انا قبل كل شي 🥀 ( روايات ليبية )

حلقة 6🔥

رواية #انا_قبل_كل_شي
( حقيقة ممزوجة بلواقع )
للكاتبة #جوري_زايد
الرواية بلهجة الليبية
حلقة 6🔥

❤
ايناس :نوسه بنقولك
انا :نعم
ايناس : شن رايك في معاذ؟
انا استغربت سؤالها :اممممم عنديش اختلاط بيه
ايناس :عارفه 🤦‍،قصدي شن رايك فيه كـ شريك حياه😊
انا :😳 كنك
ايناس :جاوبي 😁
انا : لأ طبعا شخصيته مش المطلوبه عندي
ايناس : 😒لعلمك معاذ تعارك مع ربيع علي خاطرك
انا : ليش ؟وايش دخل ربيع ف النص
ايناس : عشان الكلام اللي طلع عليك وربيع قال انك حكيتي معاه ومعحبه بيه ومن هالكلام
انا :اناااا حاكيه مع ربيع ومعجبه بيه اخرا🤔؟كانشي ف احلامه 😕 ؟وبعدين عن اي كلام تحكي ؟؟
ايناس من كلامي عرفت اني ماعنديش علم بالكلام اللي انقال : امممممم شي خلاص فوتي قولي لي شن جو قرايتك؟؟
انا :لا مش فايته عن اي كلام تحكي ؟؟
ايناس : اللي هو قايل انك مش تمام وتحكي مع اي حد وضاربه الادب بس ف جامعه قدامهم ومن هالكلام 😞تشويه سمعه يعني 💔
انا انصدمت وسألتها :😳من اللي قال هكي؟؟
ايناس :مش معروف من 😶
انا :هظا ليش في ناس تغيرت معايا 💔
ايناس :اكيد سامعين هالكلام
انا :حسبي الله ونعم الوكيييل 💔
ايناس :ماتزعليش ربك فوق حيبين الحق
انا : يارب
وانا نحكي مع ايناس خشت عُلا
عُلا :ابعيييي 👀🙈🙊
انا :هلا ،شن صار معاك ؟
عُلا :عجبتهم 🙈وقالت بعد يومين يجوا الرجالة يتفقوا واسبوع الجاي الدفع 🙈
انا :الف مبرووووك ربي يتمملك ع خير❤
عُلا بحتت فيا وحست اني مش ع جوي: كنك مش ع جوك ؟؟
انا :شي 😊
عُلا :بلاش كذب نعرفك اكويس 😒حكيتي مع محمد ؟
انا :انننلا
عُلا :باهي كنك 😞💔
انا بديت نحكي لعُلا كلام ايناس وبعد كملت...
عُلا دارت روحها مش عارفه شي :عليك قصه💔 باه ماقالتلك من متكلم🤔
انا :لأ قالت مش معروف
عُلا : حبيبتي ماتزعليش في رب فوق مايرضاش الظلم ادعيه وانا متأكده حينصرك
انا :ونعم بالله ،بس بنعرف من وليش هك انا في حياتي ماظلمت حد 😞قالوا مغرورة مادورتش ،شايفه روحها مادورتش لكن هك اوڤروها بكل💔
عُلا :حياتي انا صدقيني فيها خير ،انتي علمتيني ان كل شي يصيرلنا خير لنا حتى لو كان في الظاهر شر
انا : لعله خير💔
ــــــ
عند عبير
عبير قاعده واتفكر في اللي صاير : ماتوقعتش ندى اتدير هك وكله بسببي انا اللي وريتها لها 💔
حاسه بتأنيب ضمير مش عارفه شن بندير يااااربي نبي انبري ذمتي من هالبنت 😞
ـــــــ
في الليل بعد روحت للحوش حاولت انمشي الجو عادي سألوني عن اجواء الخطبه وهكي وركبت لداري وفرشت صلايتي واول ماكبرت قعدت نبكي ودعيت ربي ياخذ حقي لانه عارف الحق و دعيت ودعيت وبعد كملت صلاة حسيت براحه غريبه و غفيت في مكاني ❤
وعيت في قيام الليل وصليت ودعيت ربي وكنت متأكده انه حينصرني 💙
وعدا الاسبوع وجا يوم دفع لولي وكان يوم خياااااال بكل وكل شي كان حلو بكل 😍
انا :حبيبي نا😍الف الف مبرووووك يا سمحتي😘
عُلا :الله يبارك فيك ياروحي🙈العقبالك 😘
انا :تسلميلي😊
ـــــــــ
عند عبير
عبير اتكلم في ندى
عبير :ندى انت اللي درتيه غلط وغلط كبير اخرى
ندى :انا مادرت شي😌 خليه بيش يتعلم كيف يتعامل مع خلق الله 😏عليش رافع خشمه؟😒
عبير :الموضوع بينك وبينه البنت شن دخلها 😡
ندى :دخلها انها حبيبته ،شفتي كيف قعد حايس وباينه عليه الضيقه ديما ومازال ماشاف شي😏
عبير :صدمتيني فيك اقسم بالله لنقانك واطيه ندمتيني ع اني وريتها لك
ندى :مش شورك انتي
عبير :تي كيف مش شوري ؟!مش نا اللي وريتها لك؟؟
ندى :مادخلكش قلنا 😒
عبير :اوكي يا ندى ديري اللي تبي اتديريه بس نا سامحيني عاللي حنديره ✋يلا سلام
ندى تضحك :😂😂😂😂طيبة واجد مسكينه
سلام
عبير صكرت من ندى وقعدت اتفكر :معش فيها الا اني نحكي الحق بسسس نحكي لمن زعمه نحكي لمحمد؟؟ لالا مرات يدير مشكله مع ندى وتتعقد المشكله اكثر 💔الاحسن اني نحكيلها هي بروحها لماانشوفها وهكي انبري ذمتي من ذنبها وهظااحسن حل👌
ــــــــــ
في حوشنا
كنا كلنا قاعدين انهدرزوا وجونا تمام وناض بابا
انا :وين ياغالي
بابا :بنرقد حاس روحي تعبان اشويه
انا :لاباس عليك حبيبي كنك😞💔
ماما :شكله واخذ برد
انا :باه خذيت دواء ؟؟
بابا :اها خذيت
ماما : خلاص بطلي اسأله خلي باتك يعدي يتريح
انا :ان شاء الله فيا ولافيك 💔
بابا :بعد السو
وعدا بابا يرقد وانا درت روتيني الليلي ورقدت وعيت للقيام دعيت لبابا ودعيت ربي ينصرني وفي الصبح
جهزت نفسي عندي روته ف مستشفى ونزلت لقيت ماما واعيه
انا :صباح الورد ست الحبايب وحبيت ع راسها😘
ماما :صباح النور
انا :بابا وعى ؟؟
ماما :باتك مريض ناض صلى الفجر ورقد حيوصلك خوك اليوم
انا خشيت لبابا لقيته راقد حبيت ع راسه :ربي يشفيك ويحفظك ليا يااارب
وطلعت للمستشفى
ـــــــ
وفي المستشفى
عُلا : مش هظا محمد؟
انا :ميهمش
عُلا: كنك ماده وجك؟
انا :بابا مريض 💔
عُلا :لاباس عليه كنه؟
انا :واخذ بارد 😞💔
عُلا : ربي يشفيه ويحفظه لك ويفرحه بتخرجك وبيك
انا :امين
ونحنا نحكوا في بنت جتنا
البنت :ياسمين ممكن نحكى معاك اشويه؟؟
انا :تفضلي
البنت :بدايةً اسمي عبير ممرضه ف قسم الباطنه
انا :تشرفت بيك 😊
عبير :تسلميلي...اسمعي حنخش ع الموضوع ......
وبدت عبير تحكي كل شي ولما كملت...
عبير :وهظا اللي صار 💔والحق انا حاسه بالذنب لاني انا اللي وريتك لها ولو ماوريتك لها ماصارش اللي صار
انا :باه موضوع بينها وبين محمد انا شن دخلني يضايقوني ويتكلموا عليا بالظلم 💔
عبير :هي فاهمه انك حاجز بينهم و انك عاميته عن غيرك فكانت بتعطيه قسمة ظهر فيك 😞
انا : اصلا من غيري محمد ميحبش البنات طبيعي مش حيعطيها وجه
عبير :لو مايحبش البنات كيف حبك 😏
عُلا راقيلها :لانها مش اي بنت 😒
عُلا :😳
انا :كنك؟
عُلا :اتفكري في اللي انفكر فيه ؟؟
انا : الشاب اللي كان يعلق ع كل بوست ليا 😳
عبير :هو نفسه منير لما حظرتيه زقبلك بايميل ثاني 😞
انا :حسبي الله ونعم الوكيل💔
عُلا :يعني توا بعد خربتوها جايه تتكلمي ليش ماتكلمتي من الاول 😡؟؟
انا :عُلا اسكتي مش ناقصه الحكايه
عُلا : 😞
عبير : انا جيت قتلك عشان ضميري ايريحني في النهايه انا بنت كيفي كيفك واللي مانرضاها لنفسي مانرضاها لغيري
عُلا عصبت :لا نوسه مش كيفك ولا كيف حد عمرهاعُلا عصبت :لا نوسه مش كيفك ولا كيف حد عمرها ماظلمت حد او تكلمت عن حد او شوهت سمعة حد
انا :عُلا خلااااص قلت ...
وانتي ياعبير شكرا ماقصرتيش ✋عبير :امسامحتني؟😞
انا : ربي يهديك
ــــــــ
في حوشنا
خشت ماما ع بابا تعطيه الدواء
ماما :نوض يااحويج خوذ دواك
بابا ناض ياخذ الدواء وكان داهش بكل
ماما :انكلم العيال ايشيلوك للمستشفى؟
بابا :لالا مافيا شي تعب ديما يصير
ماما : بس انت داهش وحرارتك راقيه وصدرك تعبان
بابا :متخافيش مع الدواء حنصح
ماما :باه انخليك تتريح
ــــــــــ
عُلا :نوسه نوسه 😕
انا قاعده في المستشفى وعقلي في بابا وفي الظلم اللي نزل عليا 💔 :نعم
عُلا : وين سارحه
انا :مش سارحه
عُلا :تبيش تحكي لمحمد ع ندى؟
انا :لأ
عُلا :ليش؟فهميه الموضوع
انا :اننننلا خليه يفهم كيف مابيفهم
عُلا :باه انتي توا شن بتديري 🤔
انا :في شنو؟
عُلا :تي كنك رايحه مستكه انتي
موضوع ندى ومنير والكلام اللي مافيش منه😒
انا: مش دايره شي
عُلا :من جدك؟؟
انا :اهاااا ،امخليتهم لربي ✋💔
عُلا :ونعم بالله
باه خلاص افرديها البنات جن 😘
انا :😊
البنات *ايمان وسجى واميره* :خير ياعرب 😘
عُلا :خيرات يا اجانب 😂😂😂
ايمان :اما انا تركيه 🙈
عُلا :يسمعوك الاتراك ينتحروا 😜
سجى :ونا اسويسريه🤣
عُلا :ماخطمت عليك حتى بالكذب 😂
اميره : انا بريطانيه 😍
عُلا : نا عليا من ميغان 😉اما انا تشاديه 😂😂😂😂💔
ايمان :كان السماحه هذي كلها تشاديه نحنا شنو 😂😂
سجى :حبشيات 😂😂😂😂
انا قاعده ساكته ماتكلمتش
اميره :هما العرب هظيم كنهم 🤔
ايمان اتنغز فيا بصبعها 👈:نوسه يا نسنوسه
انا :نعمممم
سجى :اللي واخذ عقلك 😏
اميره :يتهنى بيه 😘
انا بحتت فيهن ومارديتش
وبرمت شفت واحد من عمال النظافه النقلا كبير ف السن تعثر وطاح منه ادوات النظافه وانكب سطل المية 💔حسيته وجعاته روحه صبيت عديتله نجري وقفته ورفعت ادوات النظافه وهو طبس بيلم المية اللي انكبت بالخشه
انا :هات ياعمو
العامل : لالا مافي انت دكتور
انا بابتسامه😊 : لاني دكتور واجبي اساعدك
و خذيته قمعزته ع كرسي
وخذيت منه الخيشه ومسحت الميه اللي انكبت
