انا قبل كل شي 🥀 ( روايات ليبية )

حلقة 8🔥

رواية #انا_قبل_كل_شي
( حقيقة ممزوجة بلواقع )
للكاتبة #جوري_زايد
الرواية بلهجة الليبية
حلقة 8🔥

عُلا تبكي وتمسحلي ف دموعي :لأ لأ خليكِ قويه كيف ماعرفتك خليكِ  قويه💔
انا حسيت روحي سقعت وكرعيا معش شالني وطحت 😞
عُلا :حي عليااااا نوسه كنك 😭😭😭💔
ماما تبكي وجتني تجري: حي علياااا بنتي 😭😭
عُلا :ايديها امجمدات 😳 اي شي حلو بسرعه حتى اميه وسكر صارلها هبوط💔
فايزه عدت تجري للمطبخ
عُلا قاعده وماسكتني اتوعي فيا :نوستي يااانوسه نوضي  ياسمين ردي عليااا 😭
انا فتحت دوبني عيوني وصوت العياط في وذني
فايزه :هاكي شربيها
عُلا ماسكه كبايه العصير : نوستي اشربي
انا هزيت راسي :لالا نبيش
فايزه:ياروحي اشربي حتى اشويه سكرك هابط 💔
عُلا :هيا وراس نوسه اشربي اشويه....
انا شربت اشويه من عصير ومازلت مستكه ودموعي تنزل 💔: كنت متعلقه بالدعاء على امل انه حيردلي وتأكدت ان الموت هو الوحيد اللي لما يجي وقته مافي شي يرده حتى الدعاء 💔
عُلا قعدت تبكي وحضنتني  :يا قلبي انا هظا عمره الله غالب مانقدروا انردوه 💔 صبي هيا نطلعوا  العرب يجوا يعزوا ويدوروا فيك
انا اندور في فوني: فوني وين ؟؟
عُلا : اهوه
انا رنيت ع عبد الرحمن : ماني 💔
عبد الرحمن :كنك 😞
انا :نبي انشوفه جيبوه ليااا 😭💔
عبد الرحمن :باه انكملوا تغسيل انجيبه لك
وصكرت من ماني
جت نونا :نوسه هاكي علاء يبي يبيك
*علاء خيي اصغر واحد ف الشباب والملتزم اللي فينا  مسافر يقرا برا واول ماعرف بخبر وفاة بابا ع طول كلمنا *
علاء :السلام عليكم
انا :وعليك السلام
علاء : عزانا واحد 💔
انا السكوت اللي صار لي من لما سمعت خبر وفاة بابا لعند اتصال علاء عدا وانفجرت نبكي : خلاص مات يا علاء بابا عدا 💔
علاء : هظا حال الدنيا يانوسه والموت طريق كلنا حنسلكوه الحمد لله اللي عطاه عمر 75 سنه البكا توا مايدير شي هو توا يبي دعاء يبيك تدعيله محتاج لبرك له اكثر من قبل ادعيله ربي يثبته عند السؤال ويونس عليه وحدته واصبري واحتسبي اجرك لله
انا :ان شاء الله
علاء : خليك مع امي والبنات وصبريهن عابي عليك نا راه
انا : حاظر
علاء : خلاص انا بعدين حنكلمكم
انا :ان شاء الله
علاء :ردوا بالكم من امي و ارواحكم ...سلام
انا :سلام
لما صكرت منه هديت حسيت كأن ربي دزه ليا عشان يخفف عني ويصبرني
عُلا : اسسسس ربي يرحمه ويغفرله ادعيله يانوستي
انا :يااارب قويني
طلعت لقيت الحوش مليان
ــــــــ
عند محمد
محمد :زعمه شن صاير فيها توا وكيف بنوصل فيها 💔 يااااارب صبرها وقويها
ــــــ
في حوشنا
عبد الرحمن يرن ع نونا
عبد الرحمن : نسرين فضيلي الطريق
نونا :هيا
عبد الرحمن شايل التابوت مع عبد الله واصحابه الاثنين : بشويه يا شباب...
وخششوه وطلعوا كلهم وقعد عبد الرحمن
عبد الرحمن :يانونا كلمي امي والبنات وتعالن
طلعنا لقينا قدامنا تابوت فيه بابا  وماني يفتح ف الكفن من علي وجه💔😞😭
وانقلب الحوش اعياط اكثر
ماما طبست عليه ومسحت ع وجه وتبكي :الله يرحمك ويسامحك
نونا باساته ع راسه :ياناعلييييي يا بابا لمن سيبتنا من لنا بعدك  💔
انا قربت منه وبحتت في ماني: بابا راقد ياماني 💔
ماني  طبس راسه ودمعته نزلت😞
انا طبست عليه حبيته ع جبهته وخشمه كان امصقع بكل وريحته مسك : ليش ف الوقت اللي انظلمت فيه عديت وسيبتني 💔بابا محتاجتك نا 😭💔
مسحت ع لحيته كانت بيضاااء كيف ماكان مهتم بيها قبل وحطيت راسي عليه وغمضت اعيوني نبكي :ربي العالم كيف كنت انراجي فيك اتروحلي بصحتك عندي كلام وااااااجد خاطري انقوله لك بس توا  مش حتسمعني الله يرحمك يا دلالي 💔
عبد الرحمن مسكني ووقفني وضمني له يمسح ع راسي: خلاص اهدي وادعيله 😞 تعالن خوذنها وخشن هيا بنطلعوه 💔
انا لما قال بنطلعوه قلبي عصرني :ياااارب صبرني 💔
خشيت قابلتني عُلا ارتميت ف حضنها وبكيت كأني مابكيتش من قبل بكل 😭 :خلاص يا لولي بيدفنوه معش حنشوفه
عُلا : الحمد لله ع كل حال 💔
عبد الرحمن :عبد الله كلم احمد وعمر وياسين 
خش عبد الله والشباب وطلعوا بابا وشالوه 💔
ــــــ
في الليل
مافيش حد فينا رقد ولا جاه نوم
انا قاعده ف داري حاسه بالحوش #امظلم بكل مع ان كل الضوايا والعات😞 وخايفه خوف ماخفتش زيه قبل ،،نضت توضيت و خليت باب الدار مفتوح وقعدت ع صلايتي نقرا قرٱن وندعي لبابا ربي يثبته عند السؤال ويرحمه ويغفرله 💔
وعدت اصعب واطول ليلة في حياتنا
ــــــ
عند عُلا
عُلا فتحت نت لقت مسج من محمد
محمد :خيرات عُلا كيف حالك؟ياريت اتطمنيني ع نوسه واتوصليلها تعزيتي وردي بالك منها وخليها تاكل اكويس هي من غادي ماتاكلش يابال توا 💔 ولو في مجال نبيها تفتح بكرا بنحكي معاها
عُلا : اهلا  ،حاااظر ان شاء الله
ـــــــــ