊
انا :اووووو جونا سمح اليوم 💙
عُلا :اها اصلا خلاص قررت يانوستي 🙈🙊
انا :شن قررتي؟؟
عُلا تحمست وجاوبت بحماس والسعاده واضحه عليها :نوستي انا فكرت وفكرت وفكرت وتذكرت حياتي وتصرفاتي وطريقة تفكيري ولقيت اني مانقدرش انكمل حياتي هكي *وقررت اني نتغير عشاني انا عُلا ونبيك اتساعديني وتنصحيني لو ممكن 🙊🙈؟؟
انا:عيووني لك
شوفي يالولي التغيير يبدا من #داخلك وبماانك قررتي التغيير هذي تعتبر اول واهم خطوه والحمد لله خطيتيها وتوا حنمشوا خطوه خطوه للتغيير ومش حنطلعوا من خطوه للثانيه الا بعد تتمكني من الخطوه الحاليه 👌واول شي اتديريه اتقوي علاقك بربك صلي ،صيمي، تصدقي، اقري قرٱن،استغفري،سبحي قربي من ربك واااجد وحتشوفي كل امورك كيف تتيسر❤
الخطوه الثانيه :هي #المسامحه وانك توصلي للسلام الداخلي مع نفسك ،سامحي نفسك وتسامحي مع ذاتك عن كل اللي صار قبل وعن اخطائك وتصرفاتك وانك سمحتي للناس يعاملوك بقلة احترام ،سامحيها لانها تعاملت ك شاب وبعدت عن فطرتها الانوثيه،والخطوه اللي بعدها #حب_الذات ❤تعلمي تتقبلي ذاتك كيف ماهي و اتحبيها بعيوبها قبل مميزاتها واتدلعيها واتقدريها 👌الخطوه التاليه تعلمي اتزيدي ثقتك بنفسك وتعددي انجازاتك حتى لو صغيره وتفتخري بيها
والخطوه اللي بعدها اصنعي ذاتك حددي اهدافك واحلامك واعرفي شخصيتك واصقليها وطوريها لعند توصلي للشخصيه اللي ترضيك..
الخطوه اللي بعدها تتعلمي كيف اتكوني انسانه ايجابيه ورمز للايجابيه واخيرا تهتمي بشكلك الخارجي وتتعلمي الانوثه واتبطلي ميك اب واتغيري طريقة لبسك لشي مستور وطويل😊
عُلا :ناعليااااا تحمست بكل للتغيير 😍
انا :اوكي يا قلبي ابدي باول خطوه وبعد تتمكني منها ننتقلوا للخطوه اللي بعدها 💙
مرت الايام وقدرت عُلا من تغيير افكارها وتعلمت اتحب ذاتها وتوثق بنفسها، وقعدت اتحدد كل يوم هدف وانجاز ولو بسيط وتشتغل عليه وتفتخر بنفسها وغيرت عقلها تماما وحذفت منه كل التراكمات القديمه وقعدت اتحب تتعلم وتكتشف واتحب الكتب والمطالعه واتابع في فيديوهات وناس  ايجابيين وملهمين ،ومن جهه ثانيه كانت تلقا في انتقاد من الاهل والاقارب لشخصيتها الجديده بس استمرت ومااهتمت لكلام حد ،كانت في خطوات صعبه عليها بس هي مااستسلمت كل خطوه اتعاودها واتكررها لعند تتمكن منها وكنت ديما معاها وقربت منها اكثر من قبل ،ولاول مره لولي اتحب ذاتها واتكون فخوره بيها❤
ــــــ
عند محمد :
محمد بيرقد ومش قادر قاعد يفكر في نوسا :
زعمه شن يبي يصير يا محمد معقوله حتتخلى عنها بالسهوله هذي ؟؟تي تبقى فسخه بنت كيف هذي ماتتعوضش انت دكتور وشايف بنات واجد تفكيرها مختلف عن كل البنات وشخصيتها وحتى غموضها ،خلاتك تنجذبلها واتحبها في فتره بسيطه كيف مش عارف،والله ماعاد عرفت شن سرك يانوسه ❤
عند عُلا 8:00pm
عُلا:الوو نوستي شكرا واجد علي كل شي 😊
انا :لولي بجد احسنتي انتي توا نجحتي في حب ذاتك وتغيير شخصيتك للاحسن وحققتي الانوثه الداخليه ومن بكرا حتبدي تعكسي انوثتك ع شكلك الخارجي وتصرفاتك وننتقلوا للشكل وانا متأكده حتكوني ايقونه جمال وانوثه 😍
عُلا :متحمسه بكل بكل  🙈🙊
انا :ربي معاك 😘
عُلا :خلاص حبي انخليك تتريحي توا تعبتك معايا واجد الفتره هذي سامحيني💔
انا :عيب مش بيننا 😘
انتلاقوا بكرا ،تصبحي ع خير💙
عُلا :قدامك الخير
عُلا وقفت قدام المرايا وتحكي لنفسها :نجحتي في نص المشوار ومازالك النص الثاني وحتقدري عليه وتتغيري للاحسن لانك تستحقي الاحسن 😍
وتوا خليني انشوفلي فيديوهات عن الانوثه الخارجيه وماسكات للعنايه وتمارين شد جسم 💙
وبدت عُلا في الاهتمام الخارجي قعدت تتريض عشان اتشد جسمها اصلا هو حلو بكل بس محتاج شد واهتمت ببشرتها وشعرها اللي كانت تعبانات بكل وردتلهن الحياه والصحه والنضاره 😍وقعدت تعطي لنفسها ومزاجها اهميه اكثر من اي شي اخر وقبل كل شي
ثاني يوم 7:30 am