رواية #انا_قبل_كل_شي
( حقيقة ممزوجة بلواقع )
للكاتبة #جوري_زايد
الرواية بلهجة الليبية
حلقة 2🔥
❤
محمد :خلاص هذا قرارك ؟
أنا : يس
محمد : ربي يسخرلك اللي فيه خير 💔
أنا : محمد ..
محمد : نعم ..
أنا : أناااا 🙈
محمد : انتي كنك ؟
انا :اموافقه 🙈 😌
محمد : تحكي جد 😍
أنا : جد الجد 🙈
محمد :شن غيرك رايك؟
انا :اصلا هذا قراري من الاول😌 ، كنت نحرقلك في دمك بس 😁
محمد :مجرمه 😠
انا :عارفه روحي ماجبتش شي جديد😂😂😂😜
يا محمد كل اللي داروا روحهم حبوني وتقدمولي لغرض معين لكن أنتَ حبيتني وقررت ترتبط بيَّا من دون حتى ما تشوفني ..
محمد : تي جمال شخصيتك وروحك يكفن 😍 ، مايهمنيش شكلك حتى لو عفريته عادي 😂
أنا : عفريته تفجعك 😒
محمد : ههههههههههههه ، خلاص شوفي هلك ادويلهم وحددي معاهم يوم انجيب فيه هلي 😍
أنا : حاضر ، توا ممكن نرقد عشان بكرا ورايا نوضه بدري 🌚. ؟
محمد : ليلتك سعيده دكتورتي ❤❤
أنا : محمد
محمد : عيونه 😍
أنا : بدينا فـ الطروح عاد 🌚
محمد :مكبد من زمان أنا 😂😍
أنا : بنسألك
محمد :تفضلي
أنا : اول ماعرفتني نحكو ماسنجر .. ليش ماطلبتش نحكو صوت أو تشوفني .
محمد : أنتِ ما قبلتي الأضافه بتقبلي تحكي صوت؟ .. بعدين ي نوستي لما تكوني حلالي حقي نحكي معاكِ صوت ونشوفك غيره لأ 🙂🙂 .
أنا : نعليا من العقل .. ربي يحفظك .. وفي عقلي نجك ليا وحق ربي تجنن 😍😂
محمد : ويحفظك طشتي .. أرقدي هي ❤
ـــــــــــــ
نضت ثاني يوم مشيت الجامعه وعدا الروتين زي اي يوم
فـ الليل جيت لماما بنحكيلها
أنا : ماما فاضيه ؟
مااما : تعالي
أنا : بنحكي معاكِ شويه
ماما : شن في !؟
انا :مش انتي تبيني نجوز 🙈🙊
ماما : اكيييد
انا :زغرتي ياحاجه جبتلك نسيب 😂😂
ماما : لولولييييي طيب فيا اللي حركتي روحك ، من اللي داعيه عليه امه وبياخذك 😂
انا :ريتوها في ام تحكي هك ع بنتها 😳انتي ام انتي 😭
ماما : بدت في حركاتها عاد 😒 قولي من ؟
انا : شاب تعرفت عليه 🙈🙊بس مايعدي عقلك بعيد مافي شي بيننا ،حكينا شات بس حتى مازال ماشافني...
ماما : باهيييي؟
انا : خلاص عجبته بكل بكل والحق عجبني لقيت فيه كل المواصفات والشخصيه اللي نبيها 🙈
ماما : باهي ؟
أنا : اسمه محمد دكتور باطنه ومعيد في الجامعه بعد يكمل ماستر بيطلع الفرح وانسافروا كندا يحظر دكتوراه ويقعد فتره غادي ..
ماما : باهي ؟
أنا : خلاص قالي شاوري هلك عشان يجيب هله يخطبوا
ماما : أنسي 💁♀
انا : عليش 🙁
ماما : هك انسي ومعش تحكي عليه ولا تحكي معاه .
أنا صبيت لداري سكرت ع روحي وقعدت مضايقه مافهمتش ليش ماما رفضت سكرت النت ورقدت ووعيت وعدا اليوم و وعدا الاسبوع عادي 💔
ــــــــــــ
بعد اسبوع
مااما خشت داري وفتحت الروشن : ياسمين صبي اختك جايه من بيضاء
انانضت ونعسانه :صباح الخير
صبيت ضميت بعد كملت سمعتها تحكي مع اختي في الفون : ليش كلكم تبعدوا من يلايا أنتِ في البيضاء واختك في طرابلس وهذي جايها واحد بياخذها برا ليبيا بكل 💔كني نا مكتوبلي اتبعدوا كلكم حسوا بيا راني ام وحالي كيف اي ام تبي ضناها قريبين منها💔
انا بعد قالت هكي وجعتني وحسيت بيها وفهمت ليش رفضت خشيت لداري
وفتحت نت
راسلت محمد:
أنا : محمد
محمد : وينك وكنك مسكره شن صار حكيتي لهلك؟؟
أنا : حكيت اها ، أسفه محمد 🙁💔
محمد : شن صار😳
انا :ماما رفضت
محمد : مش معقوله عليش باهي شن السبب؟؟
أنا : ماما تبيني قريبه منها خواتي لـ2 مش يلاها وانا كان وافقت بنعدو لكندا 🙁
محمد : نلغيها كندا بلاش منها المهم انتي قوليلها اتوافق
أنا : لا يا محمد ما تتخلاش عن حلمك عشاني أكيد ربي حـ يعوضك بالـ الأحسن منّي
محمد بعصبيه : نووووووووسه😠
أنا : نعم "
محمد : نبيك انا مانبيش احسن منك 😔💔
انا :اللي عليا درته خلينا ع النصيب 💔
.
جتنا أختي
ملاك :نوسه كنك مش ع جوك ؟؟
انا : ماكني شي عادي🙂بنركب نقرا ...
وماما قعدت تحكيلها .
و ثاني يوم وعيت قبل الفجر بساعه صليت ودعيت ربي يسخرلي الخير ومايعلق قلبي بحد ويسخر لمحمد الخير ويعوضه عني خير وكنت حاسه براحه كبيره❤وقعدت نستغفر للفجر صليت الفجر وقريت اذكاري وفطرت وطلعت للجنان مشيت اشويه للشروق ..سقيت الزرع وحطيت اميه وقمح الطيور وحليب للقطوسه وخشيت دوشت وجهزت نفسي للجامعه وتوكلت ع ربي للجامعه...
عُلا : هلا
أنا : أهلين 🙁
عُلا : كنك 😳
أنا : ماما رفضت محمد🙁
عُلا : حبيبتي 💔☹
وقعدنا نحكو مع بعضنا
ــــــــــ
في يوم نهدرزو أنا ومحمد
محمد : نوسه
أنا : نعم
محمد : أحكي مع هلك أخرى 😥
أنا : محمد مانبيش انزعل ماما البنات غيري واجد اخطب وحده أخرى مليون بنت تتمناك 🙁💔💔💔
محمد : انا نبيك انتي مانبيش غيرك افهمي عاد 😔
انا :وانا مانقدر انزعل ماما فلو اتحبني جد كمل حياتك اجوز وسافر كندا وحقق حلمك
محمد :مانيش متجوز ولاخاطب
أنا : محمد متعاندش عشان خاطري أخطب وأفرح وفرح أمك بيك ❤😥 ، ح نكون أكثر وحده فرحانتلك "
محمد : يعني خلاص
انا :اها وووو ياريت ينتهي التواصل بيننا 😔
محمد :اخرى؟؟؟ اوكي اللي يريحك يانوسه فرصه سعيده وما تنسينيش
أنا : في امان الله💔
صبيت صليت قيام الليل
أنا : يااارب 😭 سخرلي الخير 🙌 يارب يقربله ناس كويسين ويسخرله كل شي يحبه ويرضيه و يبيه 😥❤
ـــــــــــ
في الحاظر
خذاني النوم ورقدت ونا انفكر ف محمد واي صدفه جمعتني بيه اليوم ونضت ع صوت ماما ...
أنت تقرأ
انا قبل كل شي 🥀 ( روايات ليبية )
Romansaللكاتبة : #جوري_زايد تدور الاحدات حول قصة عاشتها احدي الفتيات الليبيات لسعي وراء حلمها و عدم اليأس و اكيد مع مناقشة العديد من الاحدات و المشاكل التي وقعت فيها ؟