وبحتت فيه لقيته يبحتلي مبتسم 😊 شيرتله انه يقعد مكانه وعديت غسلت يدي وعديت للكافيتيريا خذيت علبة عصير وشوكلاطه ورديتله بسرعه
انا :تفضل ياعمو 😊
العامل :لالا شكرا
انا :مااتردهاش 😞وفتحتله الشوكلاطه وعلبة العصير وحطيتهن له في يده :ربي يعطيك الصحه 😊
العامل عيونه بانت فيهن الفرحه :الله يفتح عليك ويرضى عنك ويرضيك ويفرحك وينصرك و يوفقك ويحبب كل خلقه فيك ويجبرك
انا من فرحتي بدعوته عيوني دمعن :اميييين يارب 💙
ورديت للبنات
عُلا :في ميزان حسناتك يا قلبي اصليه من يومك
ايمان : اللي درتيه من جدك 😳
انا : اللي درته انسانيه شنو تبيني انبحت فيه ونقعد ماده وجي ؟
سجى :بس انتي دكتوره
انا :دكتورة او عامله نظافه ميهمش المهم انه انسان وواجبي انساعده 👌
عُلا : ياريت الناس كلها نفسك 💙
انا تذكرت بابا وحسيت بخنقه 💔 : حسني مخنوقه نبي انروح 💔
عُلا :كنك 😳
انا :مش عارفه نبي انروح وبس
اميره :بالك تضايقت منا 💔
عُلا :لالا من امبدري هك هي
سجى :والدكتور والروته والبيشينز ؟؟
انا :مش قادرة انركز 😞
عُلا :اووووف مش انتي نوسه اللي نعرفها كنك شن صايرلك
انا :😞💔بنكلم عبد الله ايروح بيا
عُلا :ديري اللي يريحك
وكلمت عبدو يجيني
ــــــ
في الطريق
انا :كيف حال بابا توا
عبدو : مازال تعبان ومايبيش ايعدي للمستشفى
انا : ياريته فيا ولا فيه
عبدو :خطرها يومتها حلمت ب باتنا 💔
انا :شنو ؟؟
عبدو :اممممم خلاص فوتي
انا :تي احكي 😒
عبدو :فوتي قلنا 😒
انا :البراده هذي فكني منها ماتبيش تحكي ليش تتكلم من الاول 🤦‍♀
عبدو : وانتي كنك امعصبه 🤔
انا :ماكني شي
عبدو :صدقتك
انا :غصبا عنك
ـــــــــ
عُلا مع خالد
خالد :باهي هي ليش ما اتفهماش اللي صار ؟
عُلا : نوسه مااتحبش اتبرر لحد شي ومحمد طبعه غيور وعصبي وماتنساش انهم اساسا مافي شي بينهم
خالد :وهي هلها ليش رافضينه
عُلا :امها رفضت عشان بيسافر ايعيش برا وهي تبيش نوسه اتبعد عنها
خالد : هي مش عايشتلها ديما
عُلا :عدي لامها و فهمها
خالد مبتسم :خلينا فيك انتي توا
عُلا :كني انا 🙊🙈
خالد :كل يوم اتزيدي سماحه وجاذبيه 😍
عُلا بخجل :اسسسس عيب 🙊🙈
خالد يضحك :😂😂ماقلتش شي عيب انا توا مازلت مؤدب
بس قوليلي
عُلا :شنو
خالد :اتحبيني؟!
عُلا بنظرة حب وخجل : امممممم اكيد بس مش اكثر من لولي 🙊🙈
خالد : نعشقك يامغروره😍
ــــــ
وصلنا للحوش وخشيت نجري لبابا
انا فتحت الباب بشويه وبحتت 👀لقيته راقد خشيت حبيت ع راسه :ربي يشفيك و يحفظك ليا ويطول بعمرك
وطلعت وصكرت الباب بشويه
ماما طالعه من مطبخ:انتي روحتي؟
انا :لالا مازلت برا 😂😂
و جيت لماما حبيت ع راسها : توا كيف روحت
ماما :باه اركبي غيري دبشك وانزلي كولي
انا :ماعنديش نيه ياماما بندوش وانصلي ونقرا الامتحانات قربت
ماما :لازم تاكلي رايحه ماتاكليش اكويس
انا :عيوني ماعنديش نيه لماانجوع حناكل😘
ادعيلي ❤
ماما :ربي يوفقك ويفتح عليك ويجبر بخاطرك
وركبت دوشت وصليت ودعيت لبابا ولنفسي وغفيت اشوي ووعيت نقرا
وعدا الاسبوع عادي
ــــــ
قبل الامتحانات باسبوع
ماما خشت ع بابا اتوعي فيه : حاج ياحاج نوض المغرب اذن
#يتبع